Maꞈtehˬ 8:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Mq cifle ngae, aqcawq, Yeqsur jawr-eu gar naef ur-eu tsawrhaq ghawqmya ni-anr sheuqlaf-euq mae. Aqyawf dawq tiq dawq nae taef-aer, naef khoerdeuq-anr taedov jir-euq mae. Khoeruqtaf, nar-eu tsawrhaq dawqtawv luf-anr khawf bi taqler-euq mae.

Akha

¹⁶ Kʼoeˇ ngeh nah uˬ ciꞈ ciꞈ le ngeh, nehꞈ uˇ-eu tsawˇ haˬ gʼawˬ mya ni Yeˬsuˇ jawˇ gaˇ sheuˬ laꞈ-euˬ meh. Aˬ yawꞈ dawˬ tehꞈ-ehˇ ngehˬ-awˇ, nehꞈ kʼoeˇ deuˬ-ahˇ teh doˆ nehˬ jiˇ-euˬ meh. Naˇ-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ laˆ taˬ nehˬ-euˬ meh.

Maꞈtehˬ 8:16 Referans Kwoze

Luˇkaꞈ 4:40

Nanrma ga’anr-ir luf ngae, aqgeu jeq-euq nargawr baqda’nae pyaqluf-eu maqkaq, dawqtawv luf-anr Yeqsur jawr-eu gar sheuqlaf-euq mae. Yeqsur, aqyawfmaf yawqghaq navluf-euq khoertav aqlaf bafdav-awr, aqyawf maf-anr lavtaq naeq-euq mae.

Maꞈtehˬ 14:14

Yeqsur, lawq-anr nae dovlar ngae, tsawrhaq armaf mafma-anr ya’mawr-awr, aqyawf maf-anr ghawqshaq gaq-awr nae, aqyawf maf-euq lafkhoer nar-awr gawr-eu tsawrhaq deuq-anr lavtaq naeq-euq mae.

Gʼaˬkʼehˇ 5:15

Khoeruqtaf, Beqtuvluv cantsaev ngae, aqyawf-euq arbar narshmr taef-aer khawf, nar-awr gawr-eu tsawrhaq-anr bi barshmrni, aqyawf maf-anr garma-anr bafdov lef-awr, yufzar-anr maqngeur nar-aq, parsiq-anr bi yuftaq-euq mae.

Maˬkuˆ 5:8

Aqjeq mirnae aernar-aq, Yeqsur, aqyawf-anr heulof-aer aernaeq-euq mae, “Naef yawjawf-or! Aqyawf-euq lafkhoer nae dovle-awq.”

Maꞈtehˬ 12:22

Khoerngae, naef ur-awr dawq maq ngaeqnya-aer, myavbaef khawf baef-eu tiq ghaq-anr, aqcawq, Yeqsur jawr-eu gar sheuqlaf-euq mae. Yeqsur, khoerghaq-anr lavtaqnaeq ngae, dawq ngaeqnya lar-awr, myavnuiv khawf mawrnya lar-euq mae.

Maˬkuˆ 2:3

Khoerngae, tsawrhaq oeq ghaq kuirshir lafshir shir-eu tiq ghaq-anr baf-awr lar-euq mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Maˬkuˆ 9:25

Tsawrhaq armaf mafma, aqyawf jawr-eu gar caevlaf luf-eu gar Yeqsur ya’mawr ngae, naef yawjawf khoermawr-anr daeqdaeq-aer aernaeq-eu, “Aqdzawq bidzawq-ir-awr, naqbawq bibawq-ir-eu naef-or! Heughaq-euq lafkhoer nae dovle-awq. Aqkar nar-aq, tiqjawr-iq taqpar urler laer ngar, nawq-anr dawq bif-eu ma.”

Maꞈtehˬ 8:33

Aqzaf bo-eu deuq, meuq-euq lafkhoer caevghof ghae-awr, khar pyeuflar-euq yawqjeq navluf hawr-eu naef ur-eu khoer nyiq ghaq-euq garkawv dzawr-ir-euq mae.

Maꞈtehˬ 8:15

Yeqsur, aqyawf-euq aqlaf-anr toeqciv ngae, pyaq-eu khoer lawq-ir-euq mae. Khoernar-aq, aqyawf tsawqtur-awr, Yeqsur-anr hawqbyawr lavdawv naeq-euq mae.

Luˇkaꞈ 4:41

“Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Luˇkaꞈ 13:12

Yeqsur, aqyawf-anr ya’mawr ngae, kurlaf-awr aernaeq-eu, “Zaqmiq-or! Nawq-euq nargawr-anr nae puirpyaeq naeq-euq ma.”