Maꞈtehˬ 8:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aerkhawf, Irsaqleqlav mirkhanq-euq zaqdeuq-aq, lafnyir paw zanrtsuini ghae-eu gar bi taedzae taq-awr, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Akha

¹² Ehˇ kʼawꞈ, miˇ kʼahˬ kʼoeˇ kʼahˬ-ahˇ ya jawˇ leˇ ma lehˇ noeˬ-euˬ tsawˇ haˬ deuˬ-aˬ, zahˇ tsui ni gʼeh-eu gʼoˆ baˬ laꞈ nyiˇ miˇ kʼahˬ-ahˇ bi biˬ ahˇ tehꞈ-a. Kʼoeˇ gaˇ jawˇ-eu tsawˇ haˬ deuˬ ngoeˇ ngoeˇ-ehˇ, shaˬ zahˬ mˇ-eu seuˬ teuꞈ dui dui tehꞈ-a.”

Maꞈtehˬ 8:12 Referans Kwoze

Maꞈtehˬ 25:30

Gardanr maqtsoeq-eu kuirlaf zaqkhav teughaq-anr lafnyir paw zanrtsuini ghae-eu gar gheudzae-ir-awq. Aqyawf khoergar jawr-awr, noeqshaq duidui-eu lafkhoer ngoerngoer-aer seuq yateuf taef-a.’

Luˇkaꞈ 13:28

Aqbyaqhaq, Irtsav, Yaqkov hawr-eu Miqyaer gharduq ngaeqdan-eu tsawrhaq dawqtawvluf, Miqyaer uvlanr-eu jeq-euq lafkhoer jawrluf-eu gar nawmaf ya’mawr taef-a. Aerkhawf, nawmaf-anr-aq, lafnyir paw taedzae naeqlaf taef-a. Nawmaf khoergar jawr-awr, ngoer-awr seuq yateuf taef-a.

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 13:50

yawcawv jeq mr-eu tsawrhaq-anr-aq, miqdzaq tsawqbym-anr biqanr taef-a. Aqyawfmaf, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Maꞈtehˬ 13:42

Khoernar-aq, aqyawf maf-anr miqdzaq tsawqbym-anr biqanr taef-a. Khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Maꞈtehˬ 24:51

Khoernar-aq, aqyawf-anr nyiq tsaev coertsaev-awr, yawmuiq janrgeuf-eu tsawrhaq-anr lof-aer shaqbymr bi’of taef-a. Aqyawf khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.

2 Beˬtuˆluˆ 2:17

Tsawrhaq heudeuq-aq, ircuf maqdanq-eu landuq lof-aer dur-awr, jaqlaer laerma nae bi bawghae-euq mqdmr lof-aer dur-eu mae. Aqyawf maf-euq gharduq, li-eu maqbawni zanr-awr, zanrtsuini ghae-eu jawrduq laeqhmq taq-euq mae.

2 Beˬtuˆluˆ 2:4

Iqbax mr-euq mqtav ghaqkhaer deuq-anr khawf Miqyaer maq taqnaeq-aer, aqyawf maf-anr yarkhaq dar-eu gharduq, shiqbuir lanma-anr taeka ghae-awr, zanrtsuini ghae-eu lafkhoer, aqyawf maf-anr shmrcav nae paftaq-euq mae.

Lormav 9:4

Aqyawf maf-aq, Irsaqleqlav tsawrhaq mae. Miqyaer-euq zaq pyeuflar-awr, yawshaef khanqsaer hawr-eu dawqma sarjax za-euq uqtaf, zanrdawq bifnaeq-awr, uqduq tanq-eu zanr hawr-eu sarjax za-euq mae.

Gʼaˬkʼehˇ 3:25

Nawmaf-aq, Miqyaer gharduq ngaeqdan-eu deuq-euq zaqdeuq pyeuf-awr, Miqyaer nae aqdui-euq aqpoeq deuq-anr aernaeq-euq dawqma sarjax-euq zaqdeuq khawf pyeuf-eu mae. Miqyaer, Aqbyaqhaq-anr aernaeq-euq, ‘Mirtsaq-euq khoertav-euq tsawrjeuq tsawrca dawqtawvluf, nawq-euq aryoeq-euq baqda’nae guiqlanq za taef-a.’ (Adb 22:18; 26:4)

Maꞈtehˬ 13:38

Daeyar-aq, mirtsaq heusiq-anr aer-awr, siqyoeq yawmuiq khoer-aq, Miqyaer uvlanr-eu jeq-euq lafkhoer jawr-eu tsawrhaq deuq-anr aer-eu mae. Aerkhawf, shmrma-aq, yawcawv ghaq-euq zaqdeuq-anr aer-eu mae.

Jaceuq 112:10

Tsawrcawv deuq heu-anr ya’mawr ngae, nuima cawv-awr; Yawqha-euq seuq-anr yawqha teufteuf-aer guirbyovghae taef-a. Tsawrcawv geufmawf-eu jeq-aq, yabyov-ir taef-a.

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.