Panmaeq 11:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar, ngaq-euq sarkir kamq-eu khoer nyiq ghaq-anr baoq bif ma. Aqyawf nyaf-aq, guqdar paerzeur-euq maeqtsoeq dm-awr 1,260 nan Miqyaer gharduq ngaeqdan taef-a.”

Akha

³ Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 11:3 Referans Kwoze

Panmaeq 12:6

Khoernar-aq, zaqmiq aqbur heughaq bawrtsanq bawrdanr-anr caevjawr-ir-euq mae. Khoergar Miqyaer, aqyawf-anr 1,260 nan byanni bosav-eu laer aqyawf-euq gharduq jawrzar lavsav taq-euq mae.

Panmaeq 11:2

Aerkhawf, uqduq tanqnymr nymrma-euq lafnyir jav-eu pyafkhanq-aq, maqdza’ni bijav-awq. Aqjeq mirnae aernar-aq, jawrduq khoer-aq, aqcawq tsawrjeuq tsawrca-euq aqlaf-euq lafkhoer anr-ir-awr, aqyawfmaf shawr-eu meuq-anr bala 42 siq byanni nawqtaeqtaq taef-a.

Panmaeq 13:5

Jeqzaq yawghae heumawr-anr dawq yawhuiq hawr-eu Miqyaer-anr yaeqbawq saerlu-aer aer-eu dawq ngaeq-eu khaqmae bif-awr, bala 42 siq byanni khoerlof-aer mr-eu gharduq aryaq biftaq-euq mae.

Gʼaˬkʼehˇ 13:31

Gaqliqlaer mirkhanq-anr nae Yeqlursaqlaeq-anr keuvni, aqyawf naeq-aer le-euq deuq-anr, aqyawf-euq mawrdo ghawqmya nan bimawr-euq mae. Tsawrhaq khoerdeuq-aq, nymq-mr aqcawq-euq maeqshi aqyawf-euq sarkir kamq-eu tsawrhaq pyeuf-eu mae.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Luˇkaꞈ 24:48

Nawmaf-aq, garkawv heudeuq-euq gharduq sarkir yakamq-eu tsawrhaq deuq mae.

2 Gawˇliˬtu 13:1

Heupov, ngar, nawmaf jawr-eu gar oe-eu smq pov tiqpov ma. “Nawmaf kharngaeq-eu yawqdawq navluf yawduq baw-eu jeq pyeuflarni, sarkir kamq-eu tsawrhaq nyiq ghaq smr ghaq yabi jawr-eu mae.” (Dm 19:15)

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

Yoˇhaˬ 15:27

Nawmaf khawf, yawbae ngae nae ngaq naeq-aer jawrluf-eu mirnae, ngaq-euq garkawv sarkirkamq taef-a.”

Maꞈtehˬ 18:16

Aerkhawf, aqyawf, nawq-euq dawq maq narhaq nar-aq, nawq naeq-aer tsawrkaq tiq ghaq nyiq ghaq sheuqcaw ghae-awq. Aqjeq mirnae aernar-aq, ‘Dawq kharngaeq-euq yawqdawq navluf yagaq-euq tsawrkaq nyiq ghaq smr ghaq jawr nar-aq, ngeur-eu gar aer-eu mae laer sawxnya taef-a’ (Dm 19:15) laer aertaq-euq mae.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.

Eˇpeˇsu 4:11

Aqyawf, tiqghaq nav-anr ghaqkhaer bigeuf-awr, tiqghaq nav-anr Miqyaer gharduq ngaeqdan-eu tsawrhaq bigeuf-euq mae. Tiqghaq nav-anr guiqlanqdawq maeq-eu tsawrhaq bigeuf-awr, tiqghaq nav-anr saqlaq bigeuf-euq uqtaf, tiqghaq nav-anr maeqzaq bigeuf-euq mae.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

Yoˇhaˬ 3:27

Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Jaceuq 69:11

Ngar, guqdar paerzeur-euq maeqtsoeq dm ngae, Ngar, aqcawq dawqdaq daqduq pyeuflar taq-euq mae.

Maꞈtehˬ 11:21

“Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq huiq-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tawvdav tawvdav-aer noeqpov noeqpar taef-a.

Luˇkaꞈ 10:13

“Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq khav duidui-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tsanq-anr nuir-awr noeqpov noeqpar taef-a.

Panmaeq 11:6

Aqyawfnyaf, Miqyaer gharduq ngaeqdan taq-euq arnan-anr tsaqni, mq-anr piqtaeq-awr uqyaer maqbi yaerle-eu baoq anr-eu mae. Aqyawfnyaf, ircuf-euq khoertav baoq jav-awr, ircuf-anr shiq bipyeuf-ir nya-eu uqtaf, mirtsaq-euq khoertav bi keuvle mawf-eu khaeq-awr khav-eu yawqjeq navluf, armyav pov khawf bi keuvle nya-eu mae.