Panmaeq 12:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoernar-aq, ngar, mq-euq khoertav bisiq bimawr-eu yawqjeqyawq parya mawr-euq ma. Khoerngae, uqduq shif siq tsof-awr, uqcoer tser coer tsof-eu, nertseuvni ghae-eu byavyanq yanqma tiq mawr dovle-euq mae. Aqyawf-euq uqduq shif siq luf shuir uqkhov shif khov khovluf-eu mae.

Akha

³ Zahˬ leˇ paˬ-ehˇ gʼeh-eu yawˬ jeˬ yawˬ mˬ kʼoeˇ taˆ paˇ ya mawˇ-euˬ ma. Neˇ tseuˆ ni gʼeh-eu byaˆ yahˬ tiˬ mawˇ uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh. Uˬ duˬ aˬ yawꞈ siˬ yawꞈ-ahˇ, shuiˇ uˬ kʼoˆ kʼoˆ luꞈ-eu meh.

Panmaeq 12:3 Referans Kwoze

Panmaeq 17:12

“Nawq nae ya’mawr-euq uqcoer tser coer khoer-aq, sanqpaq tser ghaq-anr aermawf-eu mae. Aqyawfmaf, mirkhanq-anr maqya uvlanr-aq siq. Aerkhawf, aqyawfmaf, jeqzaq yawghae khoermawr naeq-aer tiqkawv lof-aer naqliq tiq laf byanni sanqpaq geuf-eu aryaq za taef-a.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Panmaeq 17:16

Nawq nae ya’mawr-euq jeqzaq yawghae khoermawr hawr-eu aqyawf-euq uqcoer tsercoer khoerdeuq, mawrdo anq-eu zaqmiq aqbur khoerghaq-anr byae taef-a. Aqyawfmaf, aqyawf kharjav-eu jeq yurgeufjir naeq-awr, nermyawvni bijawr taef-a. Khoeruqtaf, aqyawf-euq shaqjir dzaq-awr aqyawf-anr miqdzaq nae dzanpuivdzae taef-a.

Panmaeq 17:7

Khoerngae, mqtav ghaqkhaer khoerghaq, ngaq-anr heulof-aer aernaeq laf-eu mae, “Nawr aqjeq mirnae zanqler-eu nya? Zaqmiq aqbur teughaq-euq garkawv hawr-eu aqyawf-anr tawqluf-eu uqduq shif siq, uqcoer tser coer tsof-eu jeqzaq yawghae teumawr-euq garkawv zaftaq-euq dawqtsuif, ngar, nawq-anr ja’maeqnaeq nyar.

Panmaeq 20:2

Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.

Panmaeq 12:4

Aqyawf-euq dawqmiq nae mq-anr tsaeq-eu aqguir smq bymr-anr nae tiq bymr yavuiq-awr, mirtsaq-euq khoertav juifka ghaelef-euq mae. Byavyanq heumawr, aqnyir ciq-eu laer ghae-eu zaqmiq aqbur khoerghaq, zaq bawdov lef-euq nar-aq, zaq khoerghaq-anr dzaq-eu laer zaqmiq aqbur khoerghaq-euq maeqshi yawfluf-eu mae.

Panmaeq 12:1

Khoernar-aq, ngar, mq-euq khoertav huiq-eu bisiq bimawr-eu jeq tiqjeq-anr ya’mawr-euq ma. Zaqmiq aqbur tiq ghaq nanrma dm-awr, bala-anr nawqtaeq-awr, aqguir 12 siq tsof-eu shuir uqkhov khovtaq-euq mae.

Panmaeq 16:13

Khoerngae, byavyanq-euq khaqmae-anr nae, jeqzaq yawghae khoermawr-euq khaqmae-anr nae hawr-eu, Miqyaer gharduq ngaeqdan-eu jaqmyawf deuq-euq khaqmae-anr nae, khaqpaq-anr dur-eu naef yawjawf smq mawr dovlar-eu gar, ngar ya’mawr-euq ma.

Panmaeq 19:12

Aqyawf-euq myavnuiv-aq, miqdzaq miqlmr-anr dur-awr, uqduq-anr shuir uqkhov ghawqmya siq khovluf-eu mae. Aqyawf maqngeur nar-aq, tiqghaq-iq maq siqnya-eu tsawrmyanr tiq myanr boftaq-euq mae.

Panmaeq 12:17

Khoerngae, byavyanq khoermawr, zaqmiq aqbur khoerghaq-anr nuima paer duidui-awr, dzerluf-eu aqyawf-euq zaqdeuq uvdeuq-anr guirdeuv deuv-ir-euq mae. Zaq khoerdeuq-aq, Miqyaer nae bif-euq dawq-anr mrcaw-awr, Yeqsur Kali-euq garkawv sarkir kamq-eu tsawrhaq mae.

Panmaeq 12:7

Khoerngae, mq-euq khoertav guirdeuv deuv-euq mae. Mirgeqlar hawr-eu aqyawf-euq mqtav ghaqkhaer deuq byavyanq khoermawr-anr guirdeuv deuv-euq mae. Byavyanq khoermawr khawf aqyawf-euq mqtav ghaqkhaer deuq sheuq-awr deuv-euq mae.

Panmaeq 12:13

Byavyanq khoermawr, aqyawf, mirtsaq-euq khoertav bi biqka lef-euq nga laer siqler ngae, aqlizaq ciq-euq zaqmiq aqbur khoerghaq-anr khaeqnaeq khavnaeq-eu laer taeluf-eu mae.

Panmaeq 13:1

Khoernar-aq, ngar, iqmalavshav-euq kharshuif-anr nawqtaeq-awr yawfluf ngae, iqmalavshav-anr nae jeqzaq tiq mawr dovlar-eu gar ya’mawr-euq ma. Jeqzaq khoermawr-aq, uqcoer tser coer tsof-awr, uqduq shif siq tsof-eu mae. Uqcoer tser coer luf shuir uqkhov tiq coer-anr tiq siq khov-awr, uqduq shif siq-anr-aq, Miqyaer-anr yaeqbawq saerlu-aer aer-eu armyanr boftaq-euq mae.

Panmaeq 13:2

Ngaq nae ya’mawr-euq jeqzaq heumawr-aq, khaqzuiq-anr dur-eu mae. Aqkuir-aq, khaqhmr-euq aqkuir-anr dur-awr, khaqmae-aq, arlaqjaqshir-euq khaqmae-anr dur-eu mae. Byavyanq, aqyawf-euq baoq, nuirmanq hawr-eu huiq-eu aryaq, jeqzaq yawghae heumawr-anr bifnaeq-euq mae.

Panmaeq 13:4

Byavyanq nae jeqzaq yawghae heumawr-anr aryaq bifnaeq-euq mirnae, aqyawfmaf, byavyanq heumawr-anr uqduq tanq-awr, jeqzaq yawghae heumawr-anr khawf uqduq tanqtanq-aer aer-eu, “Jeqzaq yawghae heumawr-anr dur-eu aqsur ghaq jawr-eu la? Aqsur ghaq, aqyawf-anr guirdeuv deuvghaq nya-eu la?”

Panmaeq 15:1

Khoernar-aq, ngar, mq-anr huiq duidui-eu zanqler paq-aer ghae-eu bisiq bimawr-eu jeq ya’mawr-euq ma. Khoer-aq, mqtav ghaqkhaer shif ghaq, arsaq saq-eu khaeq-awr khav-eu jeq shif jeq yurluf-eu mae. Miqyaer nuima paer duidui-eu jeq, khoer-euq lafkhoer anrjir-eu mae.