Panmaeq 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.

Akha

² Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.

Panmaeq 2:2 Referans Kwoze

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

1 Teˇsaˬloˇni 5:21

Aerkhawf, yawqjeq navluf-anr pyaevtser haw-awq. Yawmuiq jeq-anr nyaeftaeq taq-awr,

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.

2 Tiˆmoˇseˬ 2:19

Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

Gaˬlaˬtiˆ 1:7

Aqdir aernar-aq, guiqlanqdawq yawqdawqyawq maqjav-a. Aerkhawf, tsawrhaq tiqghaqnav, nawmaf-anr yawbanq yawlanr-aer bipyeuf-ir-awr, Kali-euq guiqlanq dawq-anr yurpyawv mawf-eu mae.

Jaceuq 1:6

Ya’we Miqyaer-aq, tsaq-awr dawr-eu tsawrhaq-euq garma-anr siqnya-eu mae. Aerkhawf, tsawrcawv-euq garma-aq, yacawv-ir taef-a.

Panmaeq 3:1

“Saqdir Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Saflar shif lar hawr-eu aqguir shif siq anrluf-eu ghaq heulof-aer aer-eu mae: “Ngar, nawq nae mr-euq jeq-anr siqnya ma. Aqcawq, nawr daefluf mae laer aer-eu khawf, nawr-aq yawshir mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.

Panmaeq 2:6

Aerkhawf, nawr yawmuiq heujeq anrluf nga siq. Nirgawrla tsawrhaq deuq mrluf sharluf-eu jeq-anr ngar byae-eu lof-aer, nawr khawf byae-eu mae.

Panmaeq 3:15

“Ngar, nawq nae mr-euq jeq-anr siqnya ma. Nawr-aq, yawtsaef khawf maqngeur-aer, yawlanr khawf maqngeur nga. Yawtsaef nar-aq yawtsaef, yawlanr nar-aq yawlanr laer duq-eu gar ngar geufmawf mir-a.

Maꞈtehˬ 7:23

Khoerngae, ngar, aqyawf maf-anr heulof-aer aernaeq ma, ‘Zanrdawq-anr leur-eu jeq mr-eu tsawrhaq-or! Ngar, nawmaf-anr maq siqnya nya. Ngar jawr-eu gar nae dov-ir-awq.’

Yoˇhaˬ 6:6

Khoerngae, Yeqsur, aqyawf aqjox-aer janr-eu laer ghae-eu le laer siqnya-eu khawf, Pirlirpuv-euq nuima-anr tsermr haw-eu gharduq, khoerlof-aer narhaq-euq mae.

Panmaeq 2:5

Khoermirnae, nawr aqgeugar nae gaka lef-euq le laer sharnoeq-awr, noeqpov noeqpar mr-eu uqtaf, nawq nae yawbae mr-euq lof-aer mr-awq. Nawr noeqpov noeqpar maqmr nar-aq, ngar, nawr jawr-eu gar yawkawr-aer oe-awr, nawq-euq tsirkhmq, ciqtaq duq-anr nae ciqdzae ma.