Panmaeq 4:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ aqyuif aqtsu khoer 24 ghaq khawf, nuirmanq-anr nuirluf-eu mqmaq maqbyav yarzir daef-eu khoerghaq-anr, awbyav-awr uqduq tanq-eu mae. Nuirmanq-euq maeqshi aqyawf maf-euq shuir uqkhov dzaetaq-awr heulof-aer aer-eu mae,

Akha

¹⁰ aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,

Panmaeq 4:10 Referans Kwoze

Panmaeq 5:8

Aqyawf sanqbof khoeryov yur-euq naeq-aer yawdaef jeq oeq mawr hawr-eu aqyuif aqtsu khoer 24 ghaq Yawrzaq-euq maeqshi awbyav ghae-euq mae. Aqyawfmaf yawqghaq navluf deur-mq cuq baf-awr, dofdamq-eu yawsaw jeq tiqbyanni anr-eu shuir khmqmaq ciqluf-eu mae. Yawsaw jeq khoer-aq, tsawrshawr deuq-euq guiqlanq shardawq mae.

Panmaeq 19:4

Khoerngae, aqyuif aqtsu 24 ghaq hawr-eu yawdaef jeq khoer oeq mawr awbyav ghae-awr, nuirmanq-anr nuirluf-eu Miqyaer-anr uqduq tanqtanq-aer aer-eu, “Aqmeq! Haleluya!”

Panmaeq 11:16

Khoerngae, Miqyaer-euq maeqshi, yawqha-euq nuirmanq-anr yawqha nuirluf-eu aqyuif aqtsu 24 ghaq, mirtsa awbyav-awr Miqyaer-anr uqduq tanqtanq-aer

Jaceuq 95:6

Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Panmaeq 4:4

Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae.

Panmaeq 7:11

Mqtav ghaqkhaer dawqtawvluf, nuirmanq-euq tiqjawq, aqyuif aqtsu deuq hawr-eu yawdaef jeq khoer oeq mawr-euq tiqjawq yawfluf-eu mae. Khoerngae, aqyawfmaf nuirmanq-euq maeqshi awbyav-awr, Miqyaer-anr uqduq tanq-eu lafkhoer,

Panmaeq 5:14

Khoerngae, yawdaef jeq khoer oeq mawr, “Aqmeq!” laer aer-awr, aqyuif aqtsu khoer 24 ghaq khawf, awbyav-awr li-eu maqbawni daef-eu ghaq-anr uqduq tanq-euq mae.

Panmaeq 15:4

Sanqpaq Miqyaer-or! Nawq-anr maqguv-aer, Nawq-euq tsawrmyanr-anr maq ciqhuiq-eu aqsur ghaq jawr-eu la? Aqjeq mirnae aernar-aq, nawr, tiq ghaq taef-aer yawshawr mae. Mirkhanq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Aqjeq mirnae aernar-aq, nawq nae dar-euq lof-aer byacaevni dovlar-euq mae.”

Jaceuq 72:11

Sanqpaq dawqtawvluf, aqyawf-euq maeqshi ya gabyav-awr; Mirkhanq tsawrjeuq dawqtawvluf, aqyawf-euq kuirlaf yageuf taef-a.

Panmaeq 4:9

Yawdaef jeq khoerdeuq, nuirmanq-anr nuir-awr mqmaq maqbyav yarzir daef-eu ghaq-anr, yawshaef khanqsaer, taqhuiq taqmanr-eu jeq hawr-eu guiqlanq-anr jaceuq-eu jeq dawqtawvluf damqnaeq ngae,

Maꞈtehˬ 2:11

Irkanr urler ngae, aqlizaq hawr-eu aqyawf-euq aqma Maqliv-anr ya’mawr-awr, pawqtsuif pawqdmq dmq-awr, aqlizaq-anr uqduq tanq-euq mae. Khoernar-aq, aqyawfmaf nae yurlaf-euq arpoeq zawr khav-eu lafsawq deuq beuqdov-awr, aqyawf-anr damqnaeq-euq mae. Lafsawq khoerdeuq-aq, shuir, lawrbaoq hawr-eu murlaq mae.

Luˇkaꞈ 24:52

Aqyawfmaf, aqyawf-anr uqduq tanq-awr, laqkhaq caertavni Yeqlursaqlaeq-anr ghofler-euq mae.

Jaceuq 115:1

Ya’we Miqyaer-or! Nga’maf-anr maqngeur-eu, nga’maf-anr maqngeur-eu; Nawq-euq tsawrmyanr yawshaef khanqsaer huiq luf-ur. Aqjeq mirnae aernar-aq, Nawq-euq ghawqshaq gaq-eu jeq hawr-eu, Nawq-euq yawtsaq yawdawr-euq baqda’nae mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

Jaceuq 47:8

Miqyaer-aq, aqyawf-euq shawr-eu nuirmanq-anr nuir-awr, Miqyaer-aq, tsawrjeuq tsawrca deuq-euq khoertav uvlanr luf-eu mae.

Panmaeq 4:2

Khoernar-aq, tiqpov taef-aer muiq-eu Saflar-euq lafkhoer jawrluf ngae, mq-euq khoertav nuirmanq tiq manq jav-awr, nuirmanq-anr tiq ghaq nuirluf-eu gar ngar ya’mawr-euq ma.

Panmaeq 10:6

mq hawr-eu mq-euq khoertav kharjawr kharjav-eu dawqtawv luf-anr, mirtsaq hawr-eu mirtsaq-euq khoertav kharjawr kharjav-eu dawqtawv luf-anr, iqmalavshav hawr-eu iqmalavshav-euq lafkhoer kharjawr kharjav-eu jeq-anr bae-euq ghaq pyeuf-eu, mqmaq maqbyav yarzir daef-eu ghaq-anr ghoe-awr kamq-eu lafkhoer aryamq maqpar nyinaqnya mae laer aer-eu mae.

Panmaeq 15:7

Yawdaef jeq khoer oeq mawr-euq lafkhoer tiq mawr-aq, mqtav ghaqkhaer khoer shif ghaq-anr, mqmaq maqbyav yarzir daef-eu Miqyaer-euq nuima paer duidui-eu jeq tiqbyanni danq-eu shuir khmqmaq shif khmq ciqnaeq-euq mae.