Maꞈtehˬ 9:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Tsawrhaq baqmaf deuq khoer-anr ya’mawr ngae, aqyawfmaf zanqler-awr, tsawrhaqzaq-anr khoerlof-aer ghae-eu aryaq bif-euq Miqyaer-anr ciqhuiq ciqmanr-eu mae.

Akha

⁸ Tsawˇ haˬ aˇ maꞈ kʼoeˇ deuˬ kʼoeˇ gaˇ ya mawˇ ngeh, guˆ-iˇ-awˇ, tsawˇ haˬ zaˬ-ahˇ kʼoeˇ naˆ ni gʼeh-eu baoˬ biꞈ-euˬ Miˬyehˇ-ahˇ ja ceuˬ-euˬ meh.

Maꞈtehˬ 9:8 Referans Kwoze

Luˇkaꞈ 7:16

Tsawrhaq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Aqdui-euq lafkhoer, Miqyaer gharduq ngaeqdan-eu yawhuiq ghaq dovlar-euq ngar-a.” Khoeruqtaf, “Miqyaer, aqyawf-euq tsawrhaq-anr hawle-euq ngar-a” laer khawf aer-eu mae.

Maꞈtehˬ 15:31

Aqdzawq deuq dawq ngaeqnyalar, arsaer cawv-ir-euq deuq muiqlar, kuircawv deuq cannya lar-euq uqtaf, myavbaef deuq mawrnya lar-euq mae. Tsawrhaq armaf mafma deuq, heudeuq-anr ya’mawr ngae zanqler-awr, aqyawfmaf, Irsaqleqlav-euq Miqyaer-anr ciqhuiq ciqmanr-eu mae.

Gʼaˬkʼehˇ 4:21

Khoerngae, aqyawfmaf, tsawrhaq baqmaf-anr guv-eu lafkhoer, aqyawf nyaf-anr aqjox-aer khaeqnaeq-eu paq nga laer noeq maqdov-eu mirnae, aqyawf nyaf-anr guvtsiq yawkhav-aer parnyaef-awr pyaeqnaeq-euq mae. Aqjeq mirnae aernar-aq, khoergar pyeuflar-euq garkawv-euq baqda’nae, tsawrhaq dawqtawvluf Miqyaer-anr ciqhuiq ciqmanr luf-eu mae.

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”

Luˇkaꞈ 17:15

Aqyawf maf-euq lafkhoer-euq tiq ghaq, aqyawf taqler-euq gar ya’mawr ngae, ghofdmr dzaelar-awr, tersar yawkhav-aer Miqyaer-anr ciqhuiq ciqmanr-eu mae.

Maˬkuˆ 2:12

Khoerngae, tsawrhaq khoerghaq tsawqtur-awr, tiqpov taef-aer yufzar baf-awr, tsawrhaq khoerdeuq dawqtawv luf-euq maeqshi nae dov-ir-euq mae. Khoermirnae, tsawrhaq khoerdeuq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Nga’maf heulof-aer ghae-eu jeq tiqjawr-iq maq mawrhaw-aq siq.”

Gaˬlaˬtiˆ 1:24

Ngaq-euq baqda’nae aqyawfmaf, Miqyaer-anr jaceuq-eu mae.

Yoˇhaˬ 15:8

Nawmaf arsiq ghawqmya’ni siqle-eu baqda’nae, ngaqDa yawshaef khanqsaer za-awr, nawmaf khawf ngaq-euq zaqlanr pyeuflar taef-a.

Luˇkaꞈ 13:13

Yeqsur, aqyawf-euq khoertav aqlaf bafdav ngae, tiqpov taef-aer aqyawf-euq dartsuif mrdawrnya lar-awr, Miqyaer-anr ciqhuiq ciqmanr-eu mae.

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

Maˬkuˆ 7:37

Aqyawfmaf maq aernya paq-aer zanq duidui ler-awr aer-eu, “Aqyawf nae kharmr-euq yawqjeq navluf arnavni muiq-eu nga. Naqbawq deuq gaqnya lar-awr, aqdzawq deuq, dawq ngaeqnya lar-eu gar keuvni, aqyawf janrnya-eu nga.”

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Maꞈtehˬ 12:23

Tsawrhaq armaf mafma dawqtawvluf zanq duidui ler-awr aer-eu, “Tsawrhaq teughaq, Daqbir-euq Zaqyo maqngeur nga laq?”

Maꞈtehˬ 5:16

Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Maꞈtehˬ 9:7

Khoerngae, tsawrhaq khoerghaq tsawqtur-awr irkanr ghof-ir-euq mae.

Luˇkaꞈ 2:20

Mqtav ghaqkhaer nae aqyawf maf-anr ja’naeq-euq lof-aer, dawqtawvluf yagaq ya’mawr-euq mirnae, yawr bo-eu deuq Miqyaer-anr ciqhuiq ciqmanr-eu lafkhoer jaceuq jaceuq-aer ghof-ir-euq mae.

Luˇkaꞈ 17:18

Aqcawq tsawrjeuq tsawrca heughaq maqngeur nar-aq, ghofdmr dzaelar-awr, Miqyaer-anr jaceuq lar-eu tiqghaq-iq maqjawr-a laq?”

Luˇkaꞈ 18:43

Khoerngae, myavbaef khoerghaq tiqpov taef-aer mawrnya lar-awr, Miqyaer-anr jaceuq jaceuq-aer Yeqsur-euq maeqnan cantae ghae-euq mae. Tsawrhaq dawqtawvluf khoer-anr ya’mawr ngae, Miqyaer-anr jaceuq-eu mae.

2 Gawˇliˬtu 9:13

Nawmaf, Kali-euq guiqlanq dawq-euq uqmov jawr-eu ma laer sarkir kamq-awr, aqyawf maf-anr khawf, tsawrhaq dawqtawv luf-anr khawf, nuima jerloni bifnaeq-eu guiqlanq-euq gar heu-anr aqcawq ya’mawr-awr, Miqyaer-anr ciqhuiq ciqmanr taef-a.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.