Panmaeq 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawf-euq armar laf-anr aqguir shif siq nyaeftaeq luf-awr, aqyawf-euq khaqmae-anr nae miseuq nyiq paw baw-awr tav duidui-eu micaer tiq kanr dovle-euq mae. Aqyawf-euq myavpyawq-aq, nanrma tsaeq-eu lof-aer narguir guir-eu mae.

Akha

¹⁶ Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 1:16 Referans Kwoze

HeˬByehˇ 4:12

Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.

Panmaeq 2:16

Khoermirnae, noeqpov noeqpar mr-awq. Maq noeqpov nar-aq, ngar, nawr jawr-eu gar yawkawr-aer oe-awr, ngaq-euq khaqmae-anr nae dovle-eu micaer nae tsawrhaq khoerdeuq-anr guirdeuvdeuv ma.

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.

Panmaeq 2:12

“Beqgaqmor Kalizaq armur-euq mqtav ghaqkhaer-anr heulof-aer bofnaeq-awq: ‘Miseuq nyiq paw baw-awr tav duidui-eu micaer bafluf-eu ghaq heulof-aer aer-eu mae:

Eˇpeˇsu 6:17

Shmr uqkhov khov-eu lof-aer kakhof-eu jeq-anr khov-awr, micaer shaf-eu lof-aer muiq-eu Saflar-euq micaer pyeuf-eu Miqyaer-euq dawq-anr shaf-awq.

Panmaeq 19:21

Nuideuq-anr-aq, manq-anr dziqluf-eu khoerghaq-euq khaqmae-anr nae dovle-euq micaer nae coersaef jir-euq mae. Arjir dawqtawvluf, aqyawf maf-euq shaqjir tiqdaev dzaq-euq mae.

Maꞈtehˬ 17:2

Khoerngae, aqyawf maf-euq maeqshi Yeqsur-euq mawrdo parlar-euq mae. Aqyawf-euq myavpyawq nanrma lof-aer yawshaef bya-awr, aqyawf-euq maeqtsoeq khawf pyurdeuqni narguir guir-eu mae.

Panmaeq 1:20

Nawq nae ya’mawr-euq, ngaq-euq armar laf-anr anr-eu aqguir shif siq hawr-eu, shuir nae janr-euq tsirkhmq dofdavduq shif hmq-anr tafler-awr zaftaq-euq dawqtsuif-aq heulof-aer mae: aqguir shif siq-aq, Kalizaq armur shif mur-euq mqtav ghaqkhaer deuq mae. Shuir nae janr-euq tsirkhmq dofdavduq shif hmq-aq, Kalizaq armur shif mur mae.”

Panmaeq 3:1

“Saqdir Kalizaq armur-euq mqtav ghaqkhaer-anr heulof-aer bofnaeq-awq: ‘Miqyaer-euq Saflar shif lar hawr-eu aqguir shif siq anrluf-eu ghaq heulof-aer aer-eu mae: “Ngar, nawq nae mr-euq jeq-anr siqnya ma. Aqcawq, nawr daefluf mae laer aer-eu khawf, nawr-aq yawshir mae.

Gʼaˬkʼehˇ 26:13

Sanqpaq-or! Nanlov caelar-eu yamq-anr, ngar garpaer-anr canluf ngae, mq-anr nae nanrma tsaeq-eu navmaqtser khav-eu yawshaef, ngar hawr-eu ngaq naeq-aer canluf-eu deuq-euq tiqjawq byale-euq gar ya’mawr-euq ma.

Panmaeq 12:1

Khoernar-aq, ngar, mq-euq khoertav huiq-eu bisiq bimawr-eu jeq tiqjeq-anr ya’mawr-euq ma. Zaqmiq aqbur tiq ghaq nanrma dm-awr, bala-anr nawqtaeq-awr, aqguir 12 siq tsof-eu shuir uqkhov khovtaq-euq mae.

Panmaeq 10:1

Khoerngae, ngar, uqduq-euq khoertav arderlerkhan uqdzanq dzanq-awr, ghaq zawr khav-eu mqtav ghaqkhaer tiq ghaq, mqdmr dm-awr, mq-anr nae zafka le-eu gar ya’mawr-euq ma. Aqyawf-euq myavpyawq-aq, nanrma-anr dur-awr, aqkuir-aq, miqdzaq khawrzeur-anr dur-eu mae.

Jaceuq 45:3

Baoq huiq-eu ghaq-or! Nawq-euq jaqlaq khanqsaer hawr-eu yawshaef khanqsaer naeq-aer, Nawq-euq jof-anr nawq-euq micaer shaf-awq.

Panmaeq 2:1

“Erpersu Kalizaq armur-euq mqtav ghaqkhaer-anr heulof-aer bofnaeq-awq: ‘Armar laf-anr aqguir shif siq nyaeftaeq taq-awr, shuir nae janr-euq tsirkhmq dofdavduq shif hmq-euq ghanrcae canluf-eu khoerghaq heulof-aer aer-eu mae: