Panmaeq 3:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Akha

¹⁰ Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

Panmaeq 3:10 Referans Kwoze

2 Beˬtuˆluˆ 2:9

Miqyaer-anr yawzeu baw-eu tsawrhaq murjur jur-eu gar yadaq ngae, aqyawf maf-anr aqjox-aer bibuq-ir-eu hawr-eu, maqtsaq maqdawr-eu tsawrhaq deuq-anr yarkhaqdar ngae nan keuvni, aqjox-aer ya kaflanr taq-eu la laer Sanqpaq Miqyaer siqnya luf-eu mae.

Panmaeq 14:12

Heulof-aer aer-eu-aq, Yeqsur-anr jan-awr, Miqyaer-euq zanrdawq khofdawq-anr mrcaw-eu tsawrshawr deuq-anr bi daqcoer bi orcoer-eu gharduq ma.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

1 Gawˇliˬtu 10:13

Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.

1 Beˬtuˆluˆ 4:12

Ngar zawr gaq-eu aqyuif aqnyir deuq-or! Tsermr haw-eu jeq miqdzaq lof-aer nawmaf-euq khoertav keuvle ngae taq zanqler. Khoer-aq, zanqler paq-aer ghae-eu jeq maqngeur-a.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Panmaeq 13:10

Aqcawq-anr nyaefghae-euq tsawrhaq-aq, aqcawq nae yabi nyaefghae-awr, aqcawq-anr micaer nae saef-euq tsawrhaq-aq, micaer nae yabi saef taef-a. Heu-aq, tsawrshawr deuq orcoerni jan-eu jeq pyeuf-eu mae.

Eˇpeˇsu 6:13

Khoermirnae, doer-eu arnan keuvle ngae ciqdaqnya paq-aer, Miqyaer nae bifnaeq laf-euq guirdeuv keuka dawqtawvluf dm-awq. Nawmaf, khar mrnya-eu yawqjeq navluf mr-euq nar-aq, zifdanni yawfnya taef-a.

Panmaeq 8:13

Ngar hawghae ngae, mq-euq ghanrcae zawluf-eu mqtav ghaqkhaer tiq ghaq, tersar yawkhav-aer heulof-aer aer-eu gar yagaq-euq ma, “Darhae maqya baw-euq mqtav ghaqkhaer heu smr ghaq darhae bawlar-eu laer ghae-eu mae. Mirtsaq-euq khoertav jawr-eu tsawrhaqzaq-aq, ghawqshar shaq-aer, ghawqshar shaq-aer, ghawqshar shaq-aer yaghae saeflef taef-a.”

Panmaeq 6:10

Aqyawfmaf tersar yawkhav-aer gurgur-aer aer-eu, “Dawrcoeni ghae-eu shawr-eu Sanqpaq-or! Mirtsaq-euq khoertav jawr-eu, nga’maf-euq shiq bi yoerle-euq tsawrhaq deuq-anr, nawr yarkhaq darnaeq-awr janrkhof naeq-eu aryamq, aqmyan bi keuvle-eu laer ghae-eu le?”

Panmaeq 17:8

Nawq nae mawr-euq jeqzaq yawghae khoermawr-aq, arhu jawr-euq khawf, nymq-mr maqpar jawr-aer, aqkar li-eu maqbaw-eu duqkhanq-anr nae dovlar-awr, cawv-ir-eu jeq-euq lafkhoer ya’ur-ir-eu mae. Mq hawr-eu mir bae ngae nae, Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav daef-eu tsawrhaq deuq-aq, jeqzaq yawghae heumawr-anr ya’mawr ngae zanq duidui ler taef-a. Aqjeq mirnae aernar-aq, jeqzaq yawghae heumawr-aq, arhu jawr-euq khawf, nymq-mr maqjawr-aer, aqkar par jawrlar-eu mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Maꞈtehˬ 26:41

Nawmaf murjur jur-eu gar maqya tawvlerni, yawbeur beur-aer lof-awr, guiqlanq sharshar-aer jawr-awq. Nawmaf mrmawf-eu nuima anr-eu khawf, shiqshaq paw-aq, ghaqbyaev byaev-eu nga.”

