Panmaeq 10:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf, arlaqjaqshir joeq-eu lof-aer tersar yawkhav-aer gurdov lef-euq mae. Aqyawf gurdov lef-euq naeq-aer, mqjeq shif ter jeq-eu lafkhoer dawq ngaeqdov lef-euq mae.

Akha

³ Aˇ laˬ jaˬ shiˇ joeˬ-eu teˇ saˇ loꞈ-ehˇ, aˬ yawꞈ yaw kʼaˆ-ehˇ guˇ-eu meh. Aˬ yawꞈ kʼoeˇ loꞈ-ehˇ guˇ gʼaˬ ngeh, mˬ jeˬ shiꞈ teˇ jeˬ-euˬ meh.

Panmaeq 10:3 Referans Kwoze

Panmaeq 4:5

Nuirmanq-anr nae mqmyawf myawf-awr, mqjeq jeq-eu hawr-eu tersar ghawqmya jeq manrdov lef-eu mae. Nuirmanq-euq maeqshi miqdzaq tsirkhmq doftaq-euq mae. Tsirkhmq dofdavduq khoer shif hmq-aq, Miqyaer-euq Saflar shif lar mae.

Panmaeq 15:1

Khoernar-aq, ngar, mq-anr huiq duidui-eu zanqler paq-aer ghae-eu bisiq bimawr-eu jeq ya’mawr-euq ma. Khoer-aq, mqtav ghaqkhaer shif ghaq, arsaq saq-eu khaeq-awr khav-eu jeq shif jeq yurluf-eu mae. Miqyaer nuima paer duidui-eu jeq, khoer-euq lafkhoer anrjir-eu mae.

Panmaeq 14:2

Khoernar-aq, ngar, ircuf ghawqmya’ni yoer-eu tersar hawr-eu khav duidui-eu mqjeq jeq-eu tersar lof-aer dur-eu tersar, mq-anr nae manrdov lef-eu gar yagaq-euq ma. Khoeruqtaf, ngar deur-mq diq-eu tsawrhaq, aqyawf ha-euq deur-mq cuq diq-eu tersar-anr khawf yagaq-euq ma.

Panmaeq 8:5

Khoernar-aq, mqtav ghaqkhaer khoerghaq, yawsaw jeq dofdamq-eu shuir kuqpaeq sheu-awr, lawrduq-anr dofluf-eu miqdzaq tiqbyanni paevanr-awr, mirtsaq-euq khoertav biqka ghae-euq mae. Khoerngae, tersar ghawqmya jeq manr-awr mqjeq jeq-eu uqtaf, mqmyawf khawf myawf-awr, mirluv khawf luvlar-euq mae.

Dawqdaq 19:12

Sanqpaq nuima paerlar nar-aq, Joeqluf-eu arlaqjaqshir-anr dur-eu mae. Aerkhawf, aqyawf-euq ghoer mr-eu jeq-aq, Yarmof-euq khoertav gadav le-euq ceuq-anr dur-eu mae.

Panmaeq 15:7

Yawdaef jeq khoer oeq mawr-euq lafkhoer tiq mawr-aq, mqtav ghaqkhaer khoer shif ghaq-anr, mqmaq maqbyav yarzir daef-eu Miqyaer-euq nuima paer duidui-eu jeq tiqbyanni danq-eu shuir khmqmaq shif khmq ciqnaeq-euq mae.

Jaceuq 29:3

Ya’we Miqyaer-euq tersar ircuf-euq khoertav javluf-awr; Yawshaef khanqsaer-euq Miqyaer mqjeq jeq-eu mae. Ya’we Miqyaer-aq, ghawqmya’ni ghae-eu ircuf-euq khoertav jawrluf-eu mae.