Panmaeq 19:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, ngar, mq-euq khoertav tsawrhaq armaf mafma-euq tersar yawkhav-aer heulof-aer aer-eu gar yagaq-euq ma: “Haleluya! Kakhof-eu jeq, yawshaef khanqsaer, taqhuiq taqmanr-eu jeq hawr-eu baoq, aqdui-euq Miqyaer-euq pyeuf-eu mae.

Akha

¹ Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Panmaeq 19:1 Referans Kwoze

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Panmaeq 12:10

Khoernar-aq, ngar, mq-euq khoertav tersar yawkhav-aer heulof-aer aer-eu gar yagaq-euq ma: “Nymq-mr, aqdui-euq Miqyaer uvlanr-eu jeq, ghaq, kakhof-eu jeq hawr-eu aqyawf-euq Kali-euq aryaq keuvle-euq mae. Aqjeq mirnae aernar-aq, aqdui-euq Miqyaer-euq maeqshi uqcif nan’ghanr maqtserni, aqdui-euq aqyuif aqnyir-euq yawlaeq daqler-eu ghaq, bi biqka ghae-euq mae.

Jaceuq 148:1

Haleluya! Mq-anr jawr-awr nae Ya’we Miqyaer-anr jaceuq-awq; Yawgor-anr jawr-awr nae aqyawf-anr jaceuq-awq!

Jaceuq 150:1

Haleluya! Aqyawf-euq shawr-eu jawrduq-euq lafkhoer, Miqyaer-anr jaceuq-awq; Aqyawf-euq baoq huiq-eu mq-euq lafkhoer jaceuq-awq!

Jaceuq 146:1

Haleluya! Ngaq-euq nuima saflar-or! Ya’we Miqyaer-anr jaceuq-awq!

Jaceuq 115:18

Aerkhawf, aqdui, Ya’we Miqyaer-anr jaceuq ma. Nymq-mr nae mqmaq maqbyav yarzir jaceuq ma. Haleluya!

Jaceuq 106:1

Haleluya! Aqyawf yawmuiq mirnae, Ya’we Miqyaer-euq guiqlanq-anr jaceuq-awq. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 3:8

Kakhof-eu jeq-aq, Ya’we Miqyaer jawr-eu gar nae dovle-eu mae. Nawq-euq guiqlanq, nawq-euq tsawrhaq-euq khoertav bi keuvle naeqlaf-awq. Sela.

Jaceuq 149:1

Haleluya! Ya’we Miqyaer-anr cardawq yawshuif carnaeq-awq. Tsawrshawrzaq uiqler taq-awr jawr-eu gar, aqyawf-anr jaceuq-awq.

Jaceuq 111:1

Haleluya! Dawrcoeni ghae-eu deuq uiqlar taq-awr jawr-eu tsawrhaq baqmaf-euq ghanrcae; Ngaq-euq nuima dawqtawvluf, Ya’we Miqyaer-anr jaceuq ma.

Jaceuq 62:11

Miqyaer tiq pov ngaeq-euq gar, ngar nyiq pov yagaq-euq ma; Baoq-aq Miqyaer-euq mae.

Jaceuq 104:35

Mirtsaq-euq khoertav nae iqbaxzaq bi puivdzaq jir-awr, Tsawrcawv tiqghaq-iq maq dzerlarni byovtsaevjir luf-ur. Ngaq-euq nuima saflar-or! Ya’we Miqyaer-anr jaceuq-awq! Haleluya!