Panmaeq 10:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoerngae, ngaq nae mawr-euq, iqmalavshav hawr-eu mirtsaq-anr nawqtaeq luf-eu mqtav ghaqkhaer khoerghaq, armar laf mq paw bafdir-awr,

Akha

⁵ Kʼoeˇ naˇ, iˬ ma laˆ shaˆ hawˇ-eu miˇ tsaˬ kʼoeˇ taˆ yawꞈ luꞈ-eu ngaˇ mawˇ-euˬ mˬ taˆ gʼaˬ kʼehˇ kʼoeˇ gʼaˬ, aˇ maˇ laꞈ mˬ paw baꞈ diˇ-euˬ meh.

Panmaeq 10:5 Referans Kwoze

Panmaeq 16:17

Mqtav ghaqkhaer shif ghaq tiqghaq, aqyawf-euq khmqmaq, mq-euq ghanrcae shaevdzaeghae ngae, mq-euq khoertav-euq yawshawr lawv-euq nuirmanq-anr nae tersar yawkhav-aer ngaeqdov lef-eu, “Mrluiv jir-euq ma.”

Panmaeq 14:7

Aqyawf, tersar yawkhav khav-aer aer-eu, “Miqyaer-anr guv-awr, aqyawf-anr ciqhuiq ciqmanr-awq. Aqjeq mirnae aernar-aq, aqyawf yarkhaq dar-eu aryamq keuvle-euq mae. Mq hawr-eu mir, iqmalavshav hawr-eu ircuf irbyoe deuq-anr bae-euq ghaq-anr uqduq tanq-awq.”

Panmaeq 10:2

Aqyawf-euq aqlaf-euq lafkhoer pantaq-euq sanqbof yawnyir tiq yov anr-eu mae. Aqyawf-euq armar kuir-aq, iqmalavshav-anr nawqtaeq taq-awr, arcar kuir-aq, mirtsaq-anr nawqtaeq taq-euq mae.

Panmaeq 4:11

“Or, nga’maf-euq Sanqpaq Miqyaer-or! Nawr-aq, yawqjeq navluf-anr bae-awr, Nawr nuima tsaq-eu lof-aer nawq nae bae-euq jeq daefnya javnya-eu mirnae, Yawshaef khanqsaer, taqhuiq taqmanr-eu jeq hawr-eu, baoq dawqtawvluf nawr za-eu geux mae.”

Gʼaˬkʼehˇ 14:15

heulof-aer aer-eu mae: “Aqyuif aqnyir deuq-or! Aqjeq mirnae teulof-aer janr-eu le? Nga’nyaf khawf nawmaf lof-aer dur-eu tsawrhaqzaq pyeuf-eu ma. Nga’nyaf, nawmaf-anr dawqmaeq maeqle-euq heu-aq, nawmaf gardanr maqtsoeq-eu teudeuq-anr byaerdzae-awr, mq hawr-eu mir, iqmalavshav hawr-eu kharjawr kharjav-eu jeq dawqtawv luf-anr bae-euq ghaq pyeuf-eu, daefluf-eu Miqyaer jawr-eu paw bi ghofpyawr lar-eu gharduq ma.

Panmaeq 4:9

Yawdaef jeq khoerdeuq, nuirmanq-anr nuir-awr mqmaq maqbyav yarzir daef-eu ghaq-anr, yawshaef khanqsaer, taqhuiq taqmanr-eu jeq hawr-eu guiqlanq-anr jaceuq-eu jeq dawqtawvluf damqnaeq ngae,

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

HeˬByehˇ 6:13

Miqyaer, Aqbyaqhaq-anr sarjax dzaq ngae, aqyawf navmaqtser huiqdzaeq-eu tiqghaq-iq maqjawr-eu mirnae, aqyawxyawf ghoe-awr kamq-euq mae.

Lormav 1:20

Mqbae mirbae bae ngae nan-anr nae, Miqyaer-euq mqmaq maqbyav yarzir zif-eu baoq hawr-eu aqyawf, Miqyaer pyeuf-eu garkawv byacaevni siqduq mawrduq lar-eu mae. Myavnuiv nae maq hawmawr nya-eu khawf, aqyawf nae baetaq-euq deuq-anr haw-awr siqduq lar-eu mae. Khoermirnae, aqyawfmaf tiqjeq-anr-iq daeqlaefkhar maqza-a.

Gʼaˬkʼehˇ 17:23

Aqjeq mirnae aernar-aq, ngar doedoe-aer can-awr, nawmaf uqduq tanq-eu jeq-anr haw ngae: NGA’MAF MAQ SIQNYA-EU MIQYAER-EUQ GHARDUQ laer bofmyanq taq-euq lawrduq tiq tsanr-anr ngar mawr-euq ma. Khoermirnae, nawmaf maq siqnya-eu khawf uqduq tanqluf-eu Miqyaer heughaq-euq garkawv, ngar, nawmaf-anr ja’maeqnaeq mawf mir-a:

Jaceuq 146:5

Yaqkov-euq Miqyaer nae bi cawba-euq tsawrhaq-aq, guiqlanq huiq-eu mae; Aqyawf-euq Miqyaer pyeuf-eu Ya’we Miqyaer-anr noeqtmq-eu tsawrhaq-aq, guiqlanq huiq-eu mae.