Panmaeq 2:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawr daqcoer-awr orcoer duidui-eu lafkhoer, ngaq-euq tsawrmyanr-euq gharduq, ghaqdoer maqdoerni laejae duidui-euq mae.

Akha

³ Nawˇ nui ma gʼawˬ mahˇ ni taˬ-awˇ, ngaˬ-euˬ gʼaˇ duˬ shaˬ zahˬ gʼawˬ mya jeˬ daˬ-eu uˬ taꞈ, nui ma cawˆ-eu maˬ baw-a.

Panmaeq 2:3 Referans Kwoze

HeˬByehˇ 10:36

Nawmaf, Miqyaer nuima tsaq-eu jeq-anr mrbyan-euq nar-aq, aqyawf nae sarjax dzaqtaq-euq jeq-anr za’ni daqcoer orcoer-eu jeq ya’anr-eu mae.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.

Gaˬlaˬtiˆ 6:9

Khoermirnae, ghaqbyaev maqbyaevni yawmuiq jeq mr kar-eur. Aqdui nuima maqcawv nar-aq, aryamq tsaqlar ngae yayaeq taef-a.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

Yoˇhaˬ 15:21

Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.

1 Gawˇliˬtu 13:7

Gaq-eu jeq-aq, dawqtawv luf-anr orcoer-awr, dawqtawv luf-euq lafkhoer jancoer-eu uqtaf, dawqtawv luf-euq lafkhoer noeqtmq coer-awr, dawqtawv luf-anr daqcoer-eu mae.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

HeˬByehˇ 6:15

Aqbyaqhaq oror-aer dawq-euq nar-aq, Miqyaer nae aqyawf-anr sarjax dzaqtaq-euq lof-aer za-euq mae.

HeˬByehˇ 6:12

Khoermirnae, nymrgawq yawdoer tsawrhaq maqya pyeufni, jan-awr or-eu lafkhoer, Miqyaer nae sarjax dzaqtaq-euq jeq-anr za-euq tsawrhaq deuq-anr mrcaw-awq.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

2 Teˇsaˬloˇni 3:13

Aqyuif aqnyir deuq-or! Nawmaf yawmuiq jeq mr-eu ghaqbyaev taqbyaev.

2 Gawˇliˬtu 4:16

Khoermirnae, nga’maf nuighaq maqbaq. Nga’maf-euq shiqshaq lafnyir paw cawv-ir luf-eu khawf, lafkhoer paw-euq saflar-aq, tiqnan sair tiqnan yawshuif pyeuflar luf-eu ma.

2 Gawˇliˬtu 4:1

Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

Lormav 12:12

Noeqtmq-eu lafkhoer laqkhaq caer-awr, shaqzanq yadaq ngae or-eu uqtaf, aqmyanluf nuima keuvkeuv-aer guiqlanq shar-awq.

Lormav 8:25

Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.

Luˇkaꞈ 14:27

Aqsur ghaq maqkaq, yawqha-euq lafyaq baf-awr, ngaq-euq maeqnan maq cantaelar nar-aq, ngaq-euq zaqlanr maq geufnya-a.

Jaceuq 37:7

Ya’we Miqyaer-euq lafkhoer ghaqnaq naq-awr, Or-awr nae aqyawf-anr dawq-awq; Yawdoer mr-eu bawqtov mrpyeuf-awr garma khardov-ir-eu paw muiqlar sanrlar-eu deuq-euq baqda’nae nuima taqlanr.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

2 Beˬtuˆluˆ 1:6

Siqnya-eu tsawrganr-anr yawqha-euq nuima-anr ghaqler-eu jeq bi lanqlar-awr, yawqha-euq nuima-anr ghaqler-eu jeq-anr daqcoer orcoer-eu jeq bi lanqlar-awq. Daqcoer orcoer-eu jeq-anr Miqyaer-anr yawzeu baw-eu jeq bi lanqlar-awq.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

2 Gawˇliˬtu 5:9

Khoermirnae, heu-aq, aqdui-euq arpyar ma. Aqdui, mawrdo heu-euq lafkhoer jawrluf ngae maqaer, maqjawr ngae maqkaq, Sanqpaq Miqyaer nuikhanr shirni daef ma.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Luˇkaꞈ 8:15

Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

HeˬByehˇ 13:13

Khoermirnae, aqdui khawf, saeqghawv-euq lafnyir paw aqyawf jawr-eu gar ir-awr, aqcawq yaeqbawq-aer ghaelar-eu gar Yeqsur daq-euq lof-aer, aqdui khawf daq-ir kar-eur.

