Panmaeq 21:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, ngar, mq-anr nae tersar yawkhav-aer heulof-aer ngaeqdov lef-eu gar yagaq-euq ma: “Hawsher-eq. Miqyaer-euq jawrduq, tsawrhaq jawr-eu gar javle-euq mae. Aqyawf, aqyawfmaf naeq-aer jawr-awr, aqyawfmaf, Miqyaer-euq zaq pyeuflar taef-a. Miqyaer, aqyawfghaq, aqyawfmaf naeq-aer jawr-awr, aqyawf maf-euq Miqyaer pyeuf taef-a.

Akha

³ Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.

Panmaeq 21:3 Referans Kwoze

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

HeˬByehˇ 8:10

Khoeryamq dzeur-euq nar-aq, Ngar, Irsaqleqlav-euq nymrkhanq-anr dawqma sarjax heulof-aer dzaq ma laer Sanqpaq Miqyaer aer-eu mae: Ngar, ngaq-euq zanrdawq aqyawf maf-euq nuinoeq-euq lafkhoer dawvanr naeq-awr, aqyawf maf-euq nuima-anr bofmyanqnaeq ma. Khoernar-aq, ngar, aqyawf maf-euq Miqyaer pyeuf-awr, Aqyawfmaf khawf ngaq-euq tsawrhaq pyeuflar taef-a.

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

Panmaeq 7:15

Khoermirnae, aqyawfmaf, Miqyaer-euq nuirmanq-euq maeqshi jawr-awr, uqcif nan’ghanr maqaer, aqyawf-euq uqduq tanqnymr nymrma-euq lafkhoer, aqyawf-euq gar mrluf-eu mae. Nuirmanq-anr nuirluf-eu khoerghaq khawf, aqyawf maf-euq ghanrcae jawr taef-a.

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Panmaeq 21:7

Ghaqler-euq tsawrhaq-aq, jeqbir dawqtawvluf za taef-a. Ngar, aqyawf-euq Miqyaer pyeuf-awr, aqyawf, ngaq-euq zaq pyeuf taef-a.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Panmaeq 12:10

Khoernar-aq, ngar, mq-euq khoertav tersar yawkhav-aer heulof-aer aer-eu gar yagaq-euq ma: “Nymq-mr, aqdui-euq Miqyaer uvlanr-eu jeq, ghaq, kakhof-eu jeq hawr-eu aqyawf-euq Kali-euq aryaq keuvle-euq mae. Aqjeq mirnae aernar-aq, aqdui-euq Miqyaer-euq maeqshi uqcif nan’ghanr maqtserni, aqdui-euq aqyuif aqnyir-euq yawlaeq daqler-eu ghaq, bi biqka ghae-euq mae.

Panmaeq 10:8

Khoerngae, ngaq nae yagaq-euq mq-anr nae ngaeqdov lef-euq tersar khoer, ngaq-anr par aernaeq laf-eu, “Nawr ir-awr, iqmalavshav hawr-eu mirtsaq-anr nawqtaeq luf-eu mqtav ghaqkhaer khoerghaq-euq aqlaf-euq lafkhoer anr-eu, pantaq-euq sanqbof yawnyir khoeryov laq-ir-awq.”

Panmaeq 10:4

Mqjeq shif ter jeqghaq ngae, ngar, sanqbof boftaq-eu laer ghae-euq ma. Aerkhawf, ngar, mq-anr nae tersar heulof-aer ngaeqdov lef-eu gar yagaq-euq ma, “Mqjeq shif ter nae ngaeq-euq dawq khoerdeuq-anr nawr maqbofni jmq diqtaq-awq.”

1 Teˇsaˬloˇni 3:11

Aqdui-euq Aqda Miqyaer hawr-eu aqdui-euq Sanqpaq Yeqsur, nga’maf-anr nawmaf jawr-eu gar sheuqkeuv naeqlaf luf-ur.

HeˬByehˇ 8:2

Aqyawf-aq, tsawrhaq nae ghawv-euq maqngeur-eu, Sanqpaq Miqyaer nae ghawv-euq aqdir saqpar saeqghawv-euq lafkhoer, shawr-eu jawrduq-anr uqduq tanq-eu gar mrluf-eu mae.

Panmaeq 22:3

Aqkar nar-aq, yaqkhaer yaq-eu jeq maqpar jav-eu mae. Miqyaer hawr-eu Yawrzaq-euq nuirmanq, meuq heumeuq-euq lafkhoer jav-awr, aqyawf-euq kuirlaf zaqkhav deuq, aqyawf-anr uqduqtanq taef-a.