Maꞈtehˬ 6:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawr uvlanr-eu jeq bi keuvle law. Mq-euq khoertav nawq-euq nuikhanr shir-eu jeq byan-eu lof-aer, mirtsaq-euq khoertav khawf bi byanle law.

Akha

¹⁰ Nawˬ-euˬ miˇ kʼahˬ keuˆ le luꞈ-uˇ. Nawˇ nui kʼahˇ shiˇ-eu jeˬ, mˬ kʼoeˇ taˆ mˇ byah-euˬ loꞈ-ehˇ, miˇ tsaˬ kʼoeˇ taˆ mˇ byah luꞈ-uˇ.

Maꞈtehˬ 6:10 Referans Kwoze

HeˬByehˇ 10:36

Nawmaf, Miqyaer nuima tsaq-eu jeq-anr mrbyan-euq nar-aq, aqyawf nae sarjax dzaqtaq-euq jeq-anr za’ni daqcoer orcoer-eu jeq ya’anr-eu mae.

Yoˇhaˬ 4:34

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

1 Teˇsaˬloˇni 5:18

Yawqjeq navluf-euq lafkhoer Miqyaer-euq guiqlanq-anr jaceuq-awq. Aqjeq mirnae aernar-aq, nawmaf heulof-aer janr-eu-aq, Yeqsur Kali-euq lafkhoer Miqyaer nuima tsaq-eu mae.

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Gawˇlawˇsehˇ 1:9

Khoermirnae, nga’maf yagaq-euq ngae nan-anr nae, maq naqni nawmaf-euq gharduq guiqlanq sharluf-eu ma. Zaqsiq tsawrganr hawr-eu saflar paw-euq ghovshaw nya-eu jeq dawqtawv luf-euq lafkhoer, nawmaf, Miqyaer nuima tsaq-eu jeq-anr siqnya-eu tsawrganr anrlarni sharluf-eu ma.

Eˇpeˇsu 6:6

Tsawrhaqzaq nuikhanr bishir-eu laer, aqcawq mawr ngae taef-aer mr-eu jeq taqbi pyeuf. Kali-euq kuirlaf zaqkhav lof-aer, nuima-euq lafkhoer nae Miqyaer nuima tsaqni mr-eu jeq bipyeuf-awq.

Jaceuq 40:8

Ngaq-euq Miqyaer-or! Ngar, nawq-euq nuima tsaq-eu jeq mr-eu laqkhaq caer-awr, Nawq-euq zanrdawq, ngaq-euq nuima-euq lafkhoer anrluf ma.”

Maꞈtehˬ 7:21

“Ngaq-anr, ‘Sanqpaq-or! Sanqpaq-or’ laer kharkur-eu tsawrhaq yawqghaq navluf-aer, mqtav mirkhanq-anr ya urler-eu maqngeur-a. Mq-euq khoertav jawr-eu ngaqDa nuima tsaqni mr-eu tsawrhaq deuq taef-aer ya urler-eu mae.

1 Beˬtuˆluˆ 2:15

Aqjeq mirnae aernar-aq, nawmaf yawmuiq jeq mr-eu gar Miqyaer nuima tsaq-eu mae. Nawmaf heulof-aer mr nar-aq, aqdzawq argan deuq-euq khaqmae ciqcurni bipyeuf-ir nya taef-a.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Luˇkaꞈ 22:42

“Aqda-or! Nawr nuima tsaq nar-aq, khmqmaq heu ngaq-anr nae ciqdzae naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuikhanr shir-eu lof-aer bipyeuf law.”

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

1 Teˇsaˬloˇni 4:3

Nawmaf yawshawr shawr-aer daefni Miqyaer nuima tsaq-eu mae. Banq-awr khaqmiq sheu-eu jeq taqbi jav.

Gʼaˬkʼehˇ 21:14

Nga’maf, aqyawf-anr maq japyawr nya-eu mirnae, “Sanqpaq Miqyaer nuima tsaq-eu lof-aer pyeuf luf-ur!” laer aer-awr, ciqcurni jawr-euq ma.

