Maꞈtehˬ 6:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr guiqlanqshar ngae, nawq-euq kuvlawv-euq lafkhoer urler-awr, larghov piqtaeq-awr nae, maq mawrlar-eu gar jawr-eu nawq-euq Aqda-anr shar-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Akha

⁶ Ehˇ kʼawꞈ, nawˇ guiˬ lahˬ shaˇ ngeh, kuˆ lawˆ laꞈ kʼoeˇ uˇ leˇ-awˇ, laˇ gʼoˆ piˬ tehˬ taˬ-awˇ, maˬ mawˇ laˇ-eu nawˬ-euˬ Aˬda-ahˇ shaˇ-awˬ. Tsawˇ haˬ zaˬ maˬ mawˇ-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ laꞈ tehꞈ-a.

Maꞈtehˬ 6:6 Referans Kwoze

Maꞈtehˬ 14:23

Tsawrhaq armaf mafma deuq-anr bighof-ir jir-euq nar-aq, aqyawf tiq ghaq taef-aer gawqjawq-anr davler-awr, guiqlanq sharler-euq mae. Uqcif cifle ngae, aqyawf tiq ghaq taef-aer khoergar jawrluf-eu mae.

Gʼaˬkʼehˇ 9:40

Beqtuvluv, aqyawfmaf yawqghaq navluf-anr bidov-ir-awr, pawqtsuif pawqdmq dmq-awr guiqlanq shar-euq mae. Khoernar-aq, shir-euq mawrdo jav-eu paw ghawrpyawr-awr aer-eu, “Daqbirtav-or! Tur-awq.” Khoerngae, aqyawf myavnuiv byaelar-awr, Beqtuvluv-anr mawr ngae turnuir lar-euq mae.

Jaceuq 34:15

Ya’we Miqyaer-euq myavnuiv-aq, tsaq-awr dawr-eu tsawrhaq deuq-anr hawluf-awr, Aqyawf-euq naqbawr-aq, aqyawfmaf gur-eu gar narhaq luf-eu mae.

Maꞈtehˬ 6:18

Nawr dzardzaq sheuqluf nga laer aqcawq nae taqbi hawdov. Maq mawrlar-eu gar jawr-eu nawq-euq Aqda-anr bimawr nar-aq ghaq-ar. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Gʼaˬkʼehˇ 10:9

Nishawq ngae nan, aqyawfmaf garma dov-ir-awr, meuq-euq dawqpae irkeuv-awr, nanlov caelarmawf ngae, Beqtuvluv guiqlanq shar-eu laer nymrmq-anr davler-euq mae.

Maꞈtehˬ 6:4

Nawr bifnaeq gamfnaeq ngae, aqcawq maqmawr-eu gar mr-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi mrpoeq lafsawq bifnaeqlaf taef-a.

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

Lormav 8:5

Aqjeq mirnae aernar-aq, shiqshaq-anr daefcaw-eu tsawrhaq-aq, shiqshaq paw-euq garkawv-anr taef-aer noeqtsov taq-euq mae. Aerkhawf, muiq-eu Saflar-anr daefcaw-eu tsawrhaq-aq, muiq-eu Saflar-anr taf-eu deuq-anr noeqtsov taq-euq mae.

Gʼaˬkʼehˇ 10:30

Khoerngae, Gorneqlir heulof-aer aer-eu mae, “Dzeurlaf-euq oeq nan ngae nan-anr nae heuyamq-anr keuvni, ngar dzardzaq sheuq-euq ma. Uqciftaw naqliq smr laf-anr ngar, irkanr-euq lafkhoer guiqlanq sharluf ngae, tsawrhaq tiq ghaq yawshaef bya-eu maeqtsoeq dm-awr, ngaq-euq maeqshi yawfle-awr,

Yoˇhaˬ 1:48

Khoerngae, Naqdaqneqlar, Yeqsur-anr narhaq-eu, “Nawr, ngaq-anr aqjox-aer siqnya-eu le?” Yeqsur, aqyawf-anr aerkhof naeq-eu, “Pirlirpuv, nawq-anr maqkur-euq minav-aer, nawr siqguq arbawr-euq uqmov jawrluf ngae nae, ngar, nawq-anr mawr-euq ma.”

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Dawqdaq 25:22

Khoerlof-aer janrnaeq-eu-aq, Aqyawf-euq uqduq-euq khoertav, Miqdzaq dof-eu khaqgheuq tsidav naeq-euq gar dur-awr, Sanqpaq Miqyaer, nawq-anr mrpoeq lafsawq bifnaeqlaf taef-a.