Maꞈtehˬ 7:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Ngaq-anr, ‘Sanqpaq-or! Sanqpaq-or’ laer kharkur-eu tsawrhaq yawqghaq navluf-aer, mqtav mirkhanq-anr ya urler-eu maqngeur-a. Mq-euq khoertav jawr-eu ngaqDa nuima tsaqni mr-eu tsawrhaq deuq taef-aer ya urler-eu mae.

Akha

²¹ “Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Maꞈtehˬ 7:21 Referans Kwoze

Lormav 2:13

(Zanrdawq-anr yagaq-euq mirnae, Miqyaer-euq maeqshi tsaq-awr dawr-eu tsawrhaq pyeuflar-eu maqngeur-a. Zanrdawq-anr mrcaw-euq tsawrhaq deuq taef-aer mrshawr-euq tsawrhaq pyeuflar-eu mae.

Luˇkaꞈ 6:46

“Nawmaf, ngaq-anr ‘Sanqpaq-or! Sanqpaq-or’ laer kur-eu gar nae, aqjeq mirnae ngaq nae aertaq-euq lof-aer maqmr-eu le?

Yaˬkoˆ 1:22

Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

HeˬByehˇ 4:6

Khoermirnae, guiqlanqdawq maeq-eu gar jeqhu yagaq-euq tsawrhaq khoerdeuq maq narhaq geuf-euq mirnae, maqya urler-euq khawf, ya urler-eu tsawrhaq tiqdeuqnav jawr-eu mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Panmaeq 3:5

Ghaqler-eu tsawrhaq-aq, maeqtsoeq yawpyur yadm taef-a. Ngar, aqyawf-euq tsawrmyanr, Daef-eu jeq bif-eu sanqbof-anr nae maq sivbyovni, ngaqDa hawr-eu aqyawf-euq mqtav ghaqkhaer deuq-euq maeqshi, aqyawf-euq tsawrmyanr aerdov ma.

1 Beˬtuˆluˆ 4:2

Nawmaf nuima khoerlof-aer taq nar-aq, maeqhu paw daefdavlef ngae, tsawrhaq-euq shiqshaq-euq nuikhanr maqpar geuf-aer, Miqyaer nuima tsaq-eu lof-aer geuf-eu mae.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

Panmaeq 22:14

Aqyawf nae biftaq-euq dawqdeuq-anr mrcaw-eu tsawrhaq deuq-aq, guiqlanqhuiq taef-a. Aqyawfmaf daef-eu jeq bif-eu arbawr za’nya-awr, meuq-euq lanrkhaeq-anr nae meuq-anr ya urle taef-a.

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Maˬkuˆ 3:35

Miqyaer nuima tsaqni kharmr-eu tsawrhaq deuq-aq, ngaq-euq maernmr, ngaq-euq dmrma hawr-eu ngaqma mae.”

1 Teˇsaˬloˇni 5:18

Yawqjeq navluf-euq lafkhoer Miqyaer-euq guiqlanq-anr jaceuq-awq. Aqjeq mirnae aernar-aq, nawmaf heulof-aer janr-eu-aq, Yeqsur Kali-euq lafkhoer Miqyaer nuima tsaq-eu mae.

Eˇpeˇsu 6:6

Tsawrhaqzaq nuikhanr bishir-eu laer, aqcawq mawr ngae taef-aer mr-eu jeq taqbi pyeuf. Kali-euq kuirlaf zaqkhav lof-aer, nuima-euq lafkhoer nae Miqyaer nuima tsaqni mr-eu jeq bipyeuf-awq.

1 Beˬtuˆluˆ 2:15

Aqjeq mirnae aernar-aq, nawmaf yawmuiq jeq mr-eu gar Miqyaer nuima tsaq-eu mae. Nawmaf heulof-aer mr nar-aq, aqdzawq argan deuq-euq khaqmae ciqcurni bipyeuf-ir nya taef-a.

