Maꞈtehˬ 7:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ “Khoermirnae, ngar maeq-eu dawq heudeuq gaq-awr mrcaw-eu aqsur ghaq maqkaq, khaqlo-euq khoertav zeurdanr danr-awr nymr tsov-euq zaqsiq tsawrganr anr-eu tiq ghaq-anr dur-eu mae.

Akha

²⁴ “Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Maꞈtehˬ 7:24 Referans Kwoze

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Dawqdaq 10:8

Nuima-euq lafkhoer tsawrganr anr-eu deuq-aq, khaerdawq-anr hageuf-eu mae. Aerkhawf, khar lovlar-eu jeq ngaeq-eu aqdzawq argan-aq, yacoq-ir taef-a.

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

Jaceuq 119:99

Ngar, nawq-euq dawqdzawr deuq dzardziv dziv-eu mirnae, Ngar, ngaq-anr maeq-euq deuq dawqtawvluf navmaqtser ghovshawnya dzaeq-eu ma.

Jaceuq 119:130

Nawq-euq dawq urlar ngae yawshaef bif-awr, Maqdzaw-euq zaq-anr ghovshaw-eu jeq bif-eu mae.

Dawqdaq 14:8

Noeqsiq noeqmawr nya-eu tsawrhaq-euq zaqsiq tsawrganr-aq, Yawqha-euq garma bi ghovshaw-eu gharduq mae. Aerkhawf, aqdzawq argan-euq yawdzawq yawgan-aq, Jaqmyawf maershuir mae.

Dawqdaq 10:25

Jaqlaer laerzeuv yawkawr-aer bawbyov ghae-eu lof-aer, Tsawrcawv deuq maqpar dzaeqlar-ar. Aerkhawf, tsaq-awr dawr-eu tsawrhaq-aq, Li-eu maqbawni dawqpaeq zif taef-a.

Dawqdaq 12:7

Tsawrcawv deuq-aq, byav-ir-awr byov-ir jir-eu mae. Aerkhawf, tsaq-awr dawr-eu tsawrhaq-euq nymr-aq, Zifdanni javnya taef-a.

Maꞈtehˬ 7:25

Uqyaer yaerle-awr, irjeuq jeuqle-eu uqtaf, jaqlaer bawlar-awr ciqtanq ciqtuv lar-eu khawf, nymr khoernymr, khaqlo-euq khoertav tsovtaq-euq mirnae maqcoq-ir-aq.

Maꞈtehˬ 7:26

“Ngar maeq-eu dawq heudeuq gaq-euq khawf maq mrcaw-eu aqsur ghaq maqkaq, kharshuif-euq khoertav nymr tsov-euq aqdzawq argan tiq ghaq-anr dur-eu mae.

Maꞈtehˬ 16:18

Ngar, nawq-anr aernaeq nyar, nawr-aq, Beqtuvluv ngar-a. Ngar, khaqlo heu-euq khoertav ngaq-euq armur tsovdav ma. Shir-eu mirkhanq-euq larghov-aq, armur heumur-anr maq ghaqlar nya-ar.

Maꞈtehˬ 24:45

“Sarjax zif-awr tsawrganr anr-eu kuirlaf zaqkhav aqgeu ghaq la? Yawsanr ghaq nae nymrkhanq-euq zaqdeuq-anr aryamq tsaq ngae, bidzaq bidawr-awr bi hawlanr-eu gharduq, khaertaq-euq kuirlaf zaqkhav khoerghaq mae.

Maꞈtehˬ 25:2

Aqyawf maf-aq, yawlaf ngaq ghaq hawr-eu yawganr ngaq ghaq mae.

Maꞈtehˬ 25:4

Aerkhawf, yawganr deuq-aq, tsirkhmq ciq-awr, tsir danq-eu martsaf khawf ciqghae-euq mae.

Maꞈtehˬ 25:9

Khoerngae, yawganr deuq aerkhof naeq-eu, ‘Nga’maf-euq gharduq maqngeur nar-aq, nawmaf-euq gharduq maq lofler-eu paq. Nawmaf tsir anq-eu tsawrhaq jawr-eu gar ir-awr yawqha-euq gharduq zeurlaq-ir-awq.’

Lormav 2:13

(Zanrdawq-anr yagaq-euq mirnae, Miqyaer-euq maeqshi tsaq-awr dawr-eu tsawrhaq pyeuflar-eu maqngeur-a. Zanrdawq-anr mrcaw-euq tsawrhaq deuq taef-aer mrshawr-euq tsawrhaq pyeuflar-eu mae.