Maꞈtehˬ 24:14

Miqyaer uvlanr-eu guiqlanqdawq heu, mirtsaq tanqkhawr doeni dawqmaeq ya’maeq-ir-awr, mirkhanq-euq tsawrjeuq dawqtawv luf-anr sarkir ya kamqnaeq-ir taef-a. Khoernar-aq, arsaq saq-eu aryamq keuvle taef-a.

Lormav 1:8

Yawbae jeq-aq, nawmaf, Miqyaer-anr jan-eu garkawv mirkhanq doeni gaqdoe-ir-euq mirnae, ngar, nawmaf dawqtawv luf-euq gharduq Yeqsur Kali-anr ghoe-awr ngaq-euq Miqyaer-anr jaceuq ma.

Panmaeq 11:10

Heu nyiq ghaq shir-euq mirnae, mirtsaq-euq khoertav jawr-eu tsawrhaq deuq laqkhaqcaer duidui-eu lafkhoer yawbui bui-awr, tiqghaq tirghaq lafsawq bif taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heu nyiq ghaq-aq, mirtsaq-euq khoertav jawr-eu tsawrhaq deuq-anr khaeqnaeq khavnaeq-euq mae.

Maˬkuˆ 14:9

Ngar, nawmaf-anr aqdirma-aer aernaeq nyar, mirtsaq doeni guiqlanqdawq heu khar maeqkeuv-ir gar, zaqmiq aqbur heughaq nae mr-euq garkawv heu khawf maeqnaeq-awr, aqyawf-anr noeqkeuv taef-a.”

Luˇkaꞈ 2:1

Khoerngae yamq-anr, heulof-aer pyeuflar-euq mae. Mirkhanqzaq dawqtawvluf tsawrmyanr yadawv-eu mae laer sanqpaq Gaersaq Awrgurtuv dawq bif-euq mae.

Yaˬkoˆ 3:12

Ngaq-euq aqyuif aqnyir deuq-or! Siqguq arbawr-anr saqloq arsiq siqlenya mae laq? Aqgaf cirni-anr siqguq arsiq siqlenya mae lor? Khoerlof-aer durni, saqdeuf tav-eu ircuf irbyoe-anr nae khawf, ircuf yawkuir maq dovlar nya-a.

Yoˇhaˬ 17:6

“Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

2 Tiˆmoˇseˬ 2:12

Aqdui daqcoer orcoer nar-aq, aqyawf naeq-aer tiqkawv lof-aer dzoeqdzaq ya’mr taef-a. Aqdui, aqyawf-anr maq hageuf nar-aq, aqyawf khawf aqdui-anr maq hageuf-ar.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

Panmaeq 14:6

Khoernar-aq, ngar, mqtav mirkhanq-euq ghanrcae mqtav ghaqkhaer tiq ghaq zawluf-eu gar ya’mawr-euq ma. Aqyawf-aq, mirtsaq-euq khoertav kharjawr-eu tsawrjeuq tsawrca, arjeuq arca, dawqngaeq dawqbav hawr-eu tsawrhaq yawqjeq navluf-anr maeqnaeq-eu gharduq, mqmaq maqbyav yarzir-euq guiqlanqdawq piluf-eu mae.

Panmaeq 16:14

Naef khoerdeuq-aq, bisiq bimawr-eu jeq mrmawr-eu naefdeuq-euq saflar mae. Baoq huiq duidui-eu Miqyaer-euq arnan nanma ngae nan, guirdeuv deuv-eu gharduq, mirtsaq-euq khoertav doeni jawr-eu sanqpaq deuq bi uiqlar-eu laer naef khoerdeuq dov-ir taq-euq mae.

Panmaeq 17:2

Mirtsaq-euq khoertav jawr-eu sanqpaq deuq, aqyawf naeq-aer banq-awr muv-euq mae. Mirtsaq-euq khoertav jawr-eu tsawrhaq deuq khawf, aqyawf-euq banq-awr muv-eu aqgaf dzaruir dawryaef taq-euq mae.”