Gʼaˬkʼehˇ 13:22

Khoernar-aq, Miqyaer, Sawrluv-anr yurdzae-awr, Daqbir-anr aqyawf maf-euq sanqpaq bi geuflar-euq mae. Miqyaer, Daqbir-euq garkawv sarkir kamq-eu, ‘Ngar nuima tsaq-eu jeq dawqtawvluf mrbyan-awr, Ngaq-euq nuima-anr cantae-eu tiq ghaq povmawr-euq ma. Aqyawf-aq, Yeqshaer-euq zaqyo Daqbir mae.’ (Jc 89:20; 1Sml 13:14)

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Panmaeq 12:10

Khoernar-aq, ngar, mq-euq khoertav tersar yawkhav-aer heulof-aer aer-eu gar yagaq-euq ma: “Nymq-mr, aqdui-euq Miqyaer uvlanr-eu jeq, ghaq, kakhof-eu jeq hawr-eu aqyawf-euq Kali-euq aryaq keuvle-euq mae. Aqjeq mirnae aernar-aq, aqdui-euq Miqyaer-euq maeqshi uqcif nan’ghanr maqtserni, aqdui-euq aqyuif aqnyir-euq yawlaeq daqler-eu ghaq, bi biqka ghae-euq mae.

1 Beˬtuˆluˆ 4:2

Nawmaf nuima khoerlof-aer taq nar-aq, maeqhu paw daefdavlef ngae, tsawrhaq-euq shiqshaq-euq nuikhanr maqpar geuf-aer, Miqyaer nuima tsaq-eu lof-aer geuf-eu mae.

HeˬByehˇ 10:7

Khoernar-aq, ngar aer-eu, ‘Sanqbof paryov-euq lafkhoer ngaq-euq garkawv bofanr taq-euq lof-aer, Miqyaer-or! Hawsher-eq! Ngar-aq, nawr nuima tsaq-eu jeq mr-eu laer oe-euq ma.’ ” (Jc 40:6-8)

Luˇkaꞈ 19:38

“ ‘Sanqpaq Miqyaer-euq tsawrmyanr-euq uqmov oeluf-eu Sanqpaq-anr jaceuq-awq.’ Mq-euq khoertav nuisar of-eu jeq jav luf-ur. Gor duidui-eu gar yawshaef khanqsaer jav luf-ur.” (Jc 118:26)

Maˬkuˆ 3:35

Miqyaer nuima tsaqni kharmr-eu tsawrhaq deuq-aq, ngaq-euq maernmr, ngaq-euq dmrma hawr-eu ngaqma mae.”

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maˬkuˆ 11:10

Sanqpaq Miqyaer-euq tsawrmyanr-euq uqmov keuvle luf-eu aqdui-euq aqda yawdzanr Daqbir-euq mirkhanq guiqlanqhuiq luf-ur! Gor duidui-eu gar hosa’na!” (Jc 118:25-26)

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Luˇkaꞈ 19:11

Aqyawfmaf dawq khoerdeuq-anr narhaqluf ngae, Yeqsur, Yeqlursaqlaeq-euq dawqpae lekeuv-euq baqda’nae, Miqyaer uvlanr-eu jeq tiqpov taef-aer keuvle-eu paq laer aqyawfmaf noeqluf-eu mae. Khoerngae, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae.

Gʼaˬkʼehˇ 22:14

Khoernar-aq, aqyawf aer-eu, ‘Nawr, Miqyaer nuima tsaq-eu jeq-anr yasiqni hawr-eu, Tsaq-awr dawr-eu ghaq-anr ya’mawrni khawf, aqyawf-euq khaqmae-anr nae ngaeqdov lef-euq tersar-anr yagaqni khawf, aqdui-euq aqpoeq deuq-euq Miqyaer, nawq-anr tserdov taq-euq mae.