Panmaeq 21:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, ngar, mq yawshuif hawr-eu mir yawshuif-anr ya’mawr-euq ma. Aqjeq mirnae aernar-aq, yawbae-euq mq hawr-eu yawbae-euq mirtsaq-aq byovjir-awr, iqmalavshav khawf maqpar jav-eu mae.

Akha

¹ Kʼoeˇ naˇ, mˬ yaw shuiꞈ hawˇ-eu miˇ yaw shuiꞈ-ahˇ ngaˇ ya mawˇ-euˬ ma. Yaw beh jaˆ-euˬ mˬ hawˇ-eu miˇ byoˆ-iˇ-awˇ, iˬ ma laˆ shaˆ maˬ paˇ jaˆ ni pyeuꞈ-iˇ-euˬ meh.

Panmaeq 21:1 Referans Kwoze

2 Beˬtuˆluˆ 3:13

Aerkhawf, aqdui, Miqyaer nae sarjax dzaqtaq-euq lof-aer, tsaq-awr dawr-eu jeq byan-eu, mq yawshuif hawr-eu mir yawshuif-anr noeqtmq-awr dawqluf-eu ma.

Panmaeq 21:5

Khoernar-aq, nuirmanq-anr nuirluf-eu ghaq aer-eu, “Hawsher-eq! Ngar yawqjeq navluf, yawshuif janrpar jir-euq ma.” Aqyawf, ngaq-anr aernaeq laf-eu, “Nawr boftaq-awq. Aqjeq mirnae aernar-aq, dawq heudeuq-aq, tsaq duidui-awr sarjax zif-eu dawq mae.”

2 Beˬtuˆluˆ 3:10

Aerkhawf, Sanqpaq Miqyaer-euq arnan-aq, uqcif paw smrkhoeq khoeqlar-eu lof-aer keuvle taef-a. Khoerngae nan, mq tersar yawkhav-aer manrmanr-aer byov-ir-awr, lanr duidui-eu mirnae, yawqjeq navluf-anr guirbyovjir taef-a. Mirtsaq hawr-eu mirtsaq-euq khoertav kharjawr kharjav-eu jeq khawf puivdzaejir taef-a.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.

Panmaeq 13:1

Khoernar-aq, ngar, iqmalavshav-euq kharshuif-anr nawqtaeq-awr yawfluf ngae, iqmalavshav-anr nae jeqzaq tiq mawr dovlar-eu gar ya’mawr-euq ma. Jeqzaq khoermawr-aq, uqcoer tser coer tsof-awr, uqduq shif siq tsof-eu mae. Uqcoer tser coer luf shuir uqkhov tiq coer-anr tiq siq khov-awr, uqduq shif siq-anr-aq, Miqyaer-anr yaeqbawq saerlu-aer aer-eu armyanr boftaq-euq mae.

Lormav 8:21

Khoer-aq, baetaq-euq yawqjeq navluf peuq-ir cawv-ir-eu jeq-euq baoq-euq uqmov, paftawf taq-euq jeq-anr nae buq-ir-awr, Miqyaer-euq zaqdeuq-euq buq-ir-euq yawshaef khanqsaer-anr za taef-a.

Panmaeq 6:14

Seuqghaq artaf laeqyov-eu lof-aer mq byov-ir-euq mae. Gawqjawq hawr-eu irjawlanr dawqtawvluf yawqha-euq jawrduq-anr nae jivdov ghae-euq mae.