Panmaeq 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Akha

⁵ Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 1:5 Referans Kwoze

Jaceuq 89:27

Ngar, aqyawf-anr ngaq-euq huqbaw aqyuif ghaq khawf bigeuf-awr; Mirtsaq-euq sanqpaq deuq-euq khoertav, gor duidui-eu ghaq bigeuf ma.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”

Gawˇlawˇsehˇ 1:18

Kali-aq, aqyawf-euq mawrdo pyeuf-eu Kalizaq armur-euq uqduq pyeuf-eu mae. Aqyawf-aq, ardanq bae-eu ghaq pyeuf-awr, yawqjeq navluf-euq khoertav uqdzan ghaq pyeuflarni, shir-euq deuq-anr nae ghofdaeflar baebae-euq ghaq pyeuf-eu mae.

1 Beˬtuˆluˆ 1:19

Aerkhawf, marbyawf maqbaw-aer aerkhar maqza-eu yawrzaq-euq shiq lof-aer dur-eu, arpoeq khav duidui-eu Kali-euq shiq nae kakhof naeqlaf-euq mae.

Gʼaˬkʼehˇ 26:23

Kali-aq, yashaq yazanq-awr, shir-euq gar nae ghofdaef baebae lar-euq ghaq pyeuf-awr, Yurdav tsawrhaq hawr-eu aqcawq tsawrjeuq tsawrca-anr yawshaef-euq garkawv dzawrnaeq taef-a.”

Panmaeq 19:16

Aqyawf-euq paerkhanq paermanr hawr-eu shaqpyaq-anr heulof-aer boftaq-euq mae, “Sanqpaq deuq-euq Sanqpaq, Yawsanr deuq-euq Yawsanr.”

1 Yoˇhaˬ 4:10

Gaq-eu jeq-aq heulof-aer mae: aqdui, Miqyaer-anr gaq-euq maqngeur-eu, Miqyaer, aqdui-anr gaq-awr, aqdui-euq iqbax tsiqshawr-eu gharduq bi lawrbyan-eu laer aqyawf-euq Zaqyo bi’oe-euq mae.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Panmaeq 3:14

“Lawqdiqciv Kalizaq armur-euq mqtav ghaqkhaer-anr heulof-aer bofnaeq-awq: ‘Sarjax zif-awr yawtsaq yawdawr-euq lafkhoer sarkir kamq-eu ghaq, Miqyaer nae khar baetaq-euq khoertav uqdzan ghaq pyeuf-awr, Aqmeq laer kur-eu ghaq heulof-aer aer-eu mae:

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Jaceuq 72:11

Sanqpaq dawqtawvluf, aqyawf-euq maeqshi ya gabyav-awr; Mirkhanq tsawrjeuq dawqtawvluf, aqyawf-euq kuirlaf yageuf taef-a.

1 Tiˆmoˇseˬ 6:15

Aryamq tsaqlar ngae, aqyawf-anr bi dovle taef-a. Miqyaer-aq, guiqlanq byan-awr, aqyawf tiq ghaq taef-aer baoq huiq duidui-eu, sanqpaq deuq-euq Sanqpaq, yawsanr deuq-euq Yawsanr mae.

Eˇpeˇsu 2:4

Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

1 Tiˆmoˇseˬ 6:13

Yawqjeq navluf-anr daef-eu jeq bif-eu Miqyaer-euq maeqshi hawr-eu Boqtiv Pirlav-euq maeqshi muiq-eu sarkir kamq-euq Yeqsur Kali-euq maeqshi, ngar, nawq-anr dawq heulof-aer bif-eu ma.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

Yoˇhaˬ 15:9

“Aqda, ngaq-anr gaq-eu lof-aer, ngar khawf nawmaf-anr gaq-eu ma. Nawmaf, ngaq-euq gaq-eu jeq-euq lafkhoer jawr-awq.

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Lormav 8:37

Aerkhawf, aqdui-anr gaq-eu ghaq-anr ghoe-awr, heudeuq dawqtawv luf-anr yawmuiq-aer ghaqler jir-euq ma.

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

Yoˇhaˬ 3:32

Aqyawf nae yagaq ya’mawr-euq deuq aqyawf sarkir kamq-eu mae. Aerkhawf, aqyawf nae sarkir kamq-euq gar tiqghaq-iq maq hageuf-a.

Yoˇhaˬ 3:11

Ngar, nawq-anr aqdir aqmar aernaeq nyar, nga’maf siqluf-eu garkawv nga’maf ja-awr, nga’maf mawrluf-eu garkawv nga’maf sarkir kamq-eu ma. Aerkhawf, nga’maf sarkir kamq-eu gar nawmaf maq hageuf-a.

Jaceuq 51:2

Ngaq-euq yawlaeq yawca dawqtawv luf-anr tsiqshawr naeqlaf-awr, Ngaq-euq iqbax-anr nae ngaq-anr lavshawr naeqlaf-awq.

Dawqdaq 14:5

Sarjax zif-eu tsawrkaq-aq, jaqmyawf maqmyawf-a. Aerkhawf, maqtsaq maqdawr-eu tsawrkaq-aq, Aqjeq ngaeqlar khawf jaqmyawf mae.

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Lormav 3:25

Miqyaer, Yeqsur Kali-anr lawrbyan-eu jeq lof-aer tserdov taq-euq mae. Jan-eu lafkhoer Yeqsur-euq shiq-anr ghoe-awr, aqyawf-euq tsaq-awr dawr-eu jeq bi dovlar-eu gharduq, Miqyaer ornya-eu nuima nae, dzeurlaf ngae tsawrhaq nae mr-euq iqbax-anr aqyawf hawdzeur-euq mae.

HeˬByehˇ 10:29

Sharnoeqhaw sher-eq. Miqyaer-euq Zaqyo-anr aqkuir-euq uqmov nawqtaeq taq-awr, yawqha-anr lavshawr-euq dawqma sarjax-euq shiq-anr, arpoeq maqbaw-eu lof-aer sawx-awr, guiqlanq yawdzanr bif-eu muiq-eu Saflar-anr yaeqbawq-aer ghae-eu tsawrhaq tiq ghaq, arnavni doerdzaeq-eu darnaeq-eu jeq-anr yadaq-eu jeq nya?

Panmaeq 2:13

“Ngar, nawq nae mr-eu jeq siqnya-awr, nawq-euq jawrduq-aq, naef Saqdaq-euq nuirmanq mae laer khawf siqnya ma. Nawr, ngaq-euq tsawrmyanr-anr zifdanni nyaeftaeq-awr, Aqdirpav daefluf ngae khawf, nawr, ngaq-anr jan-eu jeq-anr maq byaerdzae-aq. Ngaq-anr sarjax zif-awr shirpeuq-eu Aqdirpav-aq, nawmaf-euq ghanrcae, naef Saqdaq-euq jawrduq-anr bisaef-euq mae.

Panmaeq 11:3

Ngar, ngaq-euq sarkir kamq-eu khoer nyiq ghaq-anr baoq bif ma. Aqyawf nyaf-aq, guqdar paerzeur-euq maeqtsoeq dm-awr 1,260 nan Miqyaer gharduq ngaeqdan taef-a.”

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.