Maꞈtehˬ 8:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yeqsur, aqyawf-anr aernaeq-eu, “Nawr, tiqghaq-anr-iq taq ja’naeq de-eq. Pirma jawr-eu gar le-awr, nawq-euq mawrdo-anr bi tsermr hawler-awq. Khoeruqtaf, nawr taqler-euq gar aqcawq yasiqni, Morseq nae dawq biftaq-euq lof-aer lawrnaeq-eu jeq lawrler-awq.”

Akha

⁴ Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maꞈtehˬ 8:4 Referans Kwoze

Luˇkaꞈ 17:14

Yeqsur, aqyawf maf-anr ya’mawr ngae aernaeq-eu, “Nawmaf-euq mawrdo-anr pirma nae bihaw-ir-awq.” Aqyawfmaf leluf ngae shawrlar-euq mae.

Luˇkaꞈ 5:14

Khoerngae, Yeqsur, aqyawf-anr tiqghaq-anr-iq taq ja’naeq de-eq laer dawq bif-awr aer-eu, “Le-awr nawq-euq mawrdo pirma nae bi hawler-awr, nawr shawrlar-euq nga laer aqyawfmaf yasiqni Morseq nae dawq biftaq-euq lof-aer lawrnaeq-eu jeq lawrler-awq.”

Maˬkuˆ 7:36

Khoernar-aq, garkawv heu tiqghaq-anr-iq maqya ja’naeqni, Yeqsur, aqyawf maf-anr dawq bif-euq mae. Aerkhawf, aqyawf, dawq ngaeq-aer bif nar-aq, aqyawfmaf ngaeq-aer jabyan ghae-euq mae.

Maꞈtehˬ 9:30

Khoerngae, aqyawf nyaf-euq myavnuiv mawrnya lar-euq mae. Yeqsur, aqyawf nyaf-anr dawq yawkhav-aer bif-eu, “Nawnyaf yanr-awr, garkawv heu tiqghaq-anr-iq taqbi siqnya de-eq.”

Maˬkuˆ 6:11

Aqgeugar jawr-eu tsawrhaq maqaer, nawmaf-anr maqha-aer, nawmaf-euq dawq maq narhaq nar-aq, nawmaf khoergar nae dov-ir ngae, aqyawf maf-euq yawlaeq bi dovlar-eu sarkir pyeufni, nawmaf-euq aqkuir paeqzaq-euq uqmov-euq khaqlaer byuqkhar yaf-awq. Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav navmaqtser yadaq taef-a.”

Maˬkuˆ 5:43

Garkawv heu tiqghaq-anr-iq maqya bisiqni, Yeqsur, aqyawf maf-anr dawq yawkhav-aer bif-awr, aqyawf-anr tiqjeqpaq bidzaqni khawf dawq bif-euq mae.

Maꞈtehˬ 17:9

Aqyawfmaf, gawqjawq-anr nae zafkale ngae, Yeqsur, aqyawf maf-anr dawq bif-eu, “Tsawrhaq-euq Zaqyo shir-awr maq ghofdaef lar-euq khoer-aq, nawmaf nae ya’mawr-euq jeq tiqghaq-anr-iq taq ja’naeq de-eq.”

Maꞈtehˬ 10:18

Khoeruqtaf, ngaq-euq baqda’nae aqcawq, nawmaf-anr meuqsanr deuq hawr-eu sanqpaq deuq-euq maeqshi sheuqghae taef-a. Nawmaf, ngaq-euq gharduq aqyawf maf-euq maeqshi hawr-eu aqcawq tsawrjeuq tsawrca-euq maeqshi sarkir yakamq taef-a.

Maꞈtehˬ 6:1

“Nawmaf bifnaeq gamfnaeq ngae, tsawrhaq bimawr-eu laer dirdaq-aer aqcawq-euq maeqshi mr-eu jeq maqbi pyeufni yanr-awq. Khoerlof-aer mr nar-aq, mq-euq khoertav jawr-eu nawmaf-euq Aqda-euq mrpoeq lafsawq maqza-a.

Maꞈtehˬ 5:17

“Ngar, zanrdawq hawr-eu Miqyaer gharduq ngaeqdan-eu deuq-euq dawq-anr lavcawv le-euq nga laer taqnoeq. Ngar lavcawv le-euq maqngeur, mrbyan le-euq ma.

Yoˇhaˬ 8:50

Ngar, ngaq-euq yawshaef khanqsaer za’ni maqpov. Aerkhawf, ngar yawshaef khanqsaer za’ni sharpov-awr yarkhaq dar-eu tiq ghaq jawr-eu mae.

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Yoˇhaˬ 5:41

“Ngar-aq, tsawrhaqzaq nae taqhuiq taqmanr-euq jeq-anr maq hageuf.

Luˇkaꞈ 21:13

Aerkhawf, khoerlof-aer pyeuflar-eu-aq, nawmaf-euq gharduq sarkir kamq-eu aryamq pyeuf-eu mae.

Maˬkuˆ 8:30

Khoernar-aq, Yeqsur, aqyawf maf-anr aqyawf-euq garkawv tiqghaq-anr-iq taq ja’naeq de-eq laer dawq yawkhav-aer bif-euq mae.

Maꞈtehˬ 16:20

Khoerngae, Yeqsur-aq, Kali mae laer tiqghaq-anr-iq maqbi ja’naeq-eu gharduq, Yeqsur, aqyawf-euq zaqlanr deuq-anr dawq bif-euq mae.

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Maˬkuˆ 3:12

Aerkhawf, aqyawf, aqsur ghaq pyeuf-eu la laer taqbi siq de-eq laer Yeqsur, aqyawf maf-anr dawq yawkhav-aer bif-euq mae.

Maˬkuˆ 9:9

Khoernar-aq, gawqjawq-anr nae zafkale ngae, Tsawrhaq-euq Zaqyo shir-awr maq ghofdaef lar-euq khoer-aq, nawmaf nae ya’mawr-euq garkawv aqcawq-anr taq ja’naeq de-eq laer Yeqsur, aqyawf maf-anr dawq bif-euq mae.

Luˇkaꞈ 4:41

“Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Luˇkaꞈ 8:56

Aqyawf-euq aqma aqda zanq duidui ler-euq mae. Garkawv heu tiqghaq-anr-iq taq ja’naeq laer Yeqsur, aqnyaf dzerzaq-anr dawq bif-euq mae.

Luˇkaꞈ 9:21

Khoerngae, garkawv heu tiqghaq-anr-iq maqya ja’naeqni, Yeqsur, aqyawf maf-anr dawqkhav bif-euq mae.