Panmaeq 13:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq nae ya’mawr-euq jeqzaq heumawr-aq, khaqzuiq-anr dur-eu mae. Aqkuir-aq, khaqhmr-euq aqkuir-anr dur-awr, khaqmae-aq, arlaqjaqshir-euq khaqmae-anr dur-eu mae. Byavyanq, aqyawf-euq baoq, nuirmanq hawr-eu huiq-eu aryaq, jeqzaq yawghae heumawr-anr bifnaeq-euq mae.

Akha

² Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.

Panmaeq 13:2 Referans Kwoze

Panmaeq 20:2

Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.

Panmaeq 17:12

“Nawq nae ya’mawr-euq uqcoer tser coer khoer-aq, sanqpaq tser ghaq-anr aermawf-eu mae. Aqyawfmaf, mirkhanq-anr maqya uvlanr-aq siq. Aerkhawf, aqyawfmaf, jeqzaq yawghae khoermawr naeq-aer tiqkawv lof-aer naqliq tiq laf byanni sanqpaq geuf-eu aryaq za taef-a.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

1 Beˬtuˆluˆ 5:8

Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 13:4

Byavyanq nae jeqzaq yawghae heumawr-anr aryaq bifnaeq-euq mirnae, aqyawfmaf, byavyanq heumawr-anr uqduq tanq-awr, jeqzaq yawghae heumawr-anr khawf uqduq tanqtanq-aer aer-eu, “Jeqzaq yawghae heumawr-anr dur-eu aqsur ghaq jawr-eu la? Aqsur ghaq, aqyawf-anr guirdeuv deuvghaq nya-eu la?”

Panmaeq 12:15

Khoerngae, zaqmiq aqbur khoerghaq-anr ircuf nae bi budzaq-eu laer, arlawr khoermawr khaqmae-anr nae zaqmiq aqbur khoerghaq-euq narkhan paw, ircuf lawrgawv lof-aer mymrdzae lef-euq mae.

Panmaeq 12:13

Byavyanq khoermawr, aqyawf, mirtsaq-euq khoertav bi biqka lef-euq nga laer siqler ngae, aqlizaq ciq-euq zaqmiq aqbur khoerghaq-anr khaeqnaeq khavnaeq-eu laer taeluf-eu mae.

Panmaeq 16:10

Mqtav ghaqkhaer ngaq ghaq tiqghaq, aqyawf-euq khmqmaq, jeqzaq yawghae khoermawr-euq nuirmanq-anr shaevdavghae ngae, jeqzaq yawghae khoermawr uvlanr luf-eu mirkhanq zanrtsuini pyeuf-ir-euq mae. Tsawrhaqzaq nardui gawr duidui-eu mirnae, yawqha-euq maeqlar-anr yawqha kawfluf-eu mae.

Dawqdaq 28:15

Tsawrcawv, irshaqzaq-anr uvlanr-eu-aq, Joeqjoeq-aer can-eu arlaqjaqshir hawr-eu, Tsawqdawf lar-eu khaqhmr-anr dur-eu mae.

Dawqdaq 17:12

Zaq binyaef-euq khaqhmr aqma-anr tanqpuq-ir-eu-aq, Aqdzawq argan tiq ghaq, yawdzawq yawgan jeq mrmr-aer jawr-eu gar tanqpuq-ir-eu navmaqtser ghaqdzaeq-eu mae.

Jaceuq 22:21

Nawr, ngaq-anr ngaeqghae-awr, naefnyoq-euq uqcoer-anr nae bidzeur-ir naeqlaf-euq mae. Ngaq-anr arlaqjaqshir-euq khaqmae-anr nae, bibuq-ir naeqlaf-awq.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 13:12

Aqyawf, yawbae dovlar-euq jeqzaq yawghae khoermawr-euq maeqshi jawr-awr nae, yawbae mawr-euq aryaq dawqtawvluf zmq-eu mae. Mirtsaqzaq dawqtawvluf shirtaw taeqni bi lavnar-awr taqler-euq jeqzaq yawghae yawbae mawr-anr uqduq tanqni, jeqzaq yawghae heumawr laejae-eu mae.