Maꞈtehˬ 9:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, Yeqsur nanrghof ghofhaw-awr, zaqmiq aqbur khoerghaq-anr hawmawr-awr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae.” Khoerngae yamq-anr nae, zaqmiq aqbur khoerghaq taqler-euq mae.

Akha

²² Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Maꞈtehˬ 9:22 Referans Kwoze

Luˇkaꞈ 7:50

Khoernar-aq, Yeqsur, zaqmiq aqbur khoerghaq-anr aernaeq-eu, “Nawr jan-eu jeq, nawq-anr bibuq-ir-euq mae. Nuisar of-eu lafkhoer ghof-ir-awq.”

Maꞈtehˬ 15:28

Yeqsur, aqyawf-anr aernaeq-eu, “Zaqmiq-or! Nawr-aq, jan-eu zawr-aer zif-eu tiq ghaq ngar-a. Nawr geufmawf-eu lof-aer nawq-euq gharduq pyeuflar-euq mae.” Khoerngae yamq-anr nae nar-aq, aqyawf-euq zaqmiq taqler-euq mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Luˇkaꞈ 18:42

Khoerngae, Yeqsur aer-eu, “Nawr mawrnya lar-awq. Nawr jan-eu jeq, nawq-anr bi taqler-euq mae.”

Luˇkaꞈ 17:19

Khoernar-aq, Yeqsur, aqyawf-anr aernaeq-eu, “Tur-awr ghof-ir-awq. Nawr jan-eu jeq, nawq-anr bi taqler-euq mae.”

Luˇkaꞈ 8:48

Khoerngae, Yeqsur, aqyawf-anr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae. Nuima sarlaevni ghof-ir-awq.”

Maˬkuˆ 10:52

Khoerngae, Yeqsur, aqyawf-anr aernaeq-eu, “Nawr ghof-ir-awq, nawr jan-eu jeq, nawq-anr bi taqler-euq mae.” Myavbaef khoerghaq tiqpov taef-aer mawrnya lar-awr, garma tiqcawq Yeqsur-euq maeqnan cantae ghae-euq mae.

Maˬkuˆ 5:34

Khoerngae, Yeqsur, aqyawf-anr aernaeq-eu, “Zaqmiq-or! Nawq-euq jan-eu jeq nae, nawq-anr bi taqler-euq mae. Nuima sarlaevni ghof-ir-awq. Nawq-euq shaqzanq nargawr taqler-euq mae.”

Maꞈtehˬ 9:29

Khoerngae, Yeqsur, aqyawf nyaf-euq myavnuiv-anr toeqciv-awr aer-eu, “Nawnyaf jan-eu lof-aer pyeuflar luf-ur.”

Gʼaˬkʼehˇ 16:18

Aqyawf khoerlof-aer ghawqmya nan janrkeuv laf-euq mirnae, Pawrluv daevlar taq-awr, narkhan paw ciqpyawr-awr naef khoermawr-anr aernaeq-eu, “Yeqsur Kali-euq tsawrmyanr-euq uqmov, ngar, nawq-anr dawq bif-eu ma. Aqyawf-anr nae dovle-awq.” Khoerngae, tiqpov taef-aer naef khoermawr dovle-euq mae.

Yoˇhaˬ 4:53

Aryamq khoeryamq-aq, “Nawqli maqshirni yadaef taef-a” laer Yeqsur, aqyawf-anr aernaeq-euq khoeryamq nyiq pav-aer tsaq ngar-a laer tsawrhuiq tsawrma khoerghaq-anr siqler-euq mae. Khoerngae, aqyawf hawr-eu aqyawf-euq miqsawrzaq dawqtawvluf, Yeqsur-anr janlar-euq mae.

HeˬByehˇ 4:2

Aqjeq mirnae aernar-aq, aqyawf maf-anr guiqlanqdawq maeqnaeq-euq lof-aer, aqdui-anr khawf maeqnaeq laf-euq mae. Aqyawfmaf dawq khoer-anr yagaq-euq khawf maqjan-eu mirnae, yagaq-euq dawq khoer gardanr maqtsoeq-a.

Gʼaˬkʼehˇ 14:9

Aqyawf, Pawrluv ngaeq-eu gar narhaq luf-eu mae. Pawrluv, aqyawf-anr hawtsov taq-awr, aqyawf taqlerni jan-eu nuima anr-eu nga laer hawsiq ngae,

Maꞈtehˬ 17:18

Yeqsur, naef khoermawr-anr daeq ngae, naef khoermawr, aqyawf-anr nae dovle-euq mae. Khoerngae yamq-anr nae nar-aq, aqli khoerghaq taqler-euq mae.

Maꞈtehˬ 8:13

Khoernar-aq, Yeqsur, yardzoeq guirhuq khoerghaq-anr aernaeq-eu, “Nawr ghof-ir-awq, nawr jan-eu lof-aer nawq-euq gharduq pyeuflar-euq mae.” Khoerngae, kuirlaf zaqkhav khoerghaq taqler-euq mae.