Panmaeq 2:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

Akha

¹⁰ Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 2:10 Referans Kwoze

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

Maˬkuˆ 13:13

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Eˇpeˇsu 6:12

Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.

Maꞈtehˬ 24:13

Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

1 Beˬtuˆluˆ 5:8

Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.

1 Gawˇliˬtu 9:25

Caevcae cae-eu tsawrhaq yawqghaq navluf, cawv-ir nya-eu ghaqler-euq uqdzanq za’ni, aqyawfmaf yawqdzer dzaq-anr navluf yawqha-euq nuima-anr ghaqler-eu lafkhoer, laejae-awr caevdzaw-eu mae. Aerkhawf, aqdui-aq, maqcawv-ir nya-eu ghaqler-euq uqdzanq za’ni laejae luf-eu ma.

Maꞈtehˬ 10:28

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Panmaeq 13:7

Khoeruqtaf, aqyawf, tsawrshawr deuq naeq-aer guirdeuv deuv-awr, deuvghaqni pyaeqnaeq taq-euq mae. Khoeruqtaf, arjeuq arca, dawqngaeq dawqbav hawr-eu tsawrjeuq tsawrca dawqtawv luf-anr uvlanr-eu aryaq khawf bifnaeq taq-euq mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Yoˇhaˬ 12:25

Yawqha-euq daefzir-anr gaq-eu tsawrhaq-aq, daefzir yasmq taef-a. Mirtsaq-euq khoertav daef ngae, yawqha-euq daefzir-anr byae-eu tsawrhaq-aq, mqmaq maqbyav yarzir daef-eu gharduq jeqhmqnya taef-a.

Luˇkaꞈ 21:12

“Aerkhawf, heudeuq dawqtawvluf maq pyeuflar-euq minav-aer, aqcawq, nawmaf-anr nyaef-awr, khaeqlar khavlar taef-a. Aqcawq, nawmaf-anr zanrdawq khawqnymr-anr a’naeq-awr, kuv-anr khawf nyaefur naeqlaf taef-a. Ngaq-euq tsawrmyanr baqda’nae, nawmaf-anr sanqpaq deuq hawr-eu uvlanr-eu deuq-euq maeqshi sheuqghae naeqlaf taef-a.

Maˬkuˆ 8:35

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq hawr-eu guiqlanq dawq-euq gharduq yawqha-euq daefzir bismq nar-aq, daefzir za taef-a.

Panmaeq 13:2

Ngaq nae ya’mawr-euq jeqzaq heumawr-aq, khaqzuiq-anr dur-eu mae. Aqkuir-aq, khaqhmr-euq aqkuir-anr dur-awr, khaqmae-aq, arlaqjaqshir-euq khaqmae-anr dur-eu mae. Byavyanq, aqyawf-euq baoq, nuirmanq hawr-eu huiq-eu aryaq, jeqzaq yawghae heumawr-anr bifnaeq-euq mae.

Gʼaˬkʼehˇ 21:13

Khoerngae, Pawrluv aer-eu, “Aqjeq mirnae nawmaf teunav nav-aer ngoerngoer-aer ngaq-euq nuima tsawqpav-ir paq-aer janrnaeq laf-eu le? Ngar, Sanqpaq Yeqsur-euq tsawrmyanr-euq gharduq aqcawq nae bipaf-eu taef-aer maqngeur-eu, Yeqlursaqlaeq-anr yashir-eu law-awr khawf laeqhmqdan taq-euq ma.”

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Yoˇhaˬ 13:27

Yurdav, kaqmur khoerpyaeq yurghaq-euq naeq-aer, naef Saqdaq, aqyawf-euq nuima-euq lafkhoer urler-euq mae. Khoerngae, Yeqsur, aqyawf-anr aernaeq-eu, “Nawr mr-eu laer ghae-eu jeq yawkawr-aer mr-ir-awq.”

Jaceuq 31:23

Or-oq, nawmaf, Miqyaer-euq tsawrshawr deuq-or! Ya’we Miqyaer-anr gaq-awq! Aqjeq mirnae aernar-aq, Ya’we Miqyaer, sarjax zif-eu tsawrhaq deuq-anr hawpir naeq-awr, Nuima huiq-eu tsawrhaq-anr byanbyan’ni janrkhof naeq-eu mae.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”