Maꞈtehˬ 6:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ “Khoermirnae, ngar, nawmaf-anr aernaeq nyar, yawdaef daef-eu gharduq, aqjeq dzaq-awr aqjeq dawr-eu laer khanq taqlanr. Mawrdo-euq gharduq aqjeq dm-awr ghaq-eu laer khawf khanq taqlanr. Daefzir-aq, dzaqdzaq dawrdawr navmaqtser poeqdzaeq-eu maqngeur-a lor? Mawrdo khawf, maeqtsoeq navmaqtser poeqdzaeq-eu maqngeur-a laq?

Akha

²⁵ “Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

Maꞈtehˬ 6:25 Referans Kwoze

Piˇliˇpiˆ 4:6

Tiqjeq-anr-iq khanq taqlanr. Aerkhawf, yawqjeq navluf-euq lafkhoer guiqlanq sharshar-aer, tanqshar-awr jaceuq-eu lafkhoer, nawmaf sharmawf-eu jeq Miqyaer-anr dzawrnaeq-awq.

1 Beˬtuˆluˆ 5:7

Miqyaer, nawmaf-euq gharduq sharnoeq luf-eu mirnae, nawmaf khanqlanr-eu yawqjeq navluf, aqyawf-anr a’naeq-awq.

Lormav 8:32

Miqyaer cirkhof maqkhof-aer aqyawf-euq Zaqyo khawfni, aqdui dawqtawv luf-euq gharduq bifnaeq lef-euq ngeur nar-aq, aqyawf-euq Zaqyo naeq-aer tiqkawv lof-aer aqyawf kharjav-eu yawqjeq navluf, aqdui-anr yawqngaef-aer bifnaeq lef-eu maqngeur-ar lor?

Jaceuq 55:22

Nawq-euq khavbaev, Ya’we Miqyaer-anr a’naeq-awq; Aqyawf, nawq-anr hawlanr naeqlaf taef-a. Aqyawf, tsaq-awr dawr-eu tsawrhaq-anr tiqjawr-iq maqbi coq-ir-a.

Maꞈtehˬ 6:31

“Khoermirnae, khanq taqlanr, heulof-aer taqngaeq, ‘Aqjeq yur-awr nae dzaq-eu? Aqjeq yur-awr nae dawr-eu? Aqjeq yur-awr nae dm-awr ghaq-eu paq nga?’

Maˬkuˆ 4:19

mirtsaq-euq khoertav jawr ngae khanqlanr-eu jeq, pyurshuir myawqganq-euq jaqmyawf maershuir hawr-eu kharngeur-eu jeq-anr maerjuir juir-eu jeq nae, Yaerdawq khoer-anr uvtaeq taq-euq mirnae, arsiq maq siqle nya-eu gar aer-eu mae.

Maꞈtehˬ 10:19

Aqcawq, nawmaf-anr yarkhaq bidar-eu laer a’naeq ngae, aqjeq aqjox-aer ya’ngaeq yatmr-eu la laer khanq taqlanr. Khoerngae yamq-anr, nawmaf ya’ngaeq-eu dawqdeuq, nawmaf-anr bifnaeqlaf taef-a.

1 Gawˇliˬtu 7:32

Ngar, nawmaf-anr khanq maqbi lanrmawf nya. Miqzaq maqbaw-eu tsawrhaq-aq, Sanqpaq Miqyaer nuima tsaqni, Sanqpaq Miqyaer-euq gar aqjox-aer mr-eu paq nga laer sharnoeq-eu mae.

Maꞈtehˬ 6:34

Khoermirnae, nishawq-euq gharduq khanq taqlanr. Aqjeq mirnae aernar-aq, nishawq-euq gharduq nishawq khanq lanrkhar za-awr, Aqyawf nan-euq gharduq aqyawf nan shaqzanq javlof-eu mae.

2 Tiˆmoˇseˬ 2:4

Guirzaq geuf-eu aqgeu ghaq maqkaq, guirdzoeq aqyuif ghaq-euq nuikhanr shirni mr-eu gharduq, yawqha-euq gardeuq yawqha-euq daefzir-anr maqbi banqni ya byaerdzae-eu mae.

Luˇkaꞈ 8:14

Aqgan daefmyaq-eu tsanr-anr ga-ir-euq deuq-aq, Miqyaer-euq dawq yagaq-awr irdov ngae, mirtsaq-euq khoertav jawr ngae khanqlanr-eu jeq, pyurshuir myawqganq hawr-eu lurgha caergha-eu jeq nae bi uvtaeq taq-awr, arsiq siqle khawf maq lovlar nya-eu deuq-anr aermawf-eu mae.

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Luˇkaꞈ 12:11

“Aqcawq, nawmaf-anr zanrdawq khawqnymr-anr maqaer, sanqpaq deuq hawr-eu aryaq jav-eu deuq-euq maeqshi sheuqghaelef ngae, aqjox-aer ya ngaeqkhof naeq-awr, aqjox-aer ya’ngaeq yatmr-eu laer khanq taqlanr.

Maˬkuˆ 13:11

Aqcawq, nawmaf-anr yarkhaq dar-eu nymr-anr sheuqghae ngae, nawmaf aqjox-aer ya’ngaeq yatmr-eu laer, maq keuvlar-euq minav-aer khanq taqlanr. Khoerngae yamq-anr nawmaf-anr bingaeq bitmr laf-eu lof-aer ngaeq-awr tmr-awq. Aqjeq mirnae aernar-aq, dawq ngaeq-eu ghaq-aq, nawmaf maqngeur-eu, Yawshawr Saflar mae.