Panmaeq 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Akha

⁹ Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.

Panmaeq 1:9 Referans Kwoze

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Panmaeq 1:2

Yorhaq, aqyawf nae kharya mawr-euq dawqtawvluf, Yeqsur Kali-euq sarkir hawr-eu Miqyaer-euq dawqdeuq, kharngeur-eu lof-aer sarkirkamq taq-euq mae.

Panmaeq 13:10

Aqcawq-anr nyaefghae-euq tsawrhaq-aq, aqcawq nae yabi nyaefghae-awr, aqcawq-anr micaer nae saef-euq tsawrhaq-aq, micaer nae yabi saef taef-a. Heu-aq, tsawrshawr deuq orcoerni jan-eu jeq pyeuf-eu mae.

Piˇliˇpiˆ 4:14

Aerkhawf, ngar shaqzanq daqluf ngae, nawmaf daqcaw naeqlaf-euq khoer muiq duidui nya.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

Lormav 8:25

Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.

Panmaeq 14:12

Heulof-aer aer-eu-aq, Yeqsur-anr jan-awr, Miqyaer-euq zanrdawq khofdawq-anr mrcaw-eu tsawrshawr deuq-anr bi daqcoer bi orcoer-eu gharduq ma.

HeˬByehˇ 10:36

Nawmaf, Miqyaer nuima tsaq-eu jeq-anr mrbyan-euq nar-aq, aqyawf nae sarjax dzaqtaq-euq jeq-anr za’ni daqcoer orcoer-eu jeq ya’anr-eu mae.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Panmaeq 11:7

Aqyawfnyaf sarkirkamq ghaq-euq nar-aq, li-eu maqbaw-eu duqkhanq-anr nae dovlar-eu jeqzaq yawghae khoermawr, aqyawf nyaf-anr guirdeuv deuv-awr deuvghaq ngae, aqyawf nyaf-anr saef taef-a.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Panmaeq 12:17

Khoerngae, byavyanq khoermawr, zaqmiq aqbur khoerghaq-anr nuima paer duidui-awr, dzerluf-eu aqyawf-euq zaqdeuq uvdeuq-anr guirdeuv deuv-ir-euq mae. Zaq khoerdeuq-aq, Miqyaer nae bif-euq dawq-anr mrcaw-awr, Yeqsur Kali-euq garkawv sarkir kamq-eu tsawrhaq mae.

Panmaeq 6:9

Khoernar-aq, Yawrzaq, jmq diqtaq-euq ngaq tsanr tiqtsanr-anr pan ngae, ngar, Miqyaer-euq dawq hawr-eu aqyawfmaf nyaefzif luf-eu sarkir-euq baqda’nae bisaef-euq tsawrhaq deuq-euq saflar, lawrduq-euq uqmov jawr-eu gar ya’mawr-euq ma.

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

2 Teˇsaˬloˇni 3:5

Sanqpaq Miqyaer, nawmaf-euq nuima-anr Miqyaer-euq gaq-eu jeq hawr-eu Kali-euq daqcoer orcoer-eu jeq-anr bi ghovshawnya dzaeqlar luf-ur.

Maꞈtehˬ 20:23

Yeqsur, aqyawf nyaf-anr aernaeq-eu, “Nawnyaf, ngaq nae dawr-euq khmqmaq, aqdir yadawr-awr, ngaq nae hageuf-euq bartirsaq-anr khawf nawnyaf ya hageuf taef-a. Aerkhawf, ngaq-euq arcar paw hawr-eu armar paw ya’nuirni ngar bifnya-eu maqngeur. Nuirduq khoer-aq, ngaqDa nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Maˬkuˆ 10:39

Aqnyafnmr aer-eu, “Euq, nga’nyaf dawrcoer-awr hageufcoer ma.” Khoerngae, Yeqsur heulof-aer aernaeq-euq mae, “Ngaq nae dawr-euq khmqmaq, nawnyaf yadawr-awr, ngaq nae hageuf-euq bartirsaq-anr nawnyaf khawf ya hageuf taef-a.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

2 Gawˇliˬtu 1:7

Nga’maf, nawmaf-anr noeqtmq taq-euq jeq-aq, zifdanni javluf-eu ma. Aqjeq mirnae aernar-aq, nga’maf ya daqluf-eu shaqzanq-anr nawmaf khawf daq-euq lof-aer, nga’maf nae za-euq nuima sarlar-eu jeq, nawmaf khawf za taef-a laer siqnya ma.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

Panmaeq 1:6

Khoeruqtaf, aqyawf, aqdui-anr aqyawf-euq Aqda Miqyaer-euq pirma hawr-eu sanqpaq bi pyeuflarni janrnaeq laf-euq mae. Yawshaef khanqsaer hawr-eu uvlanr-eu baoq, li-eu maqbawni aqyawf-anr of luf-ur. Aqmeq.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.