Biblia Todo Logo
Bib sou entènèt

- Piblisite -




Panmaeq 4:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

2 Khoernar-aq, tiqpov taef-aer muiq-eu Saflar-euq lafkhoer jawrluf ngae, mq-euq khoertav nuirmanq tiq manq jav-awr, nuirmanq-anr tiq ghaq nuirluf-eu gar ngar ya’mawr-euq ma.

Gade chapit la Kopi

Akha

2 Kʼoeˇ ngeh, tiˬ poˆ tehꞈ-ehˇ Yaw sahˇ Miˬyehˇ ngaˬ-ahˇ uˆ lahˇ le-euˬ meh. Mˬ kʼoeˇ taˆ dzoeˬ dzaˬ nuiˇ mahˬ tiˬ mahˬ jaˆ-awˇ, tsawˇ haˬ tiˬ gʼaˬ nuiˇ luꞈ-eu meh.

Gade chapit la Kopi




Panmaeq 4:2
28 Referans Kwoze  

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.


Khoerngae, ngar, nuirmanq-anr nuirluf-eu ghaq-euq armar laf-anr, yovtaq-euq sanqbof tiq yov anr-eu gar ya’mawr-euq ma. Sanqbof khoeryov-aq, lafkhoer lafnyir-aer nyiq pawluf sanqbof boftaq-awr, jmq shif tsanr diqtaq-euq mae.


Yawdaef jeq khoerdeuq, nuirmanq-anr nuir-awr mqmaq maqbyav yarzir daef-eu ghaq-anr, yawshaef khanqsaer, taqhuiq taqmanr-eu jeq hawr-eu guiqlanq-anr jaceuq-eu jeq dawqtawvluf damqnaeq ngae,


Nuirmanq-anr nae mqmyawf myawf-awr, mqjeq jeq-eu hawr-eu tersar ghawqmya jeq manrdov lef-eu mae. Nuirmanq-euq maeqshi miqdzaq tsirkhmq doftaq-euq mae. Tsirkhmq dofdavduq khoer shif hmq-aq, Miqyaer-euq Saflar shif lar mae.


Khoernar-aq, ngar, mq-euq khoertav hawr-eu mirtsaq-euq khoertav, mirtsaq-euq dawqdan hawr-eu iqmalavshav-euq lafkhoer, khardaef kharjawr-eu jeq, heulof-aer aer-eu gar yagaq-euq ma, “Jaceuq-eu jeq hawr-eu taqhuiq taqmanr-eu jeq, Yawshaef khanqsaer hawr-eu baoq dawqtawvluf, Li-eu maqbawni, nuirmanq-anr nuirluf-eu ghaq-anr hawr-eu Yawrzaq-anr of luf-ur.”


Khoernar-aq, aqyawf, ngaq-anr muiq-eu Saflar-euq lafkhoer, zawr huiq-awr gor-eu gawqjawq tiqjawq-anr ciqdav lef-awr, Miqyaer jawr-eu gar nae, shawr-eu Yeqlursaqlaeq meuq meuqma, mq-euq khoertav nae oeka-eu gar bimawr naeqlaf-euq mae.


Nga’maf aermawf-eu nuinoeq uqdzan-aq heulof-aer ma: aqdui, mq-euq khoertav jawr-awr, dawqtawv luf-anr uvlanr luf-eu, Sanqpaq Miqyaer-euq nuirmanq-euq armar paw nuirluf-eu Pirma yawhuiq ghaq jawr-eu ma.


Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.


Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.


Khoerngae, aqyuif aqtsu 24 ghaq hawr-eu yawdaef jeq khoer oeq mawr awbyav ghae-awr, nuirmanq-anr nuirluf-eu Miqyaer-anr uqduq tanqtanq-aer aer-eu, “Aqmeq! Haleluya!”


Khoernar-aq, nuirmanq-anr nuirluf-eu ghaq aer-eu, “Hawsher-eq! Ngar yawqjeq navluf, yawshuif janrpar jir-euq ma.” Aqyawf, ngaq-anr aernaeq laf-eu, “Nawr boftaq-awq. Aqjeq mirnae aernar-aq, dawq heudeuq-aq, tsaq duidui-awr sarjax zif-eu dawq mae.”


Khoernar-aq, muiq-eu Saflar-euq lafkhoer, ngaq-anr bawrtsanq bawrdanr-anr ciqghae naeqlaf-euq mae. Khoerngae, ngar, zaqmiq aqbur tiq ghaq, nertseuvni ghae-eu jeqzaq yawghae tiq mawr-anr dziqluf-eu gar ya’mawr-euq ma. Jeqzaq yawghae heumawr-aq, uqduq shif siq, uqcoer tser coer tsof-awr, mawrdo dolan-aer Miqyaer-anr yaeqbawq saerlu-aer aer-eu armyanr deuq boftaq-euq mae.


Khoerngae, zaqmiq aqbur khoerghaq, aqkar shmr gawqyoeq nae tsawrjeuq tsawrca dawqtawv luf-anr uvlanr-eu aqlizaq tiq ghaq ciq-euq mae. Khoernar-aq, aqyawf-euq aqlizaq-aq, Miqyaer jawr-eu gar hawr-eu aqyawf-euq nuirmanq jav-eu gar bi ciqdav lef-euq mae.


Aqyawfmaf gawqjawq hawr-eu khaqlo deuq-anr aernaeq-eu, “Nga’maf, nuirmanq-anr nuirluf-eu ghaq-euq myavpyawq-anr maqya mawr-aer, Yawrzaq nuima paer-eu gar maqya daqni, nga’maf-anr byavtaeq le-awr lavzaf naeqlaf-awq.


Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.


Yeqsur, aqyawf maf-anr heulof-aer aerkhof naeq-euq mae, “Tox-aer mar-iq, aqjeq mirnae muiq-eu Saflar, Daqbir-anr sheuqghae ngae, Kali-anr ‘Sanqpaq’ laer kur-awr heulof-aer aer-eu la?


aqyuif aqtsu khoer 24 ghaq khawf, nuirmanq-anr nuirluf-eu mqmaq maqbyav yarzir daef-eu khoerghaq-anr, awbyav-awr uqduq tanq-eu mae. Nuirmanq-euq maeqshi aqyawf maf-euq shuir uqkhov dzaetaq-awr heulof-aer aer-eu mae,


Swiv nou:

Piblisite


Piblisite