Panmaeq 15:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Akha

³ Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 15:3 Referans Kwoze

Jaceuq 111:2

Ya’we Miqyaer nae mr-euq gardeuq-aq, huiq-awr manr-eu mae. Khoer-anr nuikhanr shir-eu tsawrhaq dawqtawvluf dzawsawx mr-eu mae.

Jaceuq 139:14

Ngar, nawq-anr jaceuq ma. Aqjeq mirnae aernar-aq, Nawr, ngaq-anr guvlar paq-aer hawr-eu zanqler paq-aer bae naeqlaf-euq mae. Nawq nae mr-euq gardeuq-aq, muiq duidui-eu mae. Ngaq-euq nuima saflar, yawmuiq paq-aer siqnya ma.

Jaceuq 145:17

Ya’we Miqyaer-euq garma dawqtawvluf tsaq-awr dawr-eu mae; Aqyawf kharmr kharshar-eu jeq guiqlanq yawdzanr byan-eu mae.

HeˬByehˇ 3:5

Morseq-aq, aqkar maeqhu paw jagaq le-eu garkawv deuq-anr sarkir kamq-eu gharduq, Miqyaer-euq nymrkhanq dawqtawv luf-euq lafkhoer aqdir sarjax zif-eu kuirlaf zaqkhav tiq ghaq mae.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Jaceuq 100:5

Ya’we Miqyaer-aq, yawmuiq mae. Aqyawf-euq ghawqshaq gaq-eu jeq, mqmaq maqbyav yarzir gmq-awr; Aqyawf-euq yawtsaq yawdawr-aq, li-eu maqbawni tiqzir sair tiqzir zif-eu mae.

Panmaeq 19:2

Aqyawf nae yarkhaq dar-euq-aq, tsaq duidui-awr dawr duidui-eu mae. Mawrdo anq-eu zaqmiq aqbur heughaq, aqyawf naeq-aer banq-awr muv-euq mirtsaqzaq-anr bicawv-ir-euq mirnae, Miqyaer, aqyawf-anr yarkhaq darnaeq-euq mae. Khoeruqtaf, aqyawf nae Miqyaer-euq kuirlaf zaqkhav-euq shiq lavdov-euq arpoeq, Miqyaer, aqyawf-anr janrkhof naeq-euq mae.”

Panmaeq 14:3

Aqyawf maf-aq, nuirmanq-euq maeqshi, yawdaef jeq khoer oeq mawr hawr-eu aqyuif aqtsu khoerdeuq-euq maeqshi, cardawq yawshuif carluf-eu mae. Mirtsaq-euq khoertav nae kakhof taq-euq tsawrhaq khoer 144,000 ghaq maqngeur nar-aq, cardawq khoerbymr maq dzawnya-a.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”

Panmaeq 11:17

heulof-aer aer-eu mae: “Arhu nae daef-eu nymq-mr keuvni daefluf-awr, Aqkar zafka le-eu laer ghae-eu ghaq pyeuf-eu, Baoq huiq duidui-eu Sanqpaq Miqyaer-or! Nawq-euq huiq-eu baoq nae nymq-mr nawr uvlanr luf-eu mirnae, Nga’maf, nawq-euq guiqlanq-anr jaceuq ma.

Panmaeq 4:8

Yawdaef jeq khoer oeq mawr-aq, yawqmawr navluf aqdanr kof danr tsof-awr, lafkhoer lafnyir-aer myavnuiv tiqbyanni tsof-eu mae. Aqyawfmaf uqcif nan’ghanr maqaer maq naqlerni aer-eu, “Baoq huiq duidui-eu Sanqpaq Miqyaer-aq, Yawshawr mae, yawshawr mae, yawshawr mae. Aqyawf-aq, arhu nae daef-eu, nymq-mr keuvni daefluf-awr aqkar zafka le-eu ghaq mae!”

Jaceuq 145:6

Tsawrhaqzaq, nawq nae baoq-euq lafkhoer, Yawzeu bawlar paq-aer ghae-eu jeq mr-euq garkawv ja taef-a; Ngar, nawq-euq yawhuiq yawmanr-euq garkawv dawqdzawr mr ma.

Jaceuq 99:4

Sanqpaq-euq ghaq-aq, yawdawr yawtsaq-anr gaq-awr, Nawq nae tiqkawv dini dar-eu jeq lavzif taq-euq mae. Nawr, Yaqkov-euq lafkhoer tsaq-awr dawr-eu jeq, Hawr-eu dawr-awr tsaq-eu jeq mryaf-euq mae.

Panmaeq 19:16

Aqyawf-euq paerkhanq paermanr hawr-eu shaqpyaq-anr heulof-aer boftaq-euq mae, “Sanqpaq deuq-euq Sanqpaq, Yawsanr deuq-euq Yawsanr.”

Jaceuq 105:5

Miqyaer nae mr-euq zawr muiq-eu gardeuq hawr-eu; Aqyawf nae zanqler paq-aer ghae-eu jeq mr-euq uqtaf; Aqyawf-euq khaqmae nae yarkhaq dar-euq jeq-anr noeqmawr-awq,

Jaceuq 78:12

Miqyaer, Irjirtuv-euq Zornav daega-anr, Aqyawf maf-euq aqpoeq deuq-euq maeqshi zanqler paq-aer ghae-eu jeq mr-euq mae.

Panmaeq 14:8

Khoernar-aq, mqtav ghaqkhaer nyiq ghaq tiqghaq, yawbae ghaq-anr cantaedov lef-awr aer-eu, “Coqdzae shaw. Huiq duidui-eu Baqburloq meuq coqdzae shaw-euq mae. Aqjeq mirnae aernar-aq, aqyawf, mirkhanq yawqkhanq navluf-anr banq-awr muv-eu baqda’nae nuima paer duidui-eu aqgaf dzaruir bidawr-euq mae.”

Jaceuq 18:30

Miqyaer heughaq-aq, aqyawf-euq garma byan duidui-awr; Ya’we Miqyaer-euq dawq-aq, aertaq-euq lof-aer tsaq nga laer mawrlar-eu mae. Aqyawf-aq, aqyawf-anr ghoe-eu deuq-euq gharduq, daeqdaqduq pyeuf-eu mae.

Jaceuq 92:5

Ya’we Miqyaer-or! Nawq nae mr-euq gardeuq arnavni huiq-eu nga! Nawq-euq nuinoeq-aq naf duidui nga.

Jaceuq 111:7

Aqyawf-euq aqlaf nae mr-euq deuq-aq, ngeur-awr, dawr-awr tsaq-eu mae. Aqyawf-euq maeqdawq-aq, yawduq baw-eu mae.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

Panmaeq 1:8

Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”