Maꞈtehˬ 8:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoernar-aq, Yeqsur, yardzoeq guirhuq khoerghaq-anr aernaeq-eu, “Nawr ghof-ir-awq, nawr jan-eu lof-aer nawq-euq gharduq pyeuflar-euq mae.” Khoerngae, kuirlaf zaqkhav khoerghaq taqler-euq mae.

Akha

¹³ Kʼoeˇ naˇ, yaw huiˬ yaw mahˇ kʼoeˇ gʼaˬ-ahˇ, “Gʼoꞈ-iˇ-awˬ. Nawˬ neh kʼaˇ jah-euˬ jeˬ keuˆ le luꞈ-uˇ” lehˇ, Yeˬsuˇ ehˇ nehˬ-euˬ meh. Kʼoeˇ ngeh, zaˬ kʼaˆ kʼoeˇ gʼaˬ tiˬ poˆ tehꞈ-ehˇ jawˇ saˇ doˆ laˇ-euˬ meh.

Maꞈtehˬ 8:13 Referans Kwoze

Yoˇhaˬ 4:50

Yeqsur, aqyawf-anr aernaeq-eu, “Nawr ghof-ir-awq, nawqli maqshirni yadaef taef-a.” Khoerngae, tsawrhuiq tsawrma khoerghaq, Yeqsur nae aqyawf-anr aernaeq-euq dawq-anr jan-awr ghof-ir-euq mae.

Maˬkuˆ 9:23

Yeqsur, aqyawf-anr aernaeq-eu, “Nawr jannya nar-aq, jan-eu tsawrhaq-euq gharduq-aq, yawqjeq navluf pyeuflar nya-eu mae.”

Maꞈtehˬ 17:20

Khoerngae, Yeqsur, aqyawf maf-anr heulof-aer aernaeq-euq mae: “Nawmaf jan-eu ghaq maqkhav-eu mirnae mae. Ngar, nawmaf-anr aqdirma-aer aernaeq nyar, nawmaf jan-eu jeq ghawqpaf arnuiv huini anr nar-aq, ‘Nawr heugar nae khoerpaw jiv-ir-awq’ laer gawqjawq heujawq-anr aernaeq ngae jiv-ir taef-a. Khoeruqtaf, nawmaf maq janrnya-eu tiqjeq-iq maqjav-ar.

Maꞈtehˬ 15:28

Yeqsur, aqyawf-anr aernaeq-eu, “Zaqmiq-or! Nawr-aq, jan-eu zawr-aer zif-eu tiq ghaq ngar-a. Nawr geufmawf-eu lof-aer nawq-euq gharduq pyeuflar-euq mae.” Khoerngae yamq-anr nae nar-aq, aqyawf-euq zaqmiq taqler-euq mae.

Maꞈtehˬ 9:22

Khoerngae, Yeqsur nanrghof ghofhaw-awr, zaqmiq aqbur khoerghaq-anr hawmawr-awr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae.” Khoerngae yamq-anr nae, zaqmiq aqbur khoerghaq taqler-euq mae.

Maꞈtehˬ 8:4

Yeqsur, aqyawf-anr aernaeq-eu, “Nawr, tiqghaq-anr-iq taq ja’naeq de-eq. Pirma jawr-eu gar le-awr, nawq-euq mawrdo-anr bi tsermr hawler-awq. Khoeruqtaf, nawr taqler-euq gar aqcawq yasiqni, Morseq nae dawq biftaq-euq lof-aer lawrnaeq-eu jeq lawrler-awq.”

Maˬkuˆ 7:29

Khoerngae, Yeqsur, aqyawf-anr aernaeq-eu, “Nawq-euq dawq teudawq-euq baqda’nae, nawr ghof-ir-awq, nawqbur-anr ur-eu naef dov-ir dzeur-euq mae.”