Maꞈtehˬ 8:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ aer-eu, “Sanqpaq-or! Ngaq-euq kuirlaf zaqkhav tiq ghaq kuirshir lafshir shir-awr, nar duidui-eu lafkhoer irkanr galuf-eu mae.”

Akha

⁶ “Sahˬ paˬ-oˇ, ngaˬ-euˬ zaˬ kʼaˆ naˇ dui dui-eu miˇ neh, maˬ luˆ maˬ laˆ nya ni iˇ kahˇ laꞈ kʼoeˇ yuꞈ luꞈ meh” lehˇ ehˇ nehˬ-euˬ meh.

Maꞈtehˬ 8:6 Referans Kwoze

Gawˇlawˇsehˇ 4:1

Yawsanr deuq-or! Yawqha-euq zaqkhav deuq-anr yawtsaq yawdawr dawr-aer janrnaeq-awq. Aqjeq mirnae aernar-aq, nawmaf khawf, mq-euq khoertav Yawsanr tiq ghaq jawr-eu mae laer siqnya-eu mae.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gʼaˬkʼehˇ 9:33

Khoergar, kuirshir lafshir shir-eu mirnae, yaef khof byanni yufzar-anr taef-aer galaf-euq Aerneq laer kur-eu tiq ghaq-anr ya’mawr-euq mae.

Piˇleˇmoˬ 1:16

Nymq-mr-aq, aqyawf zaqkhav maqpar ngeur-aer, zaqkhav taf-aer gordzaeq-eu aqdui zawr gaq-eu maernmr pyeuflar-euq mae. Ngaq-euq gharduq-aq, aqdir khoerlof-aer pyeuf mir-a. Nawq-euq gharduq ngeurdzaeq, shiqshaq paw hawr-eu Sanqpaq Yeqsur-euq lafkhoer, zawr gaq-eu maernmr par pyeufdzaeq taef-a.

1 Tiˆmoˇseˬ 6:2

Kalizaq pyeuf-eu yawsanr deuq-euq zaqkhav geufluf-eu deuq-aq, yawqha-euq yawsanr ghaq-euq aqyuif aqnyir pyeuflar-euq mirnae, yawqha-euq yawsanr ghaq-anr yaeqbawq saerlu-aer maqya ghae-a. Aqyawf maf-euq gharduq ngeurdzaeq laejae-awr gar mrnaeq paq-aer ghae-eu mae. Aqjeq mirnae aernar-aq, aqyawfmaf khoerlof-aer mr ngae, gaq-eu aqyuif aqnyir deuq hawr-eu jan-eu tsawrhaq deuq guiqlanq za-eu mae. Nawr, garkawv heudeuq maeqnaeq tsovnaeq-awr ghaq bif-awq.

Gʼaˬkʼehˇ 10:7

Aqyawf-anr ngaeqcawq le-euq mqtav ghaqkhaer khoerghaq ghofdov-ir dzeur ngae, Gorneqlir, aqyawf-euq nymrkhanq-euq kuirlaf zaqkhav nyiq ghaq hawr-eu, aqmyanluf aqyawf-euq myawqkhaer ghov-eu laer lofluf-eu tsawrhaq deuq-euq lafkhoer nae, Miqyaer-anr guv-eu guirzaq tiq ghaq-anr kurlaf-euq mae.

Gʼaˬkʼehˇ 8:7

Aqjeq mirnae aernar-aq, tsawrhaq ghawqmya ghaq-euq lafkhoer ur-eu naef yawjawf deuq, tersar yawkhav-aer gurgur-aer dovle-euq mae. Kuirshir lafshir shir-eu hawr-eu kuircawv ghawqmya ghaq khawf taqler-euq mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Maꞈtehˬ 8:7

Khoerngae, Yeqsur, aqyawf-anr aernaeq-eu, “Ngar, aqyawf-anr lavtaq naeqle ma.”