Panmaeq 3:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ “Lawqdiqciv Kalizaq armur-euq mqtav ghaqkhaer-anr heulof-aer bofnaeq-awq: ‘Sarjax zif-awr yawtsaq yawdawr-euq lafkhoer sarkir kamq-eu ghaq, Miqyaer nae khar baetaq-euq khoertav uqdzan ghaq pyeuf-awr, Aqmeq laer kur-eu ghaq heulof-aer aer-eu mae:

Akha

¹⁴ “Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 3:14 Referans Kwoze

Gawˇlawˇsehˇ 1:15

Kali-aq, maq mawrlar-eu Miqyaer-euq shaevdzeuf pyeuf-awr, baetaq-euq yawqjeq navluf-euq khoertav huqbaw zaqyo ghaq pyeuf-eu mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Gawˇlawˇsehˇ 1:18

Kali-aq, aqyawf-euq mawrdo pyeuf-eu Kalizaq armur-euq uqduq pyeuf-eu mae. Aqyawf-aq, ardanq bae-eu ghaq pyeuf-awr, yawqjeq navluf-euq khoertav uqdzan ghaq pyeuflarni, shir-euq deuq-anr nae ghofdaeflar baebae-euq ghaq pyeuf-eu mae.

2 Gawˇliˬtu 1:20

Miqyaer nae sarjax dzaqtaq-euq dawqtawvluf Kali-euq lafkhoer ngeur-eu jeq taef mae. Khoermirnae, aqdui, Miqyaer-anr ciqhuiq ciqmanr ngae, Kali-euq lafkhoer Aqmeq laer aer-eu ma.

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”

Panmaeq 22:13

Ngar-aq, Aqlaqpar hawr-eu Ormeqgar pyeuf-awr, Ardanq bae-awr Arsaq saq-eu ghaq pyeuf-eu uqtaf, Maeqhuq huq-eu hawr-eu Maeqnanq nanq-eu ghaq khawf ngeur ma.”

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Dawqdaq 8:22

“Aqyawf-euq garma ardanq baelar ngae, Arhu, aqyawf gar maqmr-euq minav-aer, Ya’we Miqyaer, ngaq-anr za-euq mae.

Panmaeq 22:6

Khoerngae, mqtav ghaqkhaer khoerghaq, ngaq-anr aernaeq laf-eu, “Dawq heudeuq-aq, tsaq duidui-awr sarjax zif-eu dawq mae.” Shawr-eu Miqyaer gharduq ngaeqdan-eu tsawrhaq deuq-euq Sanqpaq Miqyaer, ghawqmyanr maqghae-aer ya pyeuflar-eu garkawv deuq, aqyawf-euq ghaqzaq ghaqkhaer deuq-anr bimawr-eu laer aqyawf-euq mqtav ghaqkhaer tiq ghaq-anr khaerghae lef-euq mae.

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

Panmaeq 2:1

“Erpersu Kalizaq armur-euq mqtav ghaqkhaer-anr heulof-aer bofnaeq-awq: ‘Armar laf-anr aqguir shif siq nyaeftaeq taq-awr, shuir nae janr-euq tsirkhmq dofdavduq shif hmq-euq ghanrcae canluf-eu khoerghaq heulof-aer aer-eu mae:

Gawˇlawˇsehˇ 4:16

Sanqbof heu nawmaf guighaq-euq nar-aq, Lawqdiqciv Kalizaq armur-anr khawf bigui law. Nawmaf khawf, Lawqdiqciv nae za-euq sanqbof gui-awq.

Gawˇlawˇsehˇ 2:1

Nawmaf-euq gharduq, Lawqdiqciv-anr jawr-eu deuq hawr-eu ngaq-euq myavpyawq maq mawrhaw-euq tsawrhaq deuq-euq gharduq, ngar arnavni deuvcae caeluf-eu nga laer, nawmaf-anr bi siqnya’mawf mir-a.

Dawqdaq 14:5

Sarjax zif-eu tsawrkaq-aq, jaqmyawf maqmyawf-a. Aerkhawf, maqtsaq maqdawr-eu tsawrkaq-aq, Aqjeq ngaeqlar khawf jaqmyawf mae.

Yoˇhaˬ 1:3

Yawqjeq navluf, aqyawf-anr ghoe-awr baetaq-euq mae. Khar baetaq-euq yawqjeq navluf-euq lafkhoer, aqyawf-anr maqghoeni baetaq-euq tiqjeq-iq maqjav-a.

Yoˇhaˬ 8:14

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, ngaq-euq garkawv sarkir kamq-eu khawf, ngaq-euq sarkir-aq byan ma. Aqjeq mirnae aernar-aq, ngar aqgeugar nae oe-awr, aqgar ir-eu laer ngar siqnya-eu ma. Aerkhawf, ngar aqgeugar nae oe-awr, aqgar ir-eu la laer nawmaf maq siqnya-a.