Maꞈtehˬ 8:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Yeqsur, naef khoerdeuq-anr, “Ir-awq” laer aernaeq ngae, naef khoerdeuq dov-ir-awr, aqzaf khoermaf-euq lafkhoer ur-ir-euq mae. Khoerngae, tiqpov taef-aer aqzaf khoermaf maflanni, baqghashaq-anr nae lan-anr saerka ghae-awr, ircuf-euq lafkhoer gapufsaef jir-euq mae.

Akha

³² “Doˆ-iˇ-awˬ” lehˇ, nehꞈ kʼoeˇ deuˬ-ahˇ Yeˬsuˇ dawˬ biꞈ ngeh, nehꞈ kʼoeˇ deuˬ doˆ-iˇ-awˇ, aˬ zaꞈ kʼoeˇ maꞈ laꞈ kʼoeˇ uˇ-iˇ-euˬ meh. Aˬ zaꞈ kʼoeˇ maꞈ maꞈ lah-ehˇ, baˬ gʼa yaw shaˬ paw coeˬ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Maꞈtehˬ 8:32 Referans Kwoze

Maˬkuˆ 5:13

Yeqsur, aqyawf maf-anr pyaeq-awr bidov-ir-euq naeq-aer, naef yawjawf khoerdeuq, aqzaf-euq lafkhoer urler-euq mae. Khoerngae, aqzaf khoermaf baqghashaq-anr nae lan-anr caevka ghae-awr, lan-anr gapufsaef jir-euq mae. Aqzaf khoerdeuq-aq 2,000 mawr aerghaqni byan-eu mae.

Panmaeq 20:7

Khoernar-aq, 1,000 khof byanlar ngae, naef Saqdaq kuv-anr nae pyaeqdovnaeq taef-a.

Gʼaˬkʼehˇ 4:28

Aqyawf maf-aq, nawr nuima tsaq-eu lof-aer nawq-euq aqlaf nae mr ma laer noeqtaq-euq lof-aer pyeuflarni mr-eu gharduq mae.

Gʼaˬkʼehˇ 2:23

Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Luˇkaꞈ 8:33

Khoernar-aq, naef khoerdeuq, tsawrhaq khoerghaq-euq lafkhoer nae dovle-awr, aqzaf-euq lafkhoer ur-ir-euq mae. Khoerngae, aqzaf khoermaf baqghashaq-anr saerka ghae-awr, lan-anr gapufsaef jir-euq mae.

Maꞈtehˬ 8:31

Naef khoerdeuq, Yeqsur-anr sharshar-aer aer-eu, “Nga’maf-anr taedov ma laer ngeur nar-aq, nga’maf-anr bidov-ir-awr, aqzaf teumaf-euq lafkhoer biur-ir naeqlaf-awq.”

Maꞈtehˬ 8:33

Aqzaf bo-eu deuq, meuq-euq lafkhoer caevghof ghae-awr, khar pyeuflar-euq yawqjeq navluf hawr-eu naef ur-eu khoer nyiq ghaq-euq garkawv dzawr-ir-euq mae.