Maꞈtehˬ 6:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Akha

⁵ “Nawˇ guiˬ lahˬ shaˇ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ taˬ jahˇ. Aˬ yawꞈ maꞈ-aˬ, aˬ cawˬ bi haw mawˇ-eu gʼaˇ duˬ, uˬ duˬ tahˬ nymˇ laꞈ kʼoeˇ hawˇ-eu gaˇ ma gaˇ tsmˇ doe ni yawꞈ-awˇ guiˬ lahˬ shaˇ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maꞈtehˬ 6:5 Referans Kwoze

Maꞈtehˬ 6:2

“Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

Luˇkaꞈ 18:13

“Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

Maˬkuˆ 11:25

“Nawmaf yawf-awr guiqlanq sharluf ngae, tiqghaq nav-anr iqbax taqluf-eu gar nawmaf noeqdovlar nar-aq, aqyawf-anr iqbax pyaeqnaeq-awq. Nawmaf iqbax pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq mrlaeq-euq iqbax-anr pyaeqnaeqlaf taef-a.

Luˇkaꞈ 20:47

Aqyawfmaf, miqcoeq miqma-euq nymr-anr khaeqdzaq khavdzaq-eu mae. Aqcawq bimawr-eu gharduq guiqlanq ghawqmanrni shar-eu mae. Tsawrhaq khoerdeuq-aq, aqcawq navmaqtser yarkhaq dar-eu gar yadaq taef-a.”

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Luˇkaꞈ 11:43

“Nawmaf Paqliqsaer deuq ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, zanrdawq khawqnymr-euq lafkhoer khanqsaer jav-eu nuirduq-anr nuir-eu gar gaq-awr, laev-anr can ngae, aqcawq nae yawzeu baw-awr dawqcawq puqlar-eu gar gaq-eu mae!

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Jaceuq 55:17

Uqcif uqshawq hawr-eu nan’ghanr maqbawni, Ngar yawkhav-aer gurgur-aer guiqlanqshar ma; Aqyawf, ngaq-euq tersar-anr narhaq naeqlaf taef-a.

Jaceuq 5:2

Ngaq-euq Sanqpaq hawr-eu ngaq-euq Miqyaer-or! Ngar gur-eu tersar-anr narhaq naeqlaf-awq. Ngar, nawq-anr guiqlanq shar-eu ma.

1 Teˇsaˬloˇni 5:17

Yawqjawr navluf guiqlanq shar-awq.

Yoˇhaˬ 16:24

Nymq-mr keuvni, nawmaf, ngaq-euq tsawrmyanr-anr ghoe-awr tiqjeq-iq maqshar-aq siq. Nawmaf laqkhaq caer-eu jeq byanlarni shar-awq, shar nar-aq za taef-a.”

Maˬkuˆ 12:38

Yeqsur, aqyawf maf-anr maeqnaeq tsovnaeq ngae heulof-aer aernaeq-euq mae: “Nawmaf, zanr maeq-eu deuq-anr yanr-awq, aqyawf maf-aq, paerkhanq paermanr dmdm-aer canmawf-eu mae. Laevkawv doeni aqcawq, aqyawf maf-anr dawqcawq puqlar-eu gar geufmawf-eu mae.

Maꞈtehˬ 9:38

Khoermirnae, Aqyawf-euq caeryar-anr caer yaeq-eu tsawrhaq bi’oe-awq laer caer lavluiv-eu Sanqpaq Miqyaer-anr shar-awq.”

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Dawqdaq 16:5

Ya’we Miqyaer, nuima-euq lafkhoer nuima huiq-eu jeq anr-eu tsawrhaq yawqghaq navluf-anr nuidav dav-awr, Yawduq bawni darnaeq-eu jeq-anr, maqya daq-aer maqya dzeur-ir-ar.

Maꞈtehˬ 23:6

Yawbuibui ngae, khawrmaer paw nuirmawf-awr, zanrdawq khawqnymr-euq lafkhoer khanqsaer jav-eu nuirduq-anr nuirmawf-eu mae.

Dawqdaq 15:8

Ya’we Miqyaer, tsawrcawv nae lawr-euq jeq-anr nuidav dav-eu mae. Aerkhawf, dawrcoeni ghae-eu tsawrhaq-euq guiqlanq shardawq-anr, aqyawf nuima tsaq-eu mae.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 6:1

“Nawmaf bifnaeq gamfnaeq ngae, tsawrhaq bimawr-eu laer dirdaq-aer aqcawq-euq maeqshi mr-eu jeq maqbi pyeufni yanr-awq. Khoerlof-aer mr nar-aq, mq-euq khoertav jawr-eu nawmaf-euq Aqda-euq mrpoeq lafsawq maqza-a.

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Luˇkaꞈ 6:24

“Aerkhawf, nawmaf smrmuiq smrbaw deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf yawsar zadzeur-euq mae.