Panmaeq 13:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, ngar, iqmalavshav-euq kharshuif-anr nawqtaeq-awr yawfluf ngae, iqmalavshav-anr nae jeqzaq tiq mawr dovlar-eu gar ya’mawr-euq ma. Jeqzaq khoermawr-aq, uqcoer tser coer tsof-awr, uqduq shif siq tsof-eu mae. Uqcoer tser coer luf shuir uqkhov tiq coer-anr tiq siq khov-awr, uqduq shif siq-anr-aq, Miqyaer-anr yaeqbawq saerlu-aer aer-eu armyanr boftaq-euq mae.

Akha

¹ Kʼoeˇ naˇ, iˬ ma laˆ shaˆ-ahˇ jeˬ zaˬ yaw haiˬ tiˬ mawˇ doˆ laˇ gaˇ ngaˇ ya mawˇ-euˬ ma. Jeˬ zaˬ kʼoeˇ mawˇ uˬ coeˇ tseˇ kahˬ tsoꞈ-awˇ, uˬ duˬ shiꞈ siˬ tsoꞈ-eu meh. Uˬ coeˇ aˬ yawꞈ kahˬ yawꞈ-ahˇ shuiˇ uˬ kʼoˆ kʼoˆ taˬ-awˇ, uˬ duˬ aˬ yawꞈ siˬ yawꞈ-ahˇ Miˬyehˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ myahˇ tiˬ myahˇ boꞈ taˬ-euˬ meh.

Panmaeq 13:1 Referans Kwoze

Panmaeq 12:3

Khoernar-aq, ngar, mq-euq khoertav bisiq bimawr-eu yawqjeqyawq parya mawr-euq ma. Khoerngae, uqduq shif siq tsof-awr, uqcoer tser coer tsof-eu, nertseuvni ghae-eu byavyanq yanqma tiq mawr dovle-euq mae. Aqyawf-euq uqduq shif siq luf shuir uqkhov shif khov khovluf-eu mae.

Panmaeq 17:3

Khoernar-aq, muiq-eu Saflar-euq lafkhoer, ngaq-anr bawrtsanq bawrdanr-anr ciqghae naeqlaf-euq mae. Khoerngae, ngar, zaqmiq aqbur tiq ghaq, nertseuvni ghae-eu jeqzaq yawghae tiq mawr-anr dziqluf-eu gar ya’mawr-euq ma. Jeqzaq yawghae heumawr-aq, uqduq shif siq, uqcoer tser coer tsof-awr, mawrdo dolan-aer Miqyaer-anr yaeqbawq saerlu-aer aer-eu armyanr deuq boftaq-euq mae.

Panmaeq 11:7

Aqyawfnyaf sarkirkamq ghaq-euq nar-aq, li-eu maqbaw-eu duqkhanq-anr nae dovlar-eu jeqzaq yawghae khoermawr, aqyawf nyaf-anr guirdeuv deuv-awr deuvghaq ngae, aqyawf nyaf-anr saef taef-a.

Panmaeq 17:16

Nawq nae ya’mawr-euq jeqzaq yawghae khoermawr hawr-eu aqyawf-euq uqcoer tsercoer khoerdeuq, mawrdo anq-eu zaqmiq aqbur khoerghaq-anr byae taef-a. Aqyawfmaf, aqyawf kharjav-eu jeq yurgeufjir naeq-awr, nermyawvni bijawr taef-a. Khoeruqtaf, aqyawf-euq shaqjir dzaq-awr aqyawf-anr miqdzaq nae dzanpuivdzae taef-a.

Panmaeq 15:2

Khoernar-aq, ngar, jeq-oq naeq-aer miqdzaq keuqtaq-euq gar dur-eu pyawqhaw-euq iqmalavshav-anr ya’mawr-euq ma. Jeqzaq yawghae khoermawr hawr-eu aqyawf-euq mawrkawr-anr ghaqler-awr, aqyawf-euq tsaqtsov-eu jeq hawr-eu aqyawf-euq tsawrmyanr-euq nanqmyaq-anr ghaqler-euq tsawrhaq khoerdeuq, Miqyaer-euq deur-mq cuq baf-awr, jeq-oq iqmalavshav-euq khoertav yawfluf-eu mae.

Panmaeq 17:5

Aqyawf-euq narkhawr-anr dawqtsuif zaftaq-euq tsawrmyanr heulof-aer boftaq-euq mae: BAQBURLOQ MEUQ MEUQMA. MAWRDO ANQ-EU ZAQMIQ AQBUR DEUQ HAWR-EU, MIRTSAQ-EUQ KHOERTAV NUIDAV DAVLAR PAQ-AER GHAE-EU JEQ-EUQ AQMA.

Panmaeq 13:11

Khoernar-aq, ngar, mirtsaq-anr nae jeqzaq yawghae yawqmawryawq dovlar-eu gar ya’mawr-euq ma. Jeqzaq heumawr-aq, yawrzaq-euq uqcoer-anr dur-eu uqcoer nyiq coer tsof-awr, dawq-aq, byavyanq lof-aer ngaeq-eu mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 13:15

Aqyawf, jeqzaq yawghae khoermawr-euq mawrkawr dawq ngaeqnya larni saf bawanr-eu hawr-eu, jeqzaq yawghae khoermawr-euq mawrkawr-anr uqduq maqtanq-eu tsawrhaq yawqghaq navluf-anr saef-eu baoq za-euq mae.

Panmaeq 16:13

Khoerngae, byavyanq-euq khaqmae-anr nae, jeqzaq yawghae khoermawr-euq khaqmae-anr nae hawr-eu, Miqyaer gharduq ngaeqdan-eu jaqmyawf deuq-euq khaqmae-anr nae, khaqpaq-anr dur-eu naef yawjawf smq mawr dovlar-eu gar, ngar ya’mawr-euq ma.

Panmaeq 19:19

Khoernar-aq, ngar, jeqzaq yawghae khoermawr hawr-eu mirtsaq-euq sanqpaq deuq, aqyawf maf-euq guirzaq deuq naeq-aer uiqlar taq-awr, manq-anr dziqluf-eu khoerghaq hawr-eu aqyawf-euq guirzaq deuq naeq-aer guirdeuv deuv-eu laer ghae-eu gar ya’mawr-euq mae.