Biblia Todo Logo
Bib sou entènèt

- Piblisite -




Maꞈtehˬ 6:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

13 Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Gade chapit la Kopi

Akha

13 Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Gade chapit la Kopi




Maꞈtehˬ 6:13
57 Referans Kwoze  

Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.


Mirtsaq-euq khoertav nae aqyawf maf-anr sheuqdov ghae-awq laer ngar, nawq-anr shar-eu maqngeur. Aerkhawf, aqyawfmaf, yawdoer ghaq-anr nae yabuq-ir ni hawpir naeq-awq laer shar-eu ma.


Nawmaf murjur jur-eu gar maqya tawvlerni, yawbeur beur-aer lof-awr, guiqlanq sharshar-aer jawr-awq. Nawmaf mrmawf-eu nuima anr-eu khawf, shiqshaq paw-aq, ghaqbyaev byaev-eu nga.”


Khoernar-aq, ngar, mq-euq khoertav tsawrhaq armaf mafma-euq tersar yawkhav-aer heulof-aer aer-eu gar yagaq-euq ma: “Haleluya! Kakhof-eu jeq, yawshaef khanqsaer, taqhuiq taqmanr-eu jeq hawr-eu baoq, aqdui-euq Miqyaer-euq pyeuf-eu mae.


Aerkhawf, Sanqpaq Miqyaer-aq, sarjax zif-eu mae. Aqyawf, nawmaf-anr bi ziflar-awr, yawdoer ghaq-anr nae yabuq-ir ni, aqyawf, nawmaf-anr hawpir naeqlaf taef-a.


Nawr uvlanr-eu jeq bi keuvle law. Mq-euq khoertav nawq-euq nuikhanr shir-eu jeq byan-eu lof-aer, mirtsaq-euq khoertav khawf bi byanle law.


Miqyaer-anr yawzeu baw-eu tsawrhaq murjur jur-eu gar yadaq ngae, aqyawf maf-anr aqjox-aer bibuq-ir-eu hawr-eu, maqtsaq maqdawr-eu tsawrhaq deuq-anr yarkhaqdar ngae nan keuvni, aqjox-aer ya kaflanr taq-eu la laer Sanqpaq Miqyaer siqnya luf-eu mae.


Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.


Aqjeq mirnae aernar-aq, Miqyaer-aq, mirtsaq tanqkhawr dawqtawv luf-euq Sanqpaq mae. Ghovshaw-euq lafkhoer car-awr jaceuq-awq.


Miqyaer, aqyawf maf-euq myavbir dawqtawv luf-anr sivdzaenaeq taef-a. Shir-eu jeq maqpar jav-aer, noeqshaq-eu jeq hawr-eu ngoer-eu jeq maqpar jav-eu uqtaf, nar-awr gawr-eu jeq khawf maqpar jav-eu mae. Aqjeq mirnae aernar-aq, yawbae jav-euq jeq dawqtawvluf byovjir-euq mae.”


Ya’we Miqyaer-aq, mqmaq maqbyav yarzir Sanqpaq pyeuf-eu mae. Tsawrjeuq tsawrca deuq, aqyawf-euq mirtsaq-anr nae yabyov-ir taef-a.


Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.


Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.


Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.


Mqmaq maqbyav yarzir-anr nae, mqmaq maqbyav yarzir-anr keuvni, Irsaqleqlav-euq Miqyaer pyeuf-eu Ya’we Miqyaer-anr jaceuq-awq! Aqmeq hawr-eu Aqmeq.


Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.


Miqyaer nae sarjax dzaqtaq-euq dawqtawvluf Kali-euq lafkhoer ngeur-eu jeq taef mae. Khoermirnae, aqdui, Miqyaer-anr ciqhuiq ciqmanr ngae, Kali-euq lafkhoer Aqmeq laer aer-eu ma.


Aqjeq mirnae aernar-aq, gor duidui-eu Ya’we Miqyaer-aq, yawzeu bawlar paq-aer ghae-eu mae; Aqyawf-aq, mirtsaq tanqkhawr dawqtawv luf-euq khoertav uvlanr-eu huiq-eu Sanqpaq mae.


Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.


Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.


Nawq-euq dawq-aq, ngeur nar-aq, ‘Ngeur ma,’ maqngeur nar-aq, ‘Maqngeur’ laer taef-aer aer-awq. Khoertaf-aer dzaeq-ir-euq nar-aq, yawdoer ghaq-anr nae oe-euq mae.


Ngaq-anr nae jaqmyawf hawr-eu maqtsaq-eu jeq, Garmanr kaq-eu gar yurdzae naeqlaf. Ngaq-anr smrmuiqzaq maqngeur nar-aq, irshaqzaq taqbi pyeufnaeqlaf. Ngar daefnya’ni, mawf-eu dzaqdzaq dawrdawr bifnaeq laf-awq.


Nawq-euq saflar nae taef-aer Miqyaer-anr jaceuqluf nar-aq, khoergar jawrluf-eu dawqbav maq siqnya-eu tsawrhaq, nawr jaceuq luf-eu dawq-anr maq ghovshawnya nar-aq, nawr jaceuq luf-eu gar, “Aqmeq” laer aqjox-aer aernya nmr-mq?


Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.


Irsaqleqlav-euq Miqyaer pyeuf-eu Ya’we Miqyaer-anr jaceuq-awq! Mqmaq maqbyav yarzir-anr nae mqmaq maqbyav yarzir-anr keuvni jaceuq-awq! Tsawrhaq yawqghaq navluf “Aqmeq” laer aer-awq. Haleluya!


Mqmaq maqbyav yarzir, Ya’we Miqyaer-anr jaceuq-awq. Aqmeq. Aqmeq.


Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.


Khoerngae, aqyuif aqtsu 24 ghaq hawr-eu yawdaef jeq khoer oeq mawr awbyav ghae-awr, nuirmanq-anr nuirluf-eu Miqyaer-anr uqduq tanqtanq-aer aer-eu, “Aqmeq! Haleluya!”


Khoernar-aq, ngar, mq-euq khoertav hawr-eu mirtsaq-euq khoertav, mirtsaq-euq dawqdan hawr-eu iqmalavshav-euq lafkhoer, khardaef kharjawr-eu jeq, heulof-aer aer-eu gar yagaq-euq ma, “Jaceuq-eu jeq hawr-eu taqhuiq taqmanr-eu jeq, Yawshaef khanqsaer hawr-eu baoq dawqtawvluf, Li-eu maqbawni, nuirmanq-anr nuirluf-eu ghaq-anr hawr-eu Yawrzaq-anr of luf-ur.”


“Lawqdiqciv Kalizaq armur-euq mqtav ghaqkhaer-anr heulof-aer bofnaeq-awq: ‘Sarjax zif-awr yawtsaq yawdawr-euq lafkhoer sarkir kamq-eu ghaq, Miqyaer nae khar baetaq-euq khoertav uqdzan ghaq pyeuf-awr, Aqmeq laer kur-eu ghaq heulof-aer aer-eu mae:


Tiqpavnav deuq-aq, aqcawq aqjaf jaf-awr, yanqcav nae juif-eu gar yadaq-euq uqtaf, shmrcav nae bipaf-awr, kuv-anr nyaefur-eu gar khawf yadaq-euq mae.


Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.


Aqjeq mirnae aernar-aq, uvlanr-eu jeq-aq, Ya’we Miqyaer-euq pyeuf-awr; Aqyawf, mirkhanq-euq tsawrjeuq deuq-anr uvlanr luf-eu mae.


Swiv nou:

Piblisite


Piblisite