Maꞈtehˬ 6:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqcawq, nga’maf-anr mrbanq lavbanq laf-euq iqbax-anr nga’maf pyaeqnaeq-euq lof-aer, Nga’maf-euq iqbax-anr khawf, nawr pyaeqnaeq laf-awq.

Akha

¹² Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Maꞈtehˬ 6:12 Referans Kwoze

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Maˬkuˆ 11:25

“Nawmaf yawf-awr guiqlanq sharluf ngae, tiqghaq nav-anr iqbax taqluf-eu gar nawmaf noeqdovlar nar-aq, aqyawf-anr iqbax pyaeqnaeq-awq. Nawmaf iqbax pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq mrlaeq-euq iqbax-anr pyaeqnaeqlaf taef-a.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Gawˇlawˇsehˇ 3:13

Tiqghaq tirghaq oror-aer daef-awq. Tiqghaq-euq khoertav tiqghaq iqbax taqkharza nar-aq, tiqghaq tirghaq iqbax pyaeq-awq. Kali, nawmaf-euq iqbax-anr pyaeq-euq lof-aer, nawmaf khawf tiqghaq tirghaq iqbax yapyaeq-eu mae.

Luˇkaꞈ 11:4

Nga’maf-euq iqbax-anr pyaeqnaeqlaf. Aqjeq mirnae aernar-aq, nga’maf khawf nga’maf-anr mrbanq-euq dzirdzov dav-eu yawqghaq navluf-anr pyaeqnaeq-euq ma. Iqbax murjur jur-eu maeqnan nga’maf-anr taqbi ir naeqlaf. Yawdoer ghaq-anr nae nga’maf-anr bibuq-ir naeqlaf.”

Luˇkaꞈ 6:37

“Nawmaf, aqcawq-anr yarkhaq taqdar. Maqdar nar-aq, aqcawq khawf nawmaf-anr yarkhaq maq darlar-ar. Nawmaf, aqcawq-anr dartsaev-eu taqtaeq. Maq dartsaev nar-aq, aqcawq khawf dartsaev lar-eu maqkawr-ar. Nawmaf, aqcawq mrlaeq naeqlaf-euq iqbax-anr pyaeqnaeq-awq. Pyaeqnaeq nar-aq, aqcawq khawf pyaeqnaeqlaf taef-a.

Jaceuq 32:1

Yawqha-euq iqbax bi daeqkaq-awr, Yawqha-euq yawbanq yawlaeq-euq gharduq, Iqbax bipyaeq-euq tsawrhaq-aq, guiqlanq huiq-eu mae.

Jaceuq 130:4

Aerkhawf, nawr jawr-eu gar iqbax pyaeq-eu jeq jav-eu mae; Khoermirnae, aqcawq, nawq-anr guv-eu tsaq mae.

Gʼaˬkʼehˇ 13:38

Khoermirnae, aqyuif aqnyir deuq-or! Nawmaf heu-anr siqnya-awq. Tsawrhaq heughaq-euq baqda’nae iqbax pyaeq-eu garkawv, nawmaf-anr dawqmaeq maeqnaeq-euq ma.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Maꞈtehˬ 26:28

Aqjeq mirnae aernar-aq, heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq iqbax pyaeqnaeq nya’ni ngaq-euq shiq bi yoerle ma.

Luˇkaꞈ 13:4

Sirloq lan-anr jav-eu irlaq-euq khawrzeur gapyav le-awr bi daetaeq saef-euq tsawrhaq 18 ghaq-aq, Yeqlursaqlaeq-anr jawr-eu tsawrhaq dawqtawvluf navmaqtser mrbanq-euq mirnae nga laer nawmaf noeq-eu nya lor?