Maꞈtehˬ 8:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqyawf khoerlof-aer janr-eu-aq, Miqyaer gharduq ngaeqdan-eu Irsaqyar nae aertaq-euq dawq heudawq byanlar-euq mae, “Aqyawf, aqyawf-euq mawrdo nae aqdui-euq nargawr deuq-anr yurdzae-awr, aqdui nar-awr gawr-eu jeq pidzae-euq mae.” (Isy 53:4)

Akha

¹⁷ Aˬ yawꞈ kʼoeˇ loꞈ-ehˇ mˇ-euˬ-aˬ,“Aˬ dui jawˇ saˇ maˬ doˆ-eu jeˬ-ahˇ aˬ yawꞈ yuˇ dzeh-awˇ, aˬ dui-euˬ naˇ gawˇ-ahˇ aˬ yawꞈ pi dzeh-euˬ meh” lehˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Maꞈtehˬ 8:17 Referans Kwoze

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

Maꞈtehˬ 1:22

Heudeuq dawqtawvluf pyeuflar-euq-aq, Sanqpaq Miqyaer, aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlar-euq mae:

Maꞈtehˬ 2:23

Naqzaqlaer laer kur-eu meuq tiq meuq-anr lekeuv-awr, khoergar jawr-euq mae. Khoer-aq, Miqyaer gharduq ngaeqdan-eu tsawrhaq nae aertaq-euq dawq heudawq byanlar-euq mae, “Aqyawf-anr Naqzaqlaer tsawrhaq laer kur taef-a.”

Maꞈtehˬ 2:15

Heqlor shir ngae keuvni, khoergar jawr-euq mae. Garkawv heu-aq, Sanqpaq Miqyaer nae aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlarni pyeuflar-euq mae, “Ngar, ngaq-euq zaqyo-anr Irjirtuv-anr nae kurdov laf-euq ma.” (Hs 11:1)

Maˬkuˆ 1:32

Nanrma ga’anr-awr, uqcif cifleluf ngae, aqcawq nar-awr gawr-eu tsawrhaq dawqtawvluf hawr-eu naef ur-eu tsawrhaq, Yeqsur jawr-eu gar sheuqlaf-euq mae.

Luˇkaꞈ 4:40

Nanrma ga’anr-ir luf ngae, aqgeu jeq-euq nargawr baqda’nae pyaqluf-eu maqkaq, dawqtawv luf-anr Yeqsur jawr-eu gar sheuqlaf-euq mae. Yeqsur, aqyawfmaf yawqghaq navluf-euq khoertav aqlaf bafdav-awr, aqyawf maf-anr lavtaq naeq-euq mae.

2 Gawˇliˬtu 12:10

Khoermirnae, ngar, Kali-euq gharduq laqkhaq caertavni, ghaq baq-eu, yaeqbawq-aer aerlar-eu, nym-awr ju-eu, khaeq-awr khav-eu, nuima shaqzanq mr-eu, heudeuq-anr daq-eu ma. Aqjeq mirnae aernar-aq, ngar ghaqbaqbaq ngae, ngar ghaq khav-eu ma.