Panmaeq 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Saqdir Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Saflar shif lar hawr-eu aqguir shif siq anrluf-eu ghaq heulof-aer aer-eu mae: “Ngar, nawq nae mr-euq jeq-anr siqnya ma. Aqcawq, nawr daefluf mae laer aer-eu khawf, nawr-aq yawshir mae.

Akha

¹ “Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

Panmaeq 3:1 Referans Kwoze

1 Tiˆmoˇseˬ 5:6

Aerkhawf, lurgha caergha-eu gar gaq-eu miqcoeq miqma-aq, daefluf-eu khawf shir-euq gar dur-eu mae.

Yaˬkoˆ 2:26

Mawrdo-aq, saflar maqanr nar-aq yawshir mae. Nuijan khawf maqmr maqshar nar-aq yawshir mae.

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

Gawˇlawˇsehˇ 2:13

Dzeurlaf ngae, nawmaf-aq, mrbanq lavbanq-eu lafkhoer hawr-eu shiqshaq paw bawkhov maeqdzaq maqyaeq-euq lafkhoer, shir-euq tsawrhaq pyeuf-eu khawf, Miqyaer, nawmaf-anr Kali naeq-aer tiqkawv lof-aer yawdaef bi daeflar-awr, nawmaf nae mrbanq lavbanq-euq dawqtawv luf-anr pyaeqnaeq jir-euq mae.

Yuˇdaˆ 1:12

Tsawrhaq heudeuq-aq, nawmaf-euq gaq-eu yawbui-euq lafkhoer marbyawf pyeuf-awr, nawmaf naeq-aer yawbui buitaf ngae, guv-eu jeq maqanrni, yawqha-euq gharduq taef-aer laejae-eu mae. Aqyawf maf-aq, jaqlaer nae bi bawghae luf-eu, ircuf maqdanq-eu mqdmr lof-aer dur-awr, arsiq siqyamq-anr maq siqle-aer, duqcir-anr nae bi ghawrdzae-awr, nyiq pov shir-euq arsiq arbawr lof-aer khawf dur-eu mae.

Panmaeq 2:19

“Ngar, nawq nae mr-euq jeq, gaq-euq, kuirlaf geuf-euq, jan-eu jeq anr-euq hawr-eu orcoer-euq gar, ngar siqnya ma. Khoeruqtaf, nymq-mr nawr mrluf-eu yawmuiq jeq-aq, yawbae myavmaqtser myaq-eu gar khawf ngar siqnya ma.

Luˇkaꞈ 15:24

Aqjeq mirnae aernar-aq, ngaqli heughaq-aq, shir-euq khawf ghofdaef lar-awr, byov-ir-euq khawf mawrkhof-euq ma.’ Khoernar-aq, aqyawfmaf danqbae-awr laqkhaq caer-eu mae.

Panmaeq 1:16

Aqyawf-euq armar laf-anr aqguir shif siq nyaeftaeq luf-awr, aqyawf-euq khaqmae-anr nae miseuq nyiq paw baw-awr tav duidui-eu micaer tiq kanr dovle-euq mae. Aqyawf-euq myavpyawq-aq, nanrma tsaeq-eu lof-aer narguir guir-eu mae.

Eˇpeˇsu 2:5

aqdui mrbanq lavbanq-euq lafkhoer shirdzeur-euq khawf, aqyawf, aqdui-anr Kali naeq-aer yawdaef bi daeflar naeqlaf-euq mae. Guiqlanq yawdzanr baqda’nae, nawmaf kakhof-eu jeq za-euq mae.

Luˇkaꞈ 15:32

Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Eˇpeˇsu 2:1

Dzeurlaf ngae, nawmaf yawbanq yawlaeq hawr-eu iqbax-euq lafkhoer shir-euq khawf, aqyawf, nawmaf-anr bi ghofdaef lar-euq mae.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 1:20

Nawq nae ya’mawr-euq, ngaq-euq armar laf-anr anr-eu aqguir shif siq hawr-eu, shuir nae janr-euq tsirkhmq dofdavduq shif hmq-anr tafler-awr zaftaq-euq dawqtsuif-aq heulof-aer mae: aqguir shif siq-aq, Kalizaq armur shif mur-euq mqtav ghaqkhaer deuq mae. Shuir nae janr-euq tsirkhmq dofdavduq shif hmq-aq, Kalizaq armur shif mur mae.”

Panmaeq 4:5

Nuirmanq-anr nae mqmyawf myawf-awr, mqjeq jeq-eu hawr-eu tersar ghawqmya jeq manrdov lef-eu mae. Nuirmanq-euq maeqshi miqdzaq tsirkhmq doftaq-euq mae. Tsirkhmq dofdavduq khoer shif hmq-aq, Miqyaer-euq Saflar shif lar mae.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

Yoˇhaˬ 1:33

Yawbae-aq, ngar, aqyawf-anr maq siqnya-aq. Aerkhawf, ircuf nae bartirsaq mrnaeq-awq laer ngaq-anr khaer-eu khoerghaq, ngaq-anr heulof-aer aernaeq laf-euq mae, ‘Yawshawr Saflar zafka le-awr, aqgeu ghaq-euq khoertav dawfluf-eu gar nawr ya’mawr nar-aq, khoerghaq-aq, Yawshawr Saflar nae bartirsaq mrnaeq-eu ghaq pyeuf-eu mae.’

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Panmaeq 5:6

Khoerngae, ngar, aqyuif aqtsu deuq-euq ghanrcae, nuirmanq hawr-eu yawdaef jeq khoer oeq mawr-euq yawkaq-anr Yawrzaq yawfluf-eu gar ya’mawr-euq ma. Yawrzaq-aq, saef-euq gar yadaq-euq lof-aer dur-eu mae. Aqyawf-aq, uqcoer shif coer tsof-awr, myavnuiv shif nuiv tsof-eu mae. Myavnuiv khoer shif nuiv-aq, mirtsaq-euq khoertav doeni Miqyaer nae bi irbyan taq-euq Miqyaer-euq Saflar shif lar mae.

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Yoˇhaˬ 20:22

Khoerlof-aer aerghaq-euq nar-aq, aqyawf maf-euq khoertav saf baw-awr heulof-aer aernaeq-euq mae, “Yawshawr Saflar-anr hageuf-awq.

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.

Panmaeq 2:2

“Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.

Panmaeq 3:2

Nawr yawbeur beur-aer jawr-awq. Shirtaw taeqni pyeuf-ir taq-euq dzerlar-euq deuq-anr ghaq bifnaeq-awq. Aqjeq mirnae aernar-aq, ngaq-euq Miqyaer-euq maeqshi, nawq nae mrtaq-euq tiqpawf-iq maqbyan nga laer ngaq-anr mawrlar-eu mae.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

Panmaeq 3:15

“Ngar, nawq nae mr-euq jeq-anr siqnya ma. Nawr-aq, yawtsaef khawf maqngeur-aer, yawlanr khawf maqngeur nga. Yawtsaef nar-aq yawtsaef, yawlanr nar-aq yawlanr laer duq-eu gar ngar geufmawf mir-a.