Maꞈtehˬ 6:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ “Mirtsaq-euq khoertav yawqha-euq gharduq pyurshuir myawqganq taq povuiqtaq. Mirtsaq-euq khoertav povuiqtaq nar-aq, shmrkaw kawler nya-awr, boeq dzaqnya-eu uqtaf, smrkhoeq khawf daepavanr laf-awr khoeqlar nya-eu mae.

Akha

¹⁹ “Naw maꞈ yawˬ ha gʼaˇ duˬ miˇ tsaˬ kʼoeˇ taˆ pyuˇ shuiˇ myawˬ gahˬ taˬ poˆ uiˬ taˬ. Miˇ tsaˬ kʼoeˇ taˆ poˆ uiˬ taˬ naˇ, shmˇ kaw kaw leˇ nya, boeˬ dzaˬ leˇ nya-awˇ, smˇ kʼoeˬ kʼawꞈ kʼoeˬ nya meh.

Maꞈtehˬ 6:19 Referans Kwoze

HeˬByehˇ 13:5

Nawmaf, yawdaef daef-eu lafkhoer, pyurshuir-anr maerjuir taqjuir. Yawqha kharjav-eu jeq-anr nuikhanr shir-awq. Aqjeq mirnae aernar-aq, Miqyaer aer-eu, “Ngar, nawq-anr tiqjawr-iq maqghawq maqghaer-ir. Tiqjawr-iq maq byaerdzae.” (Dm 31:6,8)

Luˇkaꞈ 12:21

“Yawqha-euq gharduq pyurshuir myawqganq povuiq taq-euq khawf, Miqyaer-euq maeqshi smrmuiq maqmuiq-eu tsawrhaq lof-aer dur-eu mae.”

Dawqdaq 16:16

Shuir za-eu navmaqtser, Zaqsiq tsawrganr za-eu arnavni muiqdzaeq-eu nga. Pyur za-eu navmaqtser, ghovshaw nya-eu jeq za’ni tsergeuf-eu tsaq mae.

Dawqdaq 11:4

Miqyaer nuima paer-eu arnan keuvle ngae, Pyurshuir myawqganq gardanr maqtsoeq-a. Aerkhawf, tsaq-awr dawr-eu jeq-aq, Shir-eu jeq-anr nae bibuq-ir nya-eu mae.

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 18:24

Yeqsur, aqyawf noeqshaq duidui luf-eu gar ya’mawr ngae aer-eu, “Smrmuiq smrbaw-aq, Miqyaer uvlanr-eu lafkhoer urler-eu arnavni shaq-eu nga!

Jaceuq 62:10

Nawqdzaq khavdzaq-euq jeq-anr taqghoe, Khoeqdzaq joedzaq-euq jeq-anr khawf taq noeqtmq; Nawq-euq pyurshuir myawqganq myaqlar ngae, Nawq-euq nuima khoerdeuq-anr taq noeqtsovtaq.

Jaceuq 39:6

Aqdir aernar-aq, tsawrhaq yawqghaq navluf doedoe-aer canluf-eu heu-aq, narshmr-anr dur-awr, Aqyawfmaf tiqjeq-iq gardanr maqtsoeq-eu gar banqghasaef luf-eu mae. Aqyawf, pyurshuir myawqganq povcu taq-euq khawf, aqsur ghaq-anr of-ir-eu laer maq siqnya-a.

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Maꞈtehˬ 6:20

Aerkhawf, mq-euq khoertav pyurshuir myawqganq povuiq taq-awq. Mq-euq khoertav-aq, shmrkaw maq kawler nya-aer, boeq maq dzaqler nya-eu uqtaf, smrkhoeq khawf daepavanr lef-awr maq khoeqler nya-a.

Luˇkaꞈ 12:39

Nawmaf heu-anr siqnya-awq. Nymrsanr ghaq, smrkhoeq khoeqlar-eu aryamq-anr siqnya lawnmr-aq, smrkhoeq khoerghaq, aqyawf-euq irkanr maqbi urlar-aer, aqyawf-euq nymr maqbi daepyavni lofpir taef-a.