Panmaeq 10:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, ngar, uqduq-euq khoertav arderlerkhan uqdzanq dzanq-awr, ghaq zawr khav-eu mqtav ghaqkhaer tiq ghaq, mqdmr dm-awr, mq-anr nae zafka le-eu gar ya’mawr-euq ma. Aqyawf-euq myavpyawq-aq, nanrma-anr dur-awr, aqkuir-aq, miqdzaq khawrzeur-anr dur-eu mae.

Akha

¹ Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Panmaeq 10:1 Referans Kwoze

Maꞈtehˬ 17:2

Khoerngae, aqyawf maf-euq maeqshi Yeqsur-euq mawrdo parlar-euq mae. Aqyawf-euq myavpyawq nanrma lof-aer yawshaef bya-awr, aqyawf-euq maeqtsoeq khawf pyurdeuqni narguir guir-eu mae.

Panmaeq 5:2

Khoernar-aq, heu-anr ngar ya’mawr-euq ma. Ghaq zawr khav-eu mqtav ghaqkhaer tiq ghaq tersar yawkhav-aer gur-eu, “Aqsur ghaq jmq diqtaq-euq khoer shif tsanr gheudzae-awr, sanqbof heuyov-anr pan-eu geux-eu la?”

Panmaeq 4:3

Khoergar nuirluf-eu khoerghaq-aq, yawbyaf byaf-aer ghae-eu khaqlo saer hawr-eu, nertseuvni ghae-eu khaqlo saer-anr dur-eu mae. Nuirmanq-anr-aq, nyoernav nav-eu khaqlo saer-anr dur-eu arderlerkhan nae khanjawq taq-euq mae.

Panmaeq 8:13

Ngar hawghae ngae, mq-euq ghanrcae zawluf-eu mqtav ghaqkhaer tiq ghaq, tersar yawkhav-aer heulof-aer aer-eu gar yagaq-euq ma, “Darhae maqya baw-euq mqtav ghaqkhaer heu smr ghaq darhae bawlar-eu laer ghae-eu mae. Mirtsaq-euq khoertav jawr-eu tsawrhaqzaq-aq, ghawqshar shaq-aer, ghawqshar shaq-aer, ghawqshar shaq-aer yaghae saeflef taef-a.”

Jaceuq 104:3

Aqyawf, aqyawf-euq nymr-euq pyaqdmq, Ircuf-euq khoertav cawqdav taq-euq mae. Aqyawf, mqdmr-anr manq lavlawq bigeuf-awr, Aqyawf, jaqlaer-euq aqdanr-euq khoertav can-eu mae.

Jaceuq 97:2

Mqdmr hawr-eu yawzanr, aqyawf-euq tiqjawq javluf-eu mae. Tsaq-awr dawr-eu jeq hawr-eu dawr-awr tsaq-eu jeq-aq, Aqyawf-euq nuirmanq-euq dawqpaeq duqpur mae.

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Gʼaˬkʼehˇ 26:13

Sanqpaq-or! Nanlov caelar-eu yamq-anr, ngar garpaer-anr canluf ngae, mq-anr nae nanrma tsaeq-eu navmaqtser khav-eu yawshaef, ngar hawr-eu ngaq naeq-aer canluf-eu deuq-euq tiqjawq byale-euq gar ya’mawr-euq ma.

Luˇkaꞈ 21:27

Khoerngae, aqyawfmaf, Tsawrhaq-euq Zaqyo baoq hawr-eu zawr huiq-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Panmaeq 18:1

Khoernar-aq, ngar, mqtav ghaqkhaer yawqghaqyawq, mq-anr nae zafka le-eu gar ya’mawr-euq ma. Aqyawf huiq duidui-eu aryaq jav-awr, aqyawf-euq yawshaef khanqsaer-euq baqda’nae, mirtsaq-anr yawshaef bya-eu mae.

Panmaeq 18:21

Khoernar-aq, ghaq zawr khav-eu mqtav ghaqkhaer tiq ghaq lolaeq laeqma-anr dur-eu khaqlo tiq siq baf-awr, iqmalavshav-anr dzaepuf ghae-awr nae heulof-aer aer-eu mae: “Baqburloq meuq meuma-anr khawf, khoerlof-aer ghaqkhav shar-awr yabi bafdzae taef-a. Aqkar meuq teumeuq-anr tiqjawr-iq maqpar ya’mawr-ar.

Panmaeq 20:1

Khoerngae, ngar, mqtav ghaqkhaer tiq ghaq, mq-anr nae zafkale luf-eu gar ya’mawr-euq ma. Aqyawf-euq aqlaf-anr li-eu maqbaw-eu duqkhanq-euq mawqtawfdur hawr-eu shmrcav cavma tiq cav yurluf-eu mae.