Biblia Todo Logo
Bib sou entènèt

- Piblisite -




Maꞈtehˬ 7:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

25 Uqyaer yaerle-awr, irjeuq jeuqle-eu uqtaf, jaqlaer bawlar-awr ciqtanq ciqtuv lar-eu khawf, nymr khoernymr, khaqlo-euq khoertav tsovtaq-euq mirnae maqcoq-ir-aq.

Gade chapit la Kopi

Akha

25 Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ kʼawꞈ, kʼaˬ lo kʼoeˇ taˆ tsoˆ taˬ-euˬ miˇ neh, nymˇ kʼoeˇ nymˇ maˬ coˬ-iˇ-a.

Gade chapit la Kopi




Maꞈtehˬ 7:25
17 Referans Kwoze  

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.


Miqdzaq nae tsermr haw-euq khawf, cawv-ir nya-eu shuir navmaqtser poeq-eu, nawmaf-euq jan-eu jeq yawmar ngar-a laer, Yeqsur Kali-anr byacaevni ya’mawr ngae nan, nawmaf-anr jaceuq naeqlaf-awr, yawshaef khanqsaer bifnaeq laf-eu uqtaf, taqhuiq taqmanr naeqlaf taef-a.


Nawmaf, aqyawf-euq lafkhoer duqcir ka’naf ghae-awr, tsovgordav lef-awq. Guiqlanq-anr jaceuq-eu jeq byankhar luf-eu lafkhoer, nawmaf nae yadzaw-euq lof-aer, jan-eu jeq-euq lafkhoer zifdanni jawr-awq.


Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.


Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”


Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.


Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.


Ngar, nawq-anr aernaeq nyar, nawr-aq, Beqtuvluv ngar-a. Ngar, khaqlo heu-euq khoertav ngaq-euq armur tsovdav ma. Shir-eu mirkhanq-euq larghov-aq, armur heumur-anr maq ghaqlar nya-ar.


Jaqlaer laerzeuv yawkawr-aer bawbyov ghae-eu lof-aer, Tsawrcawv deuq maqpar dzaeqlar-ar. Aerkhawf, tsaq-awr dawr-eu tsawrhaq-aq, Li-eu maqbawni dawqpaeq zif taef-a.


“Khoermirnae, ngar maeq-eu dawq heudeuq gaq-awr mrcaw-eu aqsur ghaq maqkaq, khaqlo-euq khoertav zeurdanr danr-awr nymr tsov-euq zaqsiq tsawrganr anr-eu tiq ghaq-anr dur-eu mae.


“Ngar maeq-eu dawq heudeuq gaq-euq khawf maq mrcaw-eu aqsur ghaq maqkaq, kharshuif-euq khoertav nymr tsov-euq aqdzawq argan tiq ghaq-anr dur-eu mae.


Uqyaer yaerle-awr, irjeuq jeuqle-eu uqtaf, jaqlaer bawlar-awr ciqtanq ciqtuvlar ngae, nymr khoernymr coq-ir-awr, coqpyav coqshav jir-euq mae.”


Swiv nou:

Piblisite


Piblisite