Panmaeq 1:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”

Akha

⁸ “Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 1:8 Referans Kwoze

Panmaeq 22:13

Ngar-aq, Aqlaqpar hawr-eu Ormeqgar pyeuf-awr, Ardanq bae-awr Arsaq saq-eu ghaq pyeuf-eu uqtaf, Maeqhuq huq-eu hawr-eu Maeqnanq nanq-eu ghaq khawf ngeur ma.”

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

Panmaeq 11:17

heulof-aer aer-eu mae: “Arhu nae daef-eu nymq-mr keuvni daefluf-awr, Aqkar zafka le-eu laer ghae-eu ghaq pyeuf-eu, Baoq huiq duidui-eu Sanqpaq Miqyaer-or! Nawq-euq huiq-eu baoq nae nymq-mr nawr uvlanr luf-eu mirnae, Nga’maf, nawq-euq guiqlanq-anr jaceuq ma.

Panmaeq 1:17

Ngar, aqyawf-anr ya’mawr ngae, shir-euq tsawrhaq lof-aer aqyawf-euq aqkuir-euq dawqpae coqdzae ghae-euq mir-a. Khoerngae, aqyawf-euq armar laf ngaq-euq khoertav bafdav-awr heulof-aer aer-eu mae, “Taqguv. Ngar-aq, Ardanq bae-eu hawr-eu Arsaq saq-eu ghaq ma.

Panmaeq 2:8

“Saqmeuqnav Kalizaq armur-euq mqtav ghaqkhaer-anr heulof-aer bofnaeq-awq: ‘Ardanq bae-eu hawr-eu Arsaq saq-eu ghaq pyeuf-awr, shir-euq khawf ghofdaef lar-euq khoerghaq heulof-aer aer-eu mae:

Panmaeq 4:8

Yawdaef jeq khoer oeq mawr-aq, yawqmawr navluf aqdanr kof danr tsof-awr, lafkhoer lafnyir-aer myavnuiv tiqbyanni tsof-eu mae. Aqyawfmaf uqcif nan’ghanr maqaer maq naqlerni aer-eu, “Baoq huiq duidui-eu Sanqpaq Miqyaer-aq, Yawshawr mae, yawshawr mae, yawshawr mae. Aqyawf-aq, arhu nae daef-eu, nymq-mr keuvni daefluf-awr aqkar zafka le-eu ghaq mae!”

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.

Panmaeq 16:14

Naef khoerdeuq-aq, bisiq bimawr-eu jeq mrmawr-eu naefdeuq-euq saflar mae. Baoq huiq duidui-eu Miqyaer-euq arnan nanma ngae nan, guirdeuv deuv-eu gharduq, mirtsaq-euq khoertav doeni jawr-eu sanqpaq deuq bi uiqlar-eu laer naef khoerdeuq dov-ir taq-euq mae.

Panmaeq 21:22

Aerkhawf, ngar, meuq heumeuq-euq lafkhoer yawshawr lawv jav-eu maqmawr-aq. Aqjeq mirnae aernar-aq, baoq huiq duidui-eu Sanqpaq Miqyaer hawr-eu Yawrzaq-aq, meuq heumeuq-euq yawshawr lawv pyeuf-eu mae.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Panmaeq 16:7

Khoeruqtaf, ngar, lawrduq jav-eu gar nae heulof-aer aerdov lef-eu gar yagaq-euq ma. “Baoq huiq duidui-eu Sanqpaq Miqyaer-or! Nawq nae yarkhaq dar-euq-aq, tsaq duidui-awr dawr duidui-eu mae.”

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.