Maꞈtehˬ 25:21

Yawsanr ghaq, aqyawf-anr aernaeq-eu, ‘Yawmuiq ngar-a, muiq-awr sarjax zif-eu kuirlaf zaqkhav-or! Nawr yawnyir yawcuiv jeq-anr sarjax zif-eu mirnae, ngar, nawq-anr ghawqmya jeq-anr hawlanr-eu ghaq bigeuf ma. Nawq-euq yawsanr-euq laqkhaq caer-eu jeq-euq lafkhoer urlar-awq.’

1 Teˇsaˬloˇni 4:3

Nawmaf yawshawr shawr-aer daefni Miqyaer nuima tsaq-eu mae. Banq-awr khaqmiq sheu-eu jeq taqbi jav.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

Luˇkaꞈ 13:25

Nymrsanr ghaq tur-awr, larghov piqtaeq shaw-euq nar-aq, nawmaf lafnyir paw yawf-awr, larghov-anr khovkhov-aer danqbae-awr aer taef-a, ‘Sanqpaq-or! Sanqpaq-or! Nga’maf-anr larghov pannaeqlaf sher-eq.’ Khoerngae, ‘Ngar, nawmaf-anr maq siqnya nya. Nawmaf aqgeugar nae lar-euq maqsiq lawr’ laer aqyawf aerkhof naeqlaf taef-a.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Luˇkaꞈ 18:25

Lawtaw aqghawf-euq lafnaq-anr urler-eu-aq, smrmuiq smrbaw, Miqyaer uvlanr-eu lafkhoer urler-eu navmaqtser awq-eu mae.”

Maˬkuˆ 9:47

Nawq-euq myavnuiv tiq nuiv nawq-anr iqbax bi mrlaeq lar-eu nar-aq, kheufdov dzae-awq. Myavnuiv nyiq nuivluf tsof-awr, shiqbuir lanma-anr bi bafanr ghae-eu navmaqtser, myavnuiv tiq nuiv taef-aer tsof-awr, Miqyaer uvlanr-eu jeq-euq lafkhoer ya urler-eu-aq muiqdzaeq taef-a.

Maꞈtehˬ 19:24

Ngar, nawmaf-anr par aernaeq nyar, lawtaw, aqghawf-euq lafnaq-anr urler-eu-aq, smrmuiq smrbaw deuq, Miqyaer uvlanr-eu jeq-euq lafkhoer urler-eu navmaqtser awq-eu mae.”

Maꞈtehˬ 18:35

“Nawmaf yawqghaq navluf khawf, nuima-euq lafkhoer nae yawqha-euq aqyuif aqnyir-anr, mrbanq lavbanq-euq iqbax maq pyaeqnaeq nar-aq, mq-euq khoertav jawr-eu ngaqDa khawf, nawmaf-anr khoerlof-aer janrnaeqlaf taef-a.”

Yoˇhaˬ 15:23

Ngaq-anr byae-eu tsawrhaq-aq, ngaqDa-anr khawf byae-eu mae.

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Panmaeq 2:27

‘Aqyawf, aqyawf maf-anr shmr gawqyoeq nae uvlanr-awr, mirtsaq oeqlanq daepav-eu lof-aer daepav daeshav taef-a.’ NgaqDa nae ngaq-anr bifnaeq laf-euq lof-aer,

Yoˇhaˬ 14:7

Nawmaf, ngaq-anr siqnya-euq nar-aq, ngaqDa-anr khawf siqnya-euq mae. Iqnan tafnar-aq, nawmaf, aqyawf-anr ya’mawr-awr, aqyawf-anr ya siqnya-euq mae.”

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Maꞈtehˬ 18:19

“Ngar, nawmaf-anr aqdirma-aer par aernaeq nyar, mirtsaq-euq khoertav, nawmaf-euq lafkhoer tsawrhaq nyiq ghaq nuima gm-awr, tiqjeqnav shar nar-aq, mq-euq khoertav jawr-eu ngaqDa-aq, aqyawfnyaf shar-eu lof-aer aqdir bi pyeuflar taef-a.

Maꞈtehˬ 25:10

Aqyawfmaf zeur-ir luf ngae, yoshuif oekeuv-euq mae. Laeqhmqdan taq-euq khoerdeuq-aq, aqyawf naeq-aer oermr bar-eu yawbui-anr urler-euq mae. Khoernar-aq, larghov piqtaeq-euq mae.