1 Tiˆmoˇseˬ 5:17

Kalizaq armur-anr yawmuiq-aer uvlanr-eu aqyuif aqtsu deuq-aq, nyiq bymr byanni taqhuiq naeq-eu gar za-eu geux-eu mae. Aqyawf maf-euq lafkhoer, dawqmaeq maeq-eu hawr-eu dawqmaeq dawqtsov tsov-eu gar mr-eu deuq-anr, ngeurdzaeq taqhuiqnaeq paq-aer ghae-eu mae.

2 Teˇsaˬloˇni 3:8

Nga’maf arpoeq maqbif-aer nawmaf-euq tiqjeq-iq maqdzaq-aq. Nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer, gar mr duidui-euq ma.

2 Teˇsaˬloˇni 3:5

Sanqpaq Miqyaer, nawmaf-euq nuima-anr Miqyaer-euq gaq-eu jeq hawr-eu Kali-euq daqcoer orcoer-eu jeq-anr bi ghovshawnya dzaeqlar luf-ur.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

Piˇliˇpiˆ 2:16

Daef-eu jeq bif-eu dawq-anr zifdanni nyaeftaeq taq-awq. Khoerlof-aer mr nar-aq, Kali-euq arnan keuvle ngae, ngaq nae caev-awr, ngaq nae mr-awr shar-euq yawqngaef maqngeur nga laer ngar laqkhaq yacaer taef-a.

Gaˬlaˬtiˆ 6:2

Nawmaf, Kali-euq zanr-anr mrbyanni, tiqghaq tirghaq-euq khavbaev cawpi-awq.

2 Gawˇliˬtu 10:15

Aqcawq nae mrtaq-euq gar, nga’maf nae mrtaq-euq janrgeuf-awr, khanqsaer ardzaeq-aer jaev-eu maqngeur. Aerkhawf, nawmaf jan-eu myaqlar-eu lof-aer, nawmaf-euq baqda’nae, Miqyaer, nga’maf-anr bi mrnaeq laf-euq mirkaq khawf huiqlar jerlarni, nga’maf noeqtmq luf-eu ma.

2 Gawˇliˬtu 6:5

diq-eu, kuv-anr dawv-eu, tsawrhaq baqmaf-aer luiqgha lar-eu, gar yawkhav-aer mr-eu, maqya yufkhav daev-eu hawr-eu maqya dzaq maqya dawr-eu, heudeuq-anr daqdaq-aer mr-euq ma.

Lormav 16:12

Sanqpaq Miqyaer-euq lafkhoer gar mrluf-eu, Daqlurpaernav hawr-eu Daqlurpawrsav-anr khawf, Sanqpaq Miqyaer-euq lafkhoer gar yawkhav-aer mrluf-eu, aqdui zawr gaq-eu Beqlaqsir-anr khawf dawqcawq puq-eu ma.

Luˇkaꞈ 21:19

Nawmaf orcoer-eu baqda’nae, nawqmaf-euq nuima saflar za taef-a.”

Maˬkuˆ 15:21

Khoerngae, Kurleqniq-anr jawr-eu Aqleqsaqdur hawr-eu Lurpur-euq aqda, Sirmoq laer kur-eu ghaq, pu paw nae cantsaevlaf luf-eu gar, guirzaq deuq, aqyawf-anr katir-awr Yeqsur-euq lafyaq bibaf-euq mae.

Jaceuq 69:7

Ngar, nawq-euq gharduq dawqdoer daq-awr, Ngaq-euq myavpyawq-aq, daqga-eu jeq nae daeqkaq taq-euq ma.

1 Teˇsaˬloˇni 5:12

Aqyuif aqnyir deuq-or! Nga’maf, nawmaf-anr heulof-aer shar-eu ma. Nawmaf-euq ghanrcae laejae-awr mr-eu tsawrhaq-anr yawzeu baw-awq. Aqyawf maf-aq, Sanqpaq Yeqsur-euq lafkhoer nawmaf-anr uvlanr-awr maeqbawq bif-eu mae.

1 Gawˇliˬtu 16:16

Nawmaf khoerlof-aer ghae-eu tsawrhaq-euq lafov, nga’maf naeq-aer gar yawkhav-aer mr-eu tsawrhaq hawr-eu, nga’maf-euq gar mrcawq yawqghaq navluf-euq lafov jawr-awq.

Luˇkaꞈ 5:5

Khoerngae, Sirmoq, aqyawf-anr aerkhof naeq-eu, “Sanqpaq-or! Nga’maf uqcif mirlanni dzae-euq khawf tiqmawr-iq maq dzaemi-aq. Aerkhawf, ngar, nawq-euq dawq narhaq-awr za dzae ma.”