Panmaeq 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Akha

⁷ Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 1:7 Referans Kwoze

Maꞈtehˬ 24:30

Khoerngae, Tsawrhaq-euq Zaqyo-euq bisiq bimawr-eu jeq mq-anr ya’mawr taef-a. Mirtsaq-euq khoertav-euq tsawrjeuq tsawrca dawqtawvluf tsawrngoerngoer taef-a. Tsawrhaq-euq Zaqyo, baoq hawr-eu huiq duidui-eu yawshaef khanqsaer-euq lafkhoer, mq-euq khoertav-euq mqdmr-anr dziq-awr nae zafka le-eu gar aqyawfmaf ya’mawr taef-a.

Yoˇhaˬ 19:37

Yaerbof yawqtsanryawq par boftaq-euq, “Aqyawfmaf nae tsawv-euq ghaq-anr aqyawfmaf haw taef-a.” (Zkl 12:10)

Maˬkuˆ 14:62

Khoerngae, Yeqsur aer-eu, “Ngar ngeur ma. Tsawrhaq-euq Zaqyo Baoq-euq armar paw nuirluf-eu gar maqaer, (Jc 110:1) mqtav-euq mqdmr-anr dziq-awr zafka le-eu gar maqaer, nawmaf ya’mawr taef-a.” (Dyl 7:13)

Luˇkaꞈ 21:27

Khoerngae, aqyawfmaf, Tsawrhaq-euq Zaqyo baoq hawr-eu zawr huiq-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

1 Teˇsaˬloˇni 4:17

Khoernar-aq, yawdaef daefluf-eu aqdui maf-aq, aqyawfmaf naeq-aer tiqkawv lof-aer Sanqpaq Yeqsur-anr tanqpuq ler-eu laer, mqmir yawkaq-anr mqdmr-euq lafkhoer tiqpov taef-aer bi sheuqdavlef taef-a. Khoernar-aq, aqduimaf, Sanqpaq Yeqsur naeq-aer aqmyanluf yajawr taef-a.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

Maˬkuˆ 13:26

Khoerngae, aqyawfmaf, Tsawrhaq-euq Zaqyo zawr huiq-eu baoq hawr-eu yawshaef khanqsaer-euq lafkhoer, mqdmr-anr dziq-awr zafka le-eu gar ya’mawr taef-a. (Dyl 7:13)

Yuˇdaˆ 1:14

Aqdaq-anr nae guikalef ngae, shiftsuif tiqtsuif-anr jawr-eu Ernov khawf aqyawf maf-euq garkawv, Miqyaer gharduq heulof-aer ngaeqdan taq-euq mae, “Hawde-eq. Sanqpaq Miqyaer, aqyawf-euq tsawrshawr armyaer arjuirghaq sheuq-awr oe taef-a.

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

Panmaeq 22:20

Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Jaceuq 22:16

Aqjeq mirnae aernar-aq, aqkuiq deuq, ngaq-anr gajawq taq-awr; Tsawrdoer baqmaf tiq maf, ngaq-anr jawrjawq taq-euq mae. Aqyawfmaf, ngaq-euq aqkuir aqlaf-anr tsawvbyoe naeqlaf-euq mae.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Jaceuq 97:2

Mqdmr hawr-eu yawzanr, aqyawf-euq tiqjawq javluf-eu mae. Tsaq-awr dawr-eu jeq hawr-eu dawr-awr tsaq-eu jeq-aq, Aqyawf-euq nuirmanq-euq dawqpaeq duqpur mae.

HeˬByehˇ 10:29

Sharnoeqhaw sher-eq. Miqyaer-euq Zaqyo-anr aqkuir-euq uqmov nawqtaeq taq-awr, yawqha-anr lavshawr-euq dawqma sarjax-euq shiq-anr, arpoeq maqbaw-eu lof-aer sawx-awr, guiqlanq yawdzanr bif-eu muiq-eu Saflar-anr yaeqbawq-aer ghae-eu tsawrhaq tiq ghaq, arnavni doerdzaeq-eu darnaeq-eu jeq-anr yadaq-eu jeq nya?

Yoˇhaˬ 19:34

Aerkhawf, guirzaq tiq ghaq, Yeqsur-euq byarghar-anr ganq nae tsawv-awr, shiq hawr-eu ircuf tiqpov taef-aer yoerdov lef-euq mae.

Jaceuq 68:1

Miqyaer turlar-awr, aqyawf-anr muir-eu deuq bi caevbyavjir luf-ur; Aqyawf-anr byae-eu deuq khawf, aqyawf-euq maeqshi nae caevbyovjir luf-ur.

Panmaeq 22:4

Aqyawfmaf, aqyawf-euq myavpyawq-anr ya’mawr-awr, aqyawf-euq tsawrmyanr aqyawf maf-euq narkhawr-anr boftaq taef-a.

HeˬByehˇ 6:6

coq-ir nar-aq, lavshuif-eu laer maqpar noeqpov noeqpar nya-aer noeqtmqkhar maqpar za-eu mae. Aqjeq mirnae aernar-aq, aqyawfmaf, yawqha-euq gharduq, Miqyaer-euq Zaqyo-anr lafyaq-euq khoertav par taftaeq pov-awr, aqcawq-euq maeqshi daqga paq-aer janrnaeq-eu gar dur-eu mae.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.