Panmaeq 3:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ “Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

Akha

⁸ Nawˇ mˇ luꞈ-eu jeˬ ngaˇ siˬ nya ma. Nawˇ baoˬ ui cuiˆ ahˇ-eu ngaˇ siˬ nya ma. Ngaˬ neh mehˬ-euˬ tsoˆ-euˬ dawˬ-ahˇ nawˇ caw teh-awˇ, ngaˬ-ahˇ nawˇ saˇ jaˇ ziꞈ-eu meh. Tsawˇ haˬ tiˬ gʼaˬ-iˬ maˬ piˬ tehˬ nya-eu laˇ gʼoˆ tiˬ gʼoˆ nawˬ-euˬ mehˬ shi ngaˇ pah taˬ-euˬ ma.

Panmaeq 3:8 Referans Kwoze

1 Gawˇliˬtu 16:9

Aqjeq mirnae aernar-aq, gar yawmuiq-aer mrnya’ni, ngaq-euq gharduq larghov jerloni pantaq-euq mae. Ngar gar mr-eu gar lavtsoeq-eu tsawrhaq khawf ghawqmya’ni jawr-eu mae.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”

2 Gawˇliˬtu 2:12

Kali-euq guiqlanqdawq maeq-eu laer ngar, Daqlor-anr larkeuv ngae, Sanqpaq Miqyaer, ngaq-euq gharduq larghov pannaeq laf-euq mae.

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Luˇkaꞈ 12:9

Aerkhawf, tsawrhaq-euq maeqshi Ngaq-euq zaqlanr maqngeur laer aerdov-eu aqgeu ghaq-anr maqkaq, Tsawrhaq-euq Zaqyo khawf, Miqyaer-euq mqtav ghaqkhaer deuq-euq maeqshi ngaq-euq zaqlanr maqngeur laer aerdov taef-a.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Yoˇhaˬ 17:6

“Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Panmaeq 3:15

“Ngar, nawq nae mr-euq jeq-anr siqnya ma. Nawr-aq, yawtsaef khawf maqngeur-aer, yawlanr khawf maqngeur nga. Yawtsaef nar-aq yawtsaef, yawlanr nar-aq yawlanr laer duq-eu gar ngar geufmawf mir-a.

Panmaeq 22:7

“Hawde-eq. Ngar yawkawr-aer oe ma! Sanqbof heudmq-euq lafkhoer boftaq-euq, Miqyaer gharduq ngaeqdan-eu dawqdeuq-anr mrcaw-eu tsawrhaq-aq, guiqlanqhuiq taef-a.”

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

1 Tiˆmoˇseˬ 5:8

Tsawrhaq tiq ghaq, yawqha-euq tsawrhaq-anr ngaeq maqghae-eu uqtaf, yawqha-euq nymrkhanq-euq zaq-anr keuvni ngaeq maqghae nar-aq, jan-eu jeq-anr byaer-awr, Yeqsur-anr maqjan-eu tsawrhaq navmaqtser doer-eu mae.

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

Panmaeq 3:1

“Saqdir Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Saflar shif lar hawr-eu aqguir shif siq anrluf-eu ghaq heulof-aer aer-eu mae: “Ngar, nawq nae mr-euq jeq-anr siqnya ma. Aqcawq, nawr daefluf mae laer aer-eu khawf, nawr-aq yawshir mae.

Panmaeq 2:2

“Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Dawqdaq 30:9

Maqngeur nar-aq, ngar dzaqdaevnya lar-awr, “Ya’we Miqyaer aqsur ghaq la?” laer aer-awr, Nawq-anr byaernya-eu baw-mr. Ngar irshaqshaq nar-aq khawf, smrkhoeq khoeq-awr, Ngaq-euq Miqyaer-euq tsawrmyanr-anr lavcawv-eu baw-mr.