Maꞈtehˬ 7:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ “Nawmaf, ghovkhaeq yawsuf-anr urler-awq. Aqjeq mirnae aernar-aq, cawv-ir-eu paw ir-eu garma-aq, jerloni ghae-awr, ghovkhaeq ghawqloeni danr-eu mirnae, urler-eu tsawrhaq ghawqmya’ni jawr-eu mae.

Akha

¹³ “Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Maꞈtehˬ 7:13 Referans Kwoze

Dawqdaq 16:25

Tsawrhaqzaq-euq gharduq tsaq-eu gar dur-eu garma tiq kanr jav-eu mae. Aerkhawf, arsaqsaq ngae, shir-eu gar saqler-eu garma mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 10:9

Ngar-aq, ghovkhaeq ma. Ngaq-anr ghoe-awr khar urlar-eu tsawrhaq-aq, yabuq-ir taef-a. Khoeruqtaf, aqyawf urlar-awr irdov-eu khawf gavdzaqduq ya’mawr taef-a.

Dawqdaq 9:6

Yawdzawq yawgan jeq byaerdzae-awr, yawdaef daef-awq. Ghovshaw-eu garma-anr can’ghae-awq.”

Gaˬlaˬtiˆ 5:24

Yeqsur Kali-anr khartaf-eu tsawrhaq deuq-aq, shiqshaq naeq-aer shiqshaq-euq nuinoeq nuilov hawr-eu nuikhanr dawqtawvluf lafyaq-euq khoertav taftaeq-euq mae.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 3:8

Nawmaf noeqpov noeqpar-euq gar geux-eu arsiq bi siqle-awq.

2 Gawˇliˬtu 6:17

Khoermirnae, “Aqyawf maf-euq lafkhoer nae dovlar-awr, aqyawf maf-anr ghawqtsaev tsaev-awq. Maqshawr-eu jeq-anr taq toeqciv. Maq toeqciv nar-aq, ngar, nawmaf-anr hageuf ma.” (Isy 52:11; Ezk 20:34)

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Panmaeq 20:15

Khoernar-aq, Daef-eu jeq bif-eu sanqbof-euq lafkhoer tsawrmyanr maqanr-eu tsawrhaq yawqghaq navluf, miqdzaq-euq lan-anr bi dzaepuf jir-euq mae.

Piˇliˇpiˆ 3:19

Aqyawf maf-euq uqmav-aq, aqyawf maf-euq miqyaer pyeuf-awr, aqyawf maf-euq khanqsaer-aq, shafdawr paq-aer ghae-eu jeq-euq lafkhoer jav-eu uqtaf, aqyawf maf-euq nuinoeq-aq, mirtsaq-anr taf-eu jeq-anr sharnoeq-eu mirnae, arsaq saqlar ngae-aq, aqyawfmaf yacawv-ir taef-a.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Panmaeq 20:3

Khoernar-aq, mirkhanq-euq tsawrjeuq tsawrca deuq-anr maqbi myawftawv shuirtawvni, aqyawf-anr 1,000 khof maq byanlar-euq khoerkeuvni, li-eu maqbaw-eu duqkhanq-anr bafanr ghae-awr, piqtaeq taq-euq uqtaf, jmq diqtaq-euq mae. Aryamq khoer dzeur-euq nar-aq, aqyawf-anr tiqkhaeq larkhaeq taef-aer pyaeqdovnaeq taef-a.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Lormav 9:22

Miqyaer, aqyawf nuima paer-eu jeq hawr-eu aqyawf-euq baoq bi mawrlar mawf-eu baqda’nae, nuima paer-eu gar yadaq-awr, lavcawv-eu gharduq laeqhmq taq-euq oeqlanq deuq-anr nuima ghawqmanrni taq-eu gar aqjeq aerkhar parza-eu.

Luˇkaꞈ 14:33

Khoerlof-aer durni, nawmaf aqgeu ghaq maqkaq, yawqha kharjav-eu dawqtawvluf maq byaerdzaeyaf nar-aq, ngaq-euq zaqlanr maq geufnya-a.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Luˇkaꞈ 9:33

Khoernar-aq, tsawrhaq khoer nyiq ghaq, Yeqsur-anr nae ghawq-ir luf ngae, Beqtuvluv, Yeqsur-anr aernaeq-eu, “Sanqpaq-or! Aqduimaf heugar jawr-eu arnavni muiq-eu nya. Nga’maf saeqghawv smq ghawv ghawv ma. Nawq-euq gharduq tiq ghawv, Morseq-euq gharduq tiq ghawv hawr-eu Erlirya-euq gharduq tiq ghawv ghawv ma.” Beqtuvluv, aqyawf aqjeq ngaeqluf-eu le laer maq siqnya-a.

Dawqdaq 7:27

Aqyawf-euq nymr-aq, shiqbuir lanma-anr ir-eu garma pyeuf-awr, Shir-euq deuq-euq jawrduq-anr sheuqka-iq-eu garma mae.

Maꞈtehˬ 7:14

Aerkhawf, daef-eu jeq jav-eu gar le-eu garma-aq, shaq-awr, ghovkhaeq khawf yawsuf mirnae, povmawr-awr urler-eu tsawrhaq yawcuiv mae.