Maꞈtehˬ 8:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Khoerngae, Yeqsur, aqyawf maf-anr aernaeq-eu, “Jan-eu ghaq baq-eu tsawrhaq-or! Nawmaf aqjeq mirnae guv-eu le?” Khoernar-aq, aqyawf tur-awr, jaqlaer hawr-eu iqmalavshav-anr daeq ngae, jaqlaer hawr-eu iqmalavshav ciqcur savni pyeuf-ir-euq mae.

Akha

²⁶ Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Maꞈtehˬ 8:26 Referans Kwoze

Jaceuq 65:7

Nawr, iqmalavshav ircuf manr-eu tersar, irluv dzae-eu tersar hawr-eu, Tsawrhaqzaq luiqgha-eu tersar-anr ciqcurni bi naqler nya-eu mae.

Jaceuq 89:9

Nawr, tsawqpuq tsawqpar lar-eu iqmalavshav-anr uvlanr-awr, Irluv dzae-eu tanqdavlaf ngae, nawr ciqcurni bighae-ir nya-eu mae.

Maꞈtehˬ 6:30

Jan-eu ghaq baq-eu tsawrhaq deuq-or! Iqnan daefluf-eu khawf, nishawq nan miqdzaq-anr bi jaevpuiv-eu yarmof-anr Miqyaer teunavni bidm bighaq-eu ngeur nar-aq, nawmaf-anr khoernav maqtser maqbi dm maqbi ghaq naeqlaf-ar lor?

Lormav 4:20

Miqyaer nae aernaeq-euq sarjax-anr noeqtsov taq-awr, maqjan-aer nuima povpov lavlav-aer maqghae-eu uqtaf, jan-eu paw ghaq khavlar-awr, Miqyaer-anr ciqhuiq ciqmanr-euq mae.

Maꞈtehˬ 16:8

Yeqsur garkawv khoer-anr siqnya-awr heulof-aer aernaeq-euq mae: “Jan-eu ghaq baq-eu tsawrhaq deuq-or! Aqjeq mirnae kaqmur maq yurlef-euq garkawv nawmaf-euq yawkaq jaluf-eu le?

Panmaeq 10:2

Aqyawf-euq aqlaf-euq lafkhoer pantaq-euq sanqbof yawnyir tiq yov anr-eu mae. Aqyawf-euq armar kuir-aq, iqmalavshav-anr nawqtaeq taq-awr, arcar kuir-aq, mirtsaq-anr nawqtaeq taq-euq mae.

Maꞈtehˬ 8:27

Khoermirnae, tsawrhaq khoerdeuq zanq duidui ler-awr aer-eu, “Tsawrhaq heughaq aqsur ghaq nga? Jaqlaer hawr-eu lan khawf aqyawf-euq dawq narhaq-eu nga.”

Maꞈtehˬ 17:20

Khoerngae, Yeqsur, aqyawf maf-anr heulof-aer aernaeq-euq mae: “Nawmaf jan-eu ghaq maqkhav-eu mirnae mae. Ngar, nawmaf-anr aqdirma-aer aernaeq nyar, nawmaf jan-eu jeq ghawqpaf arnuiv huini anr nar-aq, ‘Nawr heugar nae khoerpaw jiv-ir-awq’ laer gawqjawq heujawq-anr aernaeq ngae jiv-ir taef-a. Khoeruqtaf, nawmaf maq janrnya-eu tiqjeq-iq maqjav-ar.

Luˇkaꞈ 4:35

Khoerngae, Yeqsur, aqyawf-anr, “Aqcircu, teughaq-euq lafkhoer nae dovle-awq” laer daeqnaeq ngae, naef khoermawr tsawrhaq khoerghaq-anr tsawrhaq armaf mafma-euq ghanrcae biqanr ghae-awr, aqyawf-anr maq lavtanq maq lavnar naeqni dovle-euq mae.