Panmaeq 4:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq4 Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae. Gade chapit laAkha4 Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh. Gade chapit la |
Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.
Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.
Aqyawf sanqbof khoeryov yur-euq naeq-aer yawdaef jeq oeq mawr hawr-eu aqyuif aqtsu khoer 24 ghaq Yawrzaq-euq maeqshi awbyav ghae-euq mae. Aqyawfmaf yawqghaq navluf deur-mq cuq baf-awr, dofdamq-eu yawsaw jeq tiqbyanni anr-eu shuir khmqmaq ciqluf-eu mae. Yawsaw jeq khoer-aq, tsawrshawr deuq-euq guiqlanq shardawq mae.
Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.
Khoernar-aq, ngar hawghae ngae, hawsher-eq, tsawrhaq tiqghaq-iq maq guijir coer-eu tsawrhaq armaf mafma-anr ya’mawr-euq ma. Aqyawf maf-aq, tsawrjeuq tsawrca, arjeuq arca, tsawrhaq hawr-eu dawqngaeq dawqbav yawqjeq navluf-euq lafkhoer nae lartaq-euq mae. Aqyawfmaf pyurdeuqni ghae-eu paerkhanq paermanr dm-awr, aqlaf-anr daor uqpyaq baf-awr nae, nuirmanq hawr-eu Yawrzaq-euq maeqshi yawfluf-eu mae.
Khoerngae, aqyawfmaf yawqghaq navluf-anr pyurdeuqni ghae-eu paerkhanq paermanr bifnaeq-awr aernaeq-eu, “Nawmaf naeq-aer Kali-euq ghaqzaq ghaqkhaer deuq hawr-eu aqyuif aqnyir deuq, tsaqtsov taq-euq lof-aer nawmaf-anr durni saef-eu gar yadaq-eu tsawrhaq, nanqmyaq maq byanlar-euq khoerkeuvni, nawmaf tiqkhaeq naq-awr dawqtawq siq.”
Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.
Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.
Khoerngae, ngar, aqyuif aqtsu deuq-euq ghanrcae, nuirmanq hawr-eu yawdaef jeq khoer oeq mawr-euq yawkaq-anr Yawrzaq yawfluf-eu gar ya’mawr-euq ma. Yawrzaq-aq, saef-euq gar yadaq-euq lof-aer dur-eu mae. Aqyawf-aq, uqcoer shif coer tsof-awr, myavnuiv shif nuiv tsof-eu mae. Myavnuiv khoer shif nuiv-aq, mirtsaq-euq khoertav doeni Miqyaer nae bi irbyan taq-euq Miqyaer-euq Saflar shif lar mae.