Panmaeq 3:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, Saqdir-euq lafkhoer, yawqha-euq maeqtsoeq maq lavjawfni daef-euq tsawrhaq tiqpavnav deuq jawr-a siq. Aqyawfmaf geux-eu mirnae, maeqtsoeq yawpyur dm-awr, ngaq naeq-aer tiqkawv lof-aer yacan taef-a.

Akha

⁴ Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.

Panmaeq 3:4 Referans Kwoze

Panmaeq 7:9

Khoernar-aq, ngar hawghae ngae, hawsher-eq, tsawrhaq tiqghaq-iq maq guijir coer-eu tsawrhaq armaf mafma-anr ya’mawr-euq ma. Aqyawf maf-aq, tsawrjeuq tsawrca, arjeuq arca, tsawrhaq hawr-eu dawqngaeq dawqbav yawqjeq navluf-euq lafkhoer nae lartaq-euq mae. Aqyawfmaf pyurdeuqni ghae-eu paerkhanq paermanr dm-awr, aqlaf-anr daor uqpyaq baf-awr nae, nuirmanq hawr-eu Yawrzaq-euq maeqshi yawfluf-eu mae.

Panmaeq 3:5

Ghaqler-eu tsawrhaq-aq, maeqtsoeq yawpyur yadm taef-a. Ngar, aqyawf-euq tsawrmyanr, Daef-eu jeq bif-eu sanqbof-anr nae maq sivbyovni, ngaqDa hawr-eu aqyawf-euq mqtav ghaqkhaer deuq-euq maeqshi, aqyawf-euq tsawrmyanr aerdov ma.

Panmaeq 6:11

Khoerngae, aqyawfmaf yawqghaq navluf-anr pyurdeuqni ghae-eu paerkhanq paermanr bifnaeq-awr aernaeq-eu, “Nawmaf naeq-aer Kali-euq ghaqzaq ghaqkhaer deuq hawr-eu aqyuif aqnyir deuq, tsaqtsov taq-euq lof-aer nawmaf-anr durni saef-eu gar yadaq-eu tsawrhaq, nanqmyaq maq byanlar-euq khoerkeuvni, nawmaf tiqkhaeq naq-awr dawqtawq siq.”

Panmaeq 19:14

Mqtav-euq guirmaf deuq, manq manqpyur dziq-awr, pyurdeuqni ghae-awr shawrjaevni ghae-eu muiq-eu sheqsha saqpar-euq maeqtsoeq dm-awr, aqyawf-euq maeqnan cantae ghae-euq mae.

Panmaeq 4:4

Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.

Panmaeq 19:8

Khoerngae, miqshuif-anr shawrjaevni ghae-awr yawshaef bya-eu, muiq-eu sheqsha saqpar maeqtsoeq bifnaeq-awr bidm-euq mae. Sheqsha saqpar khoer-aq, tsawrshawr deuq nae tsaq-awr dawr-eu jeq mr-euq gar aermawf-eu mae.

Yuˇdaˆ 1:23

Aerkhawf, nawmaf guv-eu nuima anr-eu lafkhoer tsawrhaq tiqpavnav deuq-anr bibuq-ir ni miqdzaq-euq lafkhoer nae gheudov naeq-awq. Shiqshaq baqda’nae maqshawrni bipyeuf-ir-euq maeqtsoeq-anr taef-aer khawf byae-awq.

Luˇkaꞈ 21:36

Khoermirnae, keuvle-eu laer ghae-eu heudeuq dawqtawv luf-anr nawmaf yabuq-ir-awr, Tsawrhaq-euq Zaqyo-euq maeqshi yawf-eu geux-eu tsawrhaq laer bisawxni, nawmaf aqmyanluf guiqlanq sharshar-aer, yawbeur beur-aer jawr-awq.”

Maˬkuˆ 16:5

Aqyawfmaf lmqbymr-euq lafkhoer urler ngae, pyurdeuqni ghae-eu paerkhanq paermanr dmluf-eu zaqyo aqli zaqguq tiq ghaq armar paw nuirluf-eu gar ya’mawr-awr guv duidui-ir-euq mae.

Luˇkaꞈ 20:35

Aerkhawf, aqkar karzir hawr-eu shir-awr ghofdaef lar-eu gar geux-eu laer sawxtaq-euq tsawrhaq deuq-aq, sheuqdanq dzaq-eu hawr-eu smrmir ir-eu maqbaw-a.

Maꞈtehˬ 10:11

“Nawmaf aqgeu meuq, aqgeu pu-anr ur-ir-eu maqkaq, khoergar jawr-eu tsawrhaq aqsur ghaq geux-eu la laer narhaq-awr, khoergar nae dov-ir ngae keuvni, nymr khoernymr-anr taef-aer jawr-awq.

Panmaeq 11:13

Khoerngae yamq-anr, mirluvluv duidui lar-awr, meuq heumeuq tser bymr-anr nae tiq bymr gabyav-euq mae. Mirluv luv-euq baqda’nae, tsawrhaq 7,000 ghaq shir-euq mae. Nuideuq-aq, guv duidui-ir-awr, mq-euq khoertav jawr-eu Miqyaer-anr ciqhuiq ciqmanr-eu mae.

2 Teˇsaˬloˇni 1:5

Khoerdeuq dawqtawv luf-euq lafkhoer, Miqyaer-aq, dawrcoeni yarkhaq dar-eu nga laer byacaevni dovlar taef-a. Khoermirnae, nawmaf, Miqyaer uvlanr-eu jeq-anr geux-eu nga laer sawxnya’ni, Miqyaer uvlanr-eu jeq-euq gharduq nawmaf ya daqluf-eu mae.

Jaceuq 68:14

Baoq huiq-eu ghaq, mirkhanq-euq sanqpaq deuq-anr taebyavnaeq ngae, Zaqlaqmoq gawqjawq-anr ngaer gale-euq gar dur taef-a.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

Panmaeq 14:4

Tsawrhaq heudeuq-aq, zaqmiq aqbur-euq baqda’nae maq lavjawf-euq shawr-eu tsawrhaq mae. Aqyawf maf-aq, Yawrzaq kharir-eu gar cantae-eu, Miqyaer hawr-eu Yawrzaq-anr lawrnaeq-eu awfbae baelar-euq arsiq pyeufni, aqyawf maf-anr tsawrhaqzaq-euq lafkhoer nae kakhofdov taq-euq deuq mae.