Panmaeq 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqyaer gharduq ngaeqdan-eu dawq heudeuq-anr gui-eu tsawrhaq, yagaq-eu tsawrhaq hawr-eu mrcaw-eu tsawrhaq-aq, guiqlanqhuiq taef-a. Aqjeq mirnae aernar-aq, aryamq keuvle shaw-iq mae.

Akha

³ Sahˬ boꞈ heu taꞈ-ahˇ kʼaˇ gui-eu tsawˇ haˬ guiˬ lahˬ huiˬ-eu meh. Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ ya gaˬ-eu laꞈ kʼoeˇ, heu gaˇ kʼaˇ boꞈ taˬ-euˬ gaˇ kawˆ deuˬ-ahˇ kʼaˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, heu gaˇ kʼaˇ ehˇ taˬ-euˬ jeˬ dawˬ tawˆ luꞈ keuˆ le-eu aˇ yamˬ dawˬ peh peh laˇ-euˬ meh.

Panmaeq 1:3 Referans Kwoze

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Panmaeq 22:10

Khoernar-aq, aqyawf, ngaq-anr aernaeq laf-eu, “Sanqbof heudmq-euq lafkhoer boftaq-euq, Miqyaer gharduq ngaeqdan-eu dawq heudeuq-anr jmq taqdiq. Aqjeq mirnae aernar-aq, aryamq paelar-euq mae.

Lormav 13:11

Heu uqtaf, nymq-mr-aq, uqnoeq noeqlar-eu yamq tsaqlar-euq ngar-a laer nawmaf siqnya-eu mae. Aqjeq mirnae aernar-aq, aqdui janbae baelar ngae navmaqtser, nymq-mr-aq, aqdui-anr buq-ir-eu jeq paedzaeq le-euq mae.

1 Beˬtuˆluˆ 4:7

Yawqjeq navluf arsaq saq-eu dawqpae paelar-euq mae. Khoermirnae, nawmaf noeqganr-awr, yawbeur beur-aer guiqlanq sharshar-aer jawr-awq.

Dawqdaq 8:34

Ngaq-anr narhaq-eu laer nan-anr nae, ngaq-euq ghovkhaeq-anr haw-awr, Ngaq-euq larghov baq-anr lof-eu tsawrhaq-aq, guiqlanqhuiq taef-a.

Panmaeq 22:12

“Hawde-eq. Ngar yawkawr-aer oe ma. Tsawrhaq yawqghaq navluf, yawqha nae kharmr kharshar-euq lof-aer geuxni mrpoeq lafsawq bifnaeq-eu laer ngar oe ma.

2 Beˬtuˆluˆ 3:8

Aerkhawf, ngar zawr gaq-eu cawqdeuq-or! Heu tiqjeq-anr taqngaer de-eq. Sanqpaq Miqyaer-euq gharduq-aq, tiq nan khawf 1,000 khof lof-aer dur-awr, 1,000 khof khawf tiq nan lof-aer dur-eu mae.

Panmaeq 22:20

Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Maꞈtehˬ 24:15

“Miqyaer gharduq ngaeqdan-eu Daqyeqlar nae aertaq-euq lof-aer, nawmaf, ‘Ardzaeq-aer jawf-awr lavcawvbyov jirnya-eu jeq’ yawshawr jawrduq-anr katur taq-euq gar ya’mawr ngae,” (Yaerbof heu-anr gui-eu tsawrhaq ghovshaw luf-ur).

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Panmaeq 3:11

Hawde-eq. Ngar yawkawr-aer oe ma! Nawq-euq shuir uqkhov-anr aqcawq nae maqbi lugeufni, nawr kharjav-eu jeq-anr zifdanni nyaeftaeq taq-awq.