Maꞈtehˬ 8:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngar, nawmaf-anr par aernaeq nyar. Nanrma dovkhaeq, gakhaeq paw jawr-eu tsawrhaq ghawqmya’ni lar-awr, mqtav mirkhanq-euq lafkhoer, Aqbyaqhaq, Irtsav hawr-eu Yaqkov naeq-aer hawqjawq ya jawqtaf taef-a.

Akha

¹¹ Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Maꞈtehˬ 8:11 Referans Kwoze

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Luˇkaꞈ 12:37

Yawsanr ghaq ghoflar ngae, yawbeur beur-aer lofluf-eu kuirlaf zaqkhav deuq-aq, guiqlanqhuiq taef-a. Ngar, nawmaf-anr aqdirma-aer aernaeq nyar, yawsanr ghaq jofpaf paf-awr, kuirlaf zaqkhav deuq-anr hawqjawq bijawq-awr, aqyawf hawqbyawr lavdawvnaeq taef-a.

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 10:45

Aqcawq tsawrjeuq tsawrca-euq khoertav khawf, Miqyaer, Yawshawr Saflar-euq lafsawq shaevdav naeq-euq mirnae, Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq ya’mawr ngae zanqler-euq mae.

Maꞈtehˬ 24:31

Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Panmaeq 7:6

Aqsaq-euq arjeuq arca, jmq diqtaq-euq 12,000 ghaq byan-eu mae. Naqtaqlir-euq arjeuq arca, jmq diqtaq-euq 12,000 ghaq byan-eu mae. Maqnaqseq-euq arjeuq arca, jmq diqtaq-euq 12,000 ghaq byan-eu mae.

2 Teˇsaˬloˇni 1:5

Khoerdeuq dawqtawv luf-euq lafkhoer, Miqyaer-aq, dawrcoeni yarkhaq dar-eu nga laer byacaevni dovlar taef-a. Khoermirnae, nawmaf, Miqyaer uvlanr-eu jeq-anr geux-eu nga laer sawxnya’ni, Miqyaer uvlanr-eu jeq-euq gharduq nawmaf ya daqluf-eu mae.

1 Gawˇliˬtu 15:20

Aerkhawf, Kali-aq, shir-euq gar nae ghofdaef lar-awr, yufkhav dzeur-euq tsawrhaq-euq lafkhoer nae siqbae baele-euq arsiq pyeuf-eu mae.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Luˇkaꞈ 16:22

“Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Jaceuq 98:3

Aqyawf, Irsaqleqlav-euq nymrkhanq-euq gharduq, Aqyawf-euq ghawqshaq gaq-eu jeq hawr-eu, Sarjax zif-eu jeq noeqkeuv naeq-euq mae. Mqdzer mirdzer dawqtawvluf, aqdui-euq Miqyaer-euq kakhof-eu jeq ya’mawr-euq mae.

Jaceuq 22:27

Mirtsaq-euq mirdzer yawqdzer navluf, Ya’we Miqyaer-anr noeqkeuv lar-awr, aqyawf jawr-eu paw ghofkhoflar taef-a. Mirkhanq-euq tsawrjeuq-euq zawfjir dawqtawvluf khawf, nawq-euq maeqshi uqduq tanqlar taef-a.

Maꞈtehˬ 8:10

Yeqsur khoerlof-aer aer-eu gar yagaq ngae, zanq duidui ler-awr aqyawf-euq maeqnan cantae luf-eu deuq-anr heulof-aer aernaeq-euq mae: “Ngar, nawmaf-anr aqdirma-aer aernaeq nyar, Irsaqleqlav tsawrhaq-euq lafkhoer, ngar heunav nav-aer jan-eu tsawrhaq maq mawrhaw-aq.

Maꞈtehˬ 21:41

Aqyawfmaf, Yeqsur-anr aerkhof-eu, “Aqyawf, tsawrcawv khoerdeuq-anr yawkhav-aer janrnaeq taef-a. Khoernar-aq, aqyawf, aryamq tsaq ngae, aqgaf arsiq pyavnaeq-eu aqgaf yarkmr-anr mr-eu tsawrhaq yawqdeuq yawq-anr par ngaqnaeq taef